Setja aukinn kraft í rannsókn á Biden sem vegnar betur í forvalinu Kjartan Kjartansson skrifar 3. mars 2020 14:49 Ron Johnson (t.h.) er á meðal einörðustu stuðningsmann Trump forseta (t.v) í öldungadeild Bandaríkjaþings. Hann stýrir einnig heimavarnanefnd öldungadeildarinnar sem rannsakar nú ásakanir Trump og bandamanna hans á hendur Biden-feðgunum. Vísir/EPA Repúblikanar á Bandaríkjaþingi búa sig nú undir að gefa út stefnu um vitnisburð í rannsókn þeirra á Joe Biden, fyrrverandi varaforseta. Bréf þess efnis var sent daginn eftir að Biden virtist blása nýju lífi í framboð sitt í forvali Demókrataflokksins með sigri í Suður-Karólínu. Donald Trump Bandaríkjaforseti og bandamenn hans í Repúblikanaflokknum hafa um margra mánaða skeið haldið uppi órökstuddum ásökunum um að Biden hafi sem varaforseti gerst sekur um misferli í samskiptum við úkraínsk stjórnvöld. Þrýstingur sem Trump beitti úkraínsk stjórnvöld um að þau rannsökuðu Biden leiddi til þess að fulltrúadeild Bandaríkjaþings kærði hann fyrir að misbeita valdi sínu en öldungadeildin sýknaði hann í febrúar. Nú hefur Ron Johnson, öldungadeildarþingmaður repúblikana frá Wisconsin sem stýrir heimavarnanefnd öldungadeildarinnar, tilkynnt nefndarmönnum að hann ætli sér að gefa út stefnu á hendur fyrrverandi starfsmanni úkraínska orkufyrirtækisins Burisma. Hunter Biden, sonur varaforsetans, sat í stjórn Burisma á sama tíma og faðir hans framfylgdi stefnu Bandaríkjastjórnar gagnvart Úkraínu. Andrii Telitsjenkó, sem vann fyrir fyrirtæki sem kom fram fyrir hönd Burisma í Bandaríkjunum, er á meðal þeirra sem hafa haldið fram þeirri stoðlausu samsæriskenningu við Rudy Giuliani, persónulegan lögmann Trump forseta, að úkraínskir embættismenn hafi reynt að aðstoða Hillary Clinton, frambjóðanda demókrata, í forsetakosningunum árið 2016. Rússnesk stjórnvöld, sem brutust inn í tölvupósta Demókrataflokksins árið 2016 til þess að reyna að hafa áhrif á kosningarnar, hafa haldið þeirri kenningu á lofti. Sjá einnig: Biden krefst þess að Giuliani verði ekki boðið í fleiri viðtöl Repúblikanar hafa jafnframt haldið því fram án sannana að Biden varaforseti hafi þrýst á úkraínsk stjórnvöld að reka helsta saksóknara landsins, Viktor Sjokín, vegna þess að embætti hans rannsakaði Burisma. Það eigi Biden að hafa gert til að verja hagsmuni sonar síns. Bandarískir og úkraínskir embættismenn hafa engu að síður sagt að rannsókn á Burisma hafi ekki verið í gangi þegar Biden þrýsti á stjórnvöld í Kænugarði um að sparka Sjokín. Biden framfylgdi stefnu Bandaríkjastjórnar og annarra vestrænna ríkja sem töldu Sjokín hafa dregið lappirnar í að uppræta landlæga spillingu í Úkraínu. Þannig hafi þrýstingur Biden og annarra vestrænna erindreka um að reka Sjokín gert rannsókn á Burisma líklegri, þvert á það sem Trump og repúblikanar hafa ýjað að. Framboð Biden virtist í verulegum kröggum í forvali demókrata þar til hann vann öruggan sigur í Suður-Karólínu á laugardag. Síðan þá hafa tveir frambjóðendur helst úr lestinni og lýst yfir stuðningi við hann. Daginn eftir sigurinn tilkynnti nefndarformaður repúblikana um fyrstu stefnuna um vitnisburð í rannsókn á Biden og syni hans Hunter. Neitar því að stefnan tengist sigri Biden Sérstaka athygli vekur að Johnson sendi bréf sitt um stefnuna á sunnudag, daginn eftir að Biden var lýstur sigurvegari í forvali demókrata í Suður-Karólínu. Biden, sem var í upphafi talinn sigurstranglegastur í forvali demókrata um að verða forsetaframbjóðandi flokksins, hafði átt undir högg að sækja en úrslitin í Suður-Karólínu virðast hafa gefið framboði hans byr undir báða vængi aftur. Johnson hafnar því að auknar sigurlíkur Biden hafi haft nokkuð að gera með að hann setti aukinn kraft í rannsóknina á Burisma. „Eftirlit mitt beinist ekki að Joe Biden eða Hunter Biden. Það eru þessi mál, það vill bara svo til að Joe Biden og Hunter Biden bendlast og tengjast við allt Úkraínumálið,“ segir Johnson við Washington Post. Því á Gary Peters, hæst setti demókratinn í nefndinni, bágt með að trúa. Hann mótmælti því að Johnson gæfi út stefnu á hendur Telitsjenkó í síðustu viku. Varaði hann við því að nefndin léti glepjast af rússneskum áróðri eins og leyniþjónustustofnanir Bandaríkjanna hafi varað við. „Við verðum að leita allra leiða til að tryggja að trúverðugleiki og kraftar öldungadeildar Bandaríkjanna séu ekki notaðir til þess að bera áfram tilraunir erlendra andstæðinga til afskipta sem leitast eftir því að grafa undan lýðræði okkar eða að setja þjóðaröryggi okkar í hættu,“ sagði Peters í yfirlýsingu í gær. Forsetakosningar í Bandaríkjunum Bandaríkin Donald Trump Ákæruferli þingsins gegn Trump Úkraína Tengdar fréttir Bilið á milli Bernie og Biden minnkar Joe Biden, fyrrverandi varafroseti Bandaríkjanna, vann góðan sigur í forvali Demókrataflokksins í Suður-Karólínu í nótt. 1. mars 2020 07:00 Tveggja turna tal á „ofurþriðjudegi“ Ofurþriðjudagurinn svokallaði fer fram í dag en þá er gengið að kjörborðinu í fjórtán ríkjum Bandaríkjanna og velja sinn mann í forvali Demókrataflokksins fyrir komandi forsetakosningar. 3. mars 2020 08:15 Mest lesið Lögregla dreifði gjörbreyttri mynd af díselþjófum Innlent „Sjaldan hefur stjórnmálamaður verið hamflettur jafn rækilega“ Innlent Ferðamaður lést við Breiðamerkursand Innlent Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Innlent „Það er rosalega ljótt að segja þetta en mér líður bara þannig“ Innlent Lögregla biðst afsökunar vegna myndarinnar Innlent Líkir aðferðum forstjóra Landsvirkjunnar við heimilisofbeldi Innlent Í áfalli eftir að hafa fengið bréf frá árásarmanninum inn um lúguna Erlent Hafi látið högg og spörk dynja á foreldrunum í tíu klukkustundir Innlent „Í Evrópumálum tel ég að þetta sé ekki rétti tíminn að fara í þá vegferð“ Innlent Fleiri fréttir Leynilega geimfarið sent á sporbraut í áttunda sinn Samþykkja ný lög um spillingarrannsóknir eftir mótmæli Múhameð eykur forskotið og enginn nefndur Keir Gera miklar breytingar á kjördæmum Texas, að beiðni Trumps Suðureyjargöng skilyrt hækkun eftirlaunaaldurs Kínverjar leita leiða til að granda gervihnöttum Musks Í áfalli eftir að hafa fengið bréf frá árásarmanninum inn um lúguna Dregur í land og segir Starmer og félaga verðlauna Hamas Létu sprengjum rigna á Kænugarð Segja 30 hafa látist í skotárás Ísraelshers við dreifingu neyðargagna Kanada í hóp þeirra sem hyggjast viðurkenna sjálfstæði Palestínu Sjö dáið úr hungri síðasta sólarhringinn Rannsaka tengsl þyngdarstjórnunarlyfja við bráða brisbólgu Gargaði á flokksfélaga sína Fyrsta ástralska geimflaugin flaug í fjórtán sekúndur Maxwell vill friðhelgi fyrir vitnisburðinn Vill greiða sex milljarða tryggingu til að losna úr haldi Pokrovsk riðar til falls 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Arabaríki og lönd ESB kalla eftir tveggja ríkja lausn og afvopnun Hamas Ísland ekki í fararbroddi heldur fylgi öðrum í humátt á eftir „Hann stal henni“ Bretar hyggjast viðurkenna Palestínu sem sjálfstætt ríki Færeyingar heita refsiaðgerðum gegn Rússlandi: „Eigum eftir að sjá hvernig efndirnar verða“ Gefa lítið fyrir afarkosti Trumps Ætlaði í höfuðstöðvar NFL Bandarískir trúboðar herja á einangraða ættbálka með drónum og sólarknúnum afspilunartækjum Trump um Epstein: „Hann stal fólki sem vann fyrir mig“ Íhuga að greiða sextíu milljarða til að friðþægja Trump Hyggjast greiða 60 þúsund á ári fyrir öll börn undir þriggja ára Sjá meira
Repúblikanar á Bandaríkjaþingi búa sig nú undir að gefa út stefnu um vitnisburð í rannsókn þeirra á Joe Biden, fyrrverandi varaforseta. Bréf þess efnis var sent daginn eftir að Biden virtist blása nýju lífi í framboð sitt í forvali Demókrataflokksins með sigri í Suður-Karólínu. Donald Trump Bandaríkjaforseti og bandamenn hans í Repúblikanaflokknum hafa um margra mánaða skeið haldið uppi órökstuddum ásökunum um að Biden hafi sem varaforseti gerst sekur um misferli í samskiptum við úkraínsk stjórnvöld. Þrýstingur sem Trump beitti úkraínsk stjórnvöld um að þau rannsökuðu Biden leiddi til þess að fulltrúadeild Bandaríkjaþings kærði hann fyrir að misbeita valdi sínu en öldungadeildin sýknaði hann í febrúar. Nú hefur Ron Johnson, öldungadeildarþingmaður repúblikana frá Wisconsin sem stýrir heimavarnanefnd öldungadeildarinnar, tilkynnt nefndarmönnum að hann ætli sér að gefa út stefnu á hendur fyrrverandi starfsmanni úkraínska orkufyrirtækisins Burisma. Hunter Biden, sonur varaforsetans, sat í stjórn Burisma á sama tíma og faðir hans framfylgdi stefnu Bandaríkjastjórnar gagnvart Úkraínu. Andrii Telitsjenkó, sem vann fyrir fyrirtæki sem kom fram fyrir hönd Burisma í Bandaríkjunum, er á meðal þeirra sem hafa haldið fram þeirri stoðlausu samsæriskenningu við Rudy Giuliani, persónulegan lögmann Trump forseta, að úkraínskir embættismenn hafi reynt að aðstoða Hillary Clinton, frambjóðanda demókrata, í forsetakosningunum árið 2016. Rússnesk stjórnvöld, sem brutust inn í tölvupósta Demókrataflokksins árið 2016 til þess að reyna að hafa áhrif á kosningarnar, hafa haldið þeirri kenningu á lofti. Sjá einnig: Biden krefst þess að Giuliani verði ekki boðið í fleiri viðtöl Repúblikanar hafa jafnframt haldið því fram án sannana að Biden varaforseti hafi þrýst á úkraínsk stjórnvöld að reka helsta saksóknara landsins, Viktor Sjokín, vegna þess að embætti hans rannsakaði Burisma. Það eigi Biden að hafa gert til að verja hagsmuni sonar síns. Bandarískir og úkraínskir embættismenn hafa engu að síður sagt að rannsókn á Burisma hafi ekki verið í gangi þegar Biden þrýsti á stjórnvöld í Kænugarði um að sparka Sjokín. Biden framfylgdi stefnu Bandaríkjastjórnar og annarra vestrænna ríkja sem töldu Sjokín hafa dregið lappirnar í að uppræta landlæga spillingu í Úkraínu. Þannig hafi þrýstingur Biden og annarra vestrænna erindreka um að reka Sjokín gert rannsókn á Burisma líklegri, þvert á það sem Trump og repúblikanar hafa ýjað að. Framboð Biden virtist í verulegum kröggum í forvali demókrata þar til hann vann öruggan sigur í Suður-Karólínu á laugardag. Síðan þá hafa tveir frambjóðendur helst úr lestinni og lýst yfir stuðningi við hann. Daginn eftir sigurinn tilkynnti nefndarformaður repúblikana um fyrstu stefnuna um vitnisburð í rannsókn á Biden og syni hans Hunter. Neitar því að stefnan tengist sigri Biden Sérstaka athygli vekur að Johnson sendi bréf sitt um stefnuna á sunnudag, daginn eftir að Biden var lýstur sigurvegari í forvali demókrata í Suður-Karólínu. Biden, sem var í upphafi talinn sigurstranglegastur í forvali demókrata um að verða forsetaframbjóðandi flokksins, hafði átt undir högg að sækja en úrslitin í Suður-Karólínu virðast hafa gefið framboði hans byr undir báða vængi aftur. Johnson hafnar því að auknar sigurlíkur Biden hafi haft nokkuð að gera með að hann setti aukinn kraft í rannsóknina á Burisma. „Eftirlit mitt beinist ekki að Joe Biden eða Hunter Biden. Það eru þessi mál, það vill bara svo til að Joe Biden og Hunter Biden bendlast og tengjast við allt Úkraínumálið,“ segir Johnson við Washington Post. Því á Gary Peters, hæst setti demókratinn í nefndinni, bágt með að trúa. Hann mótmælti því að Johnson gæfi út stefnu á hendur Telitsjenkó í síðustu viku. Varaði hann við því að nefndin léti glepjast af rússneskum áróðri eins og leyniþjónustustofnanir Bandaríkjanna hafi varað við. „Við verðum að leita allra leiða til að tryggja að trúverðugleiki og kraftar öldungadeildar Bandaríkjanna séu ekki notaðir til þess að bera áfram tilraunir erlendra andstæðinga til afskipta sem leitast eftir því að grafa undan lýðræði okkar eða að setja þjóðaröryggi okkar í hættu,“ sagði Peters í yfirlýsingu í gær.
Forsetakosningar í Bandaríkjunum Bandaríkin Donald Trump Ákæruferli þingsins gegn Trump Úkraína Tengdar fréttir Bilið á milli Bernie og Biden minnkar Joe Biden, fyrrverandi varafroseti Bandaríkjanna, vann góðan sigur í forvali Demókrataflokksins í Suður-Karólínu í nótt. 1. mars 2020 07:00 Tveggja turna tal á „ofurþriðjudegi“ Ofurþriðjudagurinn svokallaði fer fram í dag en þá er gengið að kjörborðinu í fjórtán ríkjum Bandaríkjanna og velja sinn mann í forvali Demókrataflokksins fyrir komandi forsetakosningar. 3. mars 2020 08:15 Mest lesið Lögregla dreifði gjörbreyttri mynd af díselþjófum Innlent „Sjaldan hefur stjórnmálamaður verið hamflettur jafn rækilega“ Innlent Ferðamaður lést við Breiðamerkursand Innlent Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Innlent „Það er rosalega ljótt að segja þetta en mér líður bara þannig“ Innlent Lögregla biðst afsökunar vegna myndarinnar Innlent Líkir aðferðum forstjóra Landsvirkjunnar við heimilisofbeldi Innlent Í áfalli eftir að hafa fengið bréf frá árásarmanninum inn um lúguna Erlent Hafi látið högg og spörk dynja á foreldrunum í tíu klukkustundir Innlent „Í Evrópumálum tel ég að þetta sé ekki rétti tíminn að fara í þá vegferð“ Innlent Fleiri fréttir Leynilega geimfarið sent á sporbraut í áttunda sinn Samþykkja ný lög um spillingarrannsóknir eftir mótmæli Múhameð eykur forskotið og enginn nefndur Keir Gera miklar breytingar á kjördæmum Texas, að beiðni Trumps Suðureyjargöng skilyrt hækkun eftirlaunaaldurs Kínverjar leita leiða til að granda gervihnöttum Musks Í áfalli eftir að hafa fengið bréf frá árásarmanninum inn um lúguna Dregur í land og segir Starmer og félaga verðlauna Hamas Létu sprengjum rigna á Kænugarð Segja 30 hafa látist í skotárás Ísraelshers við dreifingu neyðargagna Kanada í hóp þeirra sem hyggjast viðurkenna sjálfstæði Palestínu Sjö dáið úr hungri síðasta sólarhringinn Rannsaka tengsl þyngdarstjórnunarlyfja við bráða brisbólgu Gargaði á flokksfélaga sína Fyrsta ástralska geimflaugin flaug í fjórtán sekúndur Maxwell vill friðhelgi fyrir vitnisburðinn Vill greiða sex milljarða tryggingu til að losna úr haldi Pokrovsk riðar til falls 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Arabaríki og lönd ESB kalla eftir tveggja ríkja lausn og afvopnun Hamas Ísland ekki í fararbroddi heldur fylgi öðrum í humátt á eftir „Hann stal henni“ Bretar hyggjast viðurkenna Palestínu sem sjálfstætt ríki Færeyingar heita refsiaðgerðum gegn Rússlandi: „Eigum eftir að sjá hvernig efndirnar verða“ Gefa lítið fyrir afarkosti Trumps Ætlaði í höfuðstöðvar NFL Bandarískir trúboðar herja á einangraða ættbálka með drónum og sólarknúnum afspilunartækjum Trump um Epstein: „Hann stal fólki sem vann fyrir mig“ Íhuga að greiða sextíu milljarða til að friðþægja Trump Hyggjast greiða 60 þúsund á ári fyrir öll börn undir þriggja ára Sjá meira
Bilið á milli Bernie og Biden minnkar Joe Biden, fyrrverandi varafroseti Bandaríkjanna, vann góðan sigur í forvali Demókrataflokksins í Suður-Karólínu í nótt. 1. mars 2020 07:00
Tveggja turna tal á „ofurþriðjudegi“ Ofurþriðjudagurinn svokallaði fer fram í dag en þá er gengið að kjörborðinu í fjórtán ríkjum Bandaríkjanna og velja sinn mann í forvali Demókrataflokksins fyrir komandi forsetakosningar. 3. mars 2020 08:15