Zoom lofar bót og betrun Stefán Ó. Jónsson skrifar 3. apríl 2020 10:56 Sjálfstæðisflokkurinn er meðal þeirra fjölmörgu sem hafa reitt sig á Zoom á síðustu vikum, nú þegar samkomubann torveldar venjuleg fundahöld. Twitter/Bjarni Benediktsson Forriturum fjarfundafyrirtækisins Zoom hefur verið gert að einbeita sér alfarið að öryggismálum næstu mánuðina. Öll önnur þróun hugbúnaðarins má bíða betri tíma enda hefur Zoom sætt harðri gagnrýni síðustu vikur vegna öryggisgalla og fullyrðinga fyrirtækisins um dulkóðanir þess sem hafa ekki staðist skoðun. Zoom hefur verið á allra vörum síðustu vikur, jafnt á Íslandi sem og annars staðar, eftir að stjórnvöld um allan heim hafa takmarkað ferðir fólks vegna kórónuveirunnar. Fyrir vikið hafa fleiri en nokkru sinni fyrr reitt sig á hvers kyns fjarfundabúnað í stað þess að mæta til vinnu og vinsældir Zoom aukist samhliða. Fyrirtækið segir þannig að notendur búnaðarins hafi verið um 10 milljónir á mánuði fyrir faraldurinn - þeir séu hins vegar um 200 milljónir í dag. Íslendingar eru í þessum hópi og eru margir hverjir farnir að þekkja forritið ágætlega, til að mynda þingflokkur Sjálfstæðisflokksins sem hefur verið duglegur við að birta myndir af Zoom-fundunum sínum á síðustu dögum. Þingflokksfundur fer að hefjast. Umgjörðin nokkuð óvanaleg. pic.twitter.com/dB2gfBWPdD— Bjarni Benediktsson (@Bjarni_Ben) March 23, 2020 Það eru þó ekki allir á eitt sáttir við öryggismálin hjá Zoom. Þannig hefur tæknimógúllinn Elon Musk bannað starfsmönnum SpaceX að reiða sig á fjarfundabúnaðinn vegna „mikilla efasemda um öryggis- og persónuverndarmál“ hjá Zoom. „Við vitum að mörg ykkar nota búnaðinn til að aðstoða við fundahöld,“ segir í skilaboðum sem stjórnendur SpaceX sendu starfsmönnum sínum í lok mars. „Vinsamlegast reiðið ykkur á tölvupóst, smáskilaboð eða símtöl í samskiptum ykkar.“ Þar að auki sýndi rannsókn The Intercept fram á að fullyrðingar Zoom um að myndbandsfjarfundi sé hægt að dulkóða, og þannig minnka líkurnar á að óprúttnir geti komist yfir innhald þeirra, reyndust ekki halda neinu vatni. Talsmaður Zoom staðfesti það jafnframt í samtali við miðilinn. Þó svo að fólk sem nýti sama þráðlausa net og þú eigi ekki að geta laumað sér inn á fundina kemur ekkert í veg fyrir að Zoom sjálft fylgist með því sem þar fer fram. Talsmaðurinn tók fram að Zoom myndi þó aldrei njósna um notendur sína. Ég tók þingflokksfundinn frá Old Trafford í dag. Nota næst Samsungvöll Stjörnunnnar sem bakgrunn, á hann líka. pic.twitter.com/lrpKSsnJ4r— Bjarni Benediktsson (@Bjarni_Ben) March 25, 2020 Vegna sífellt háværari gagnrýni sendi forstjóri Zoom frá sér langa yfirlýsingu á miðvikudag. Þar segir Eric S. Yuan að fyrirtækið hafi aldrei getað gert sér í hugarlund þær vinsældir sem Zoom nýtur núna, þegar helmingur mannkyns býr við hvers kyns samgöngu- og útgöngubönn. Þannig séu hugbúnaðurinn notaður í einum 90 þúsund skólum í 20 ríkjum heims. Þessum vinsældum hafi fylgt aukið álag sem hefur verið helsta úrlausnarefni Zoom á síðustu dögum, skrifar Yuan. Ekki aðeins hafi notendum fjölgað heldur séu þeir farnir að nota forritið með öðrum hætti en aðstandendur Zoom höfðu geta ímyndað sér. „Engu að síður þá áttum við okkur á því að við höfum ekki staðið undir kröfum notenda - og okkra sjálfra - þegar kemur að öryggis- og persónuverndarmálum. Það þykir mér gríðarlega leitt og mig langar að segja ykkur að við erum að bregðast við því.“ Gefa sér 90 daga Af þeim sökum hafa forritarar og annað tæknifólk Zoom einbeitt sér alfarið að öryggismálum síðustu vikurnar. Fyrirtækið hefur þegar sent frá sér uppfærslur sem ætlað er að fylla í nokkrar öryggisgloppur, auk þess sem Zoom hefur fjarlægt og breytt ýmsum eiginleikum með sambærilegt markmið í huga. Fyrirtækið ætli sér að vinna bug á öllum sínum vanköntum á næstu 90 dögum. Greinendur tækniritsins Tech Crunch eru þó ekki sannfærðir. „Það að Zoom ætli sér að leysa úr þessu eins fljótt og það getur er einfaldlega ekki nóg. Það er eitthvað að hjá Zoom - léleg fyrirtækjamenning leiðir til allra þessara mistaka. Þetta mun taka þau miklu lengri tíma en 90 daga [að ganga frá lausum endum]“ skrifar greinandi tækniritsins. Tækni Samkomubann á Íslandi Faraldur kórónuveiru (COVID-19) Tengdar fréttir Tröll herja á fjarfundi alkóhólista í New York Þetta athæfi kallast Zoom bombing þar sem nettröll leita uppi fundi og deila hlekkjum sín á milli sem þeir nota til að skemma fundina. 1. apríl 2020 12:07 Algeng mistök á fjarfundum Dæmi um algeng mistök á fjarfundum mátti sjá í þætti Gísla Marteins á RÚV um síðustu helgi þegar ráðherrarnir Katrín Jakobsdóttir, Bjarni Benediktsson og Sigurður Ingi Jóhannsson mættu sem gestir í gegnum fjarfundarbúnað. 30. mars 2020 09:00 Mest lesið Fjórar týpur af yfirmönnum sem eru sjálfir að drukkna í vinnu Atvinnulíf Tókst ekki að sýna fram á galla og situr uppi með körfuboltaskóna Neytendur Gera fjölmargar breytingar á kílómetragjaldinu Neytendur Löng röð myndaðist í Lágmúlanum á miðnætti Viðskipti innlent Topplúgan kom á óvart á annars praktískum ferðatrukk Samstarf Yfir 20.000 viðskiptavinir og tíföldun gengis á fimm árum Samstarf Reon ræður inn hönnunarstjóra frá Spotify Viðskipti innlent Kjarasamningar Play og ÍFF í höfn Viðskipti innlent Meðallaun 758 þúsund á mánuði Viðskipti innlent Greiddu 865 milljónir fyrir Herkastalann Viðskipti innlent Fleiri fréttir Viðvörunarbjöllur glymja vegna Kína og sjaldgæfra málma Tollar á ál og stál hækka Tvöfaldar tolla á innflutt stál og ál Dómstóll ógilti tollahækkanir Trump Volvo segir upp þrjú þúsund manns Fangelsisdómar yfir stjórnendum Volkswagen vegna útblásturshneykslis X-ið hans Musk virðist liggja niðri Kallar eftir virðingu eftir tollahótanir Trump Hótar Evrópusambandinu og Apple háum tollum Reka forstjóra danska lyfjarisans sem malar gull á Ozempic Gamla nafnið verður nýja nafnið, aftur Íslenskt sund í New York Apple skoðar að stýra snjalltækjum með hugsunum Ofurtollarnir lækkaðir tímabundið Ríkið eignast hlut í Norwegian Hækkanir á Asíumörkuðum Ræða við „hrokafulla“ Kana vegna áhyggja af tollum Trumps Fluttu mun minna til Bandaríkjanna en meira annað Vilja nota geimflaugar til að flytja hergögn hvert sem er Ætlar ekki að deyja í smán og gefur frá sér auðæfin Bretar fyrstir til að semja við Trump Hyggja á opnun nýs Disney-skemmtigarðs í Abú Dabí Hætta við að reka OpenAI í hagnaðarskyni Buffett hættir sem forstjóri við lok árs Minni sala í skugga slæmra efnahagshorfa Sekta TikTok um tæpa áttatíu milljarða Engar viðræður fyrr en Trump fellir niður tolla Sjá meira
Forriturum fjarfundafyrirtækisins Zoom hefur verið gert að einbeita sér alfarið að öryggismálum næstu mánuðina. Öll önnur þróun hugbúnaðarins má bíða betri tíma enda hefur Zoom sætt harðri gagnrýni síðustu vikur vegna öryggisgalla og fullyrðinga fyrirtækisins um dulkóðanir þess sem hafa ekki staðist skoðun. Zoom hefur verið á allra vörum síðustu vikur, jafnt á Íslandi sem og annars staðar, eftir að stjórnvöld um allan heim hafa takmarkað ferðir fólks vegna kórónuveirunnar. Fyrir vikið hafa fleiri en nokkru sinni fyrr reitt sig á hvers kyns fjarfundabúnað í stað þess að mæta til vinnu og vinsældir Zoom aukist samhliða. Fyrirtækið segir þannig að notendur búnaðarins hafi verið um 10 milljónir á mánuði fyrir faraldurinn - þeir séu hins vegar um 200 milljónir í dag. Íslendingar eru í þessum hópi og eru margir hverjir farnir að þekkja forritið ágætlega, til að mynda þingflokkur Sjálfstæðisflokksins sem hefur verið duglegur við að birta myndir af Zoom-fundunum sínum á síðustu dögum. Þingflokksfundur fer að hefjast. Umgjörðin nokkuð óvanaleg. pic.twitter.com/dB2gfBWPdD— Bjarni Benediktsson (@Bjarni_Ben) March 23, 2020 Það eru þó ekki allir á eitt sáttir við öryggismálin hjá Zoom. Þannig hefur tæknimógúllinn Elon Musk bannað starfsmönnum SpaceX að reiða sig á fjarfundabúnaðinn vegna „mikilla efasemda um öryggis- og persónuverndarmál“ hjá Zoom. „Við vitum að mörg ykkar nota búnaðinn til að aðstoða við fundahöld,“ segir í skilaboðum sem stjórnendur SpaceX sendu starfsmönnum sínum í lok mars. „Vinsamlegast reiðið ykkur á tölvupóst, smáskilaboð eða símtöl í samskiptum ykkar.“ Þar að auki sýndi rannsókn The Intercept fram á að fullyrðingar Zoom um að myndbandsfjarfundi sé hægt að dulkóða, og þannig minnka líkurnar á að óprúttnir geti komist yfir innhald þeirra, reyndust ekki halda neinu vatni. Talsmaður Zoom staðfesti það jafnframt í samtali við miðilinn. Þó svo að fólk sem nýti sama þráðlausa net og þú eigi ekki að geta laumað sér inn á fundina kemur ekkert í veg fyrir að Zoom sjálft fylgist með því sem þar fer fram. Talsmaðurinn tók fram að Zoom myndi þó aldrei njósna um notendur sína. Ég tók þingflokksfundinn frá Old Trafford í dag. Nota næst Samsungvöll Stjörnunnnar sem bakgrunn, á hann líka. pic.twitter.com/lrpKSsnJ4r— Bjarni Benediktsson (@Bjarni_Ben) March 25, 2020 Vegna sífellt háværari gagnrýni sendi forstjóri Zoom frá sér langa yfirlýsingu á miðvikudag. Þar segir Eric S. Yuan að fyrirtækið hafi aldrei getað gert sér í hugarlund þær vinsældir sem Zoom nýtur núna, þegar helmingur mannkyns býr við hvers kyns samgöngu- og útgöngubönn. Þannig séu hugbúnaðurinn notaður í einum 90 þúsund skólum í 20 ríkjum heims. Þessum vinsældum hafi fylgt aukið álag sem hefur verið helsta úrlausnarefni Zoom á síðustu dögum, skrifar Yuan. Ekki aðeins hafi notendum fjölgað heldur séu þeir farnir að nota forritið með öðrum hætti en aðstandendur Zoom höfðu geta ímyndað sér. „Engu að síður þá áttum við okkur á því að við höfum ekki staðið undir kröfum notenda - og okkra sjálfra - þegar kemur að öryggis- og persónuverndarmálum. Það þykir mér gríðarlega leitt og mig langar að segja ykkur að við erum að bregðast við því.“ Gefa sér 90 daga Af þeim sökum hafa forritarar og annað tæknifólk Zoom einbeitt sér alfarið að öryggismálum síðustu vikurnar. Fyrirtækið hefur þegar sent frá sér uppfærslur sem ætlað er að fylla í nokkrar öryggisgloppur, auk þess sem Zoom hefur fjarlægt og breytt ýmsum eiginleikum með sambærilegt markmið í huga. Fyrirtækið ætli sér að vinna bug á öllum sínum vanköntum á næstu 90 dögum. Greinendur tækniritsins Tech Crunch eru þó ekki sannfærðir. „Það að Zoom ætli sér að leysa úr þessu eins fljótt og það getur er einfaldlega ekki nóg. Það er eitthvað að hjá Zoom - léleg fyrirtækjamenning leiðir til allra þessara mistaka. Þetta mun taka þau miklu lengri tíma en 90 daga [að ganga frá lausum endum]“ skrifar greinandi tækniritsins.
Tækni Samkomubann á Íslandi Faraldur kórónuveiru (COVID-19) Tengdar fréttir Tröll herja á fjarfundi alkóhólista í New York Þetta athæfi kallast Zoom bombing þar sem nettröll leita uppi fundi og deila hlekkjum sín á milli sem þeir nota til að skemma fundina. 1. apríl 2020 12:07 Algeng mistök á fjarfundum Dæmi um algeng mistök á fjarfundum mátti sjá í þætti Gísla Marteins á RÚV um síðustu helgi þegar ráðherrarnir Katrín Jakobsdóttir, Bjarni Benediktsson og Sigurður Ingi Jóhannsson mættu sem gestir í gegnum fjarfundarbúnað. 30. mars 2020 09:00 Mest lesið Fjórar týpur af yfirmönnum sem eru sjálfir að drukkna í vinnu Atvinnulíf Tókst ekki að sýna fram á galla og situr uppi með körfuboltaskóna Neytendur Gera fjölmargar breytingar á kílómetragjaldinu Neytendur Löng röð myndaðist í Lágmúlanum á miðnætti Viðskipti innlent Topplúgan kom á óvart á annars praktískum ferðatrukk Samstarf Yfir 20.000 viðskiptavinir og tíföldun gengis á fimm árum Samstarf Reon ræður inn hönnunarstjóra frá Spotify Viðskipti innlent Kjarasamningar Play og ÍFF í höfn Viðskipti innlent Meðallaun 758 þúsund á mánuði Viðskipti innlent Greiddu 865 milljónir fyrir Herkastalann Viðskipti innlent Fleiri fréttir Viðvörunarbjöllur glymja vegna Kína og sjaldgæfra málma Tollar á ál og stál hækka Tvöfaldar tolla á innflutt stál og ál Dómstóll ógilti tollahækkanir Trump Volvo segir upp þrjú þúsund manns Fangelsisdómar yfir stjórnendum Volkswagen vegna útblásturshneykslis X-ið hans Musk virðist liggja niðri Kallar eftir virðingu eftir tollahótanir Trump Hótar Evrópusambandinu og Apple háum tollum Reka forstjóra danska lyfjarisans sem malar gull á Ozempic Gamla nafnið verður nýja nafnið, aftur Íslenskt sund í New York Apple skoðar að stýra snjalltækjum með hugsunum Ofurtollarnir lækkaðir tímabundið Ríkið eignast hlut í Norwegian Hækkanir á Asíumörkuðum Ræða við „hrokafulla“ Kana vegna áhyggja af tollum Trumps Fluttu mun minna til Bandaríkjanna en meira annað Vilja nota geimflaugar til að flytja hergögn hvert sem er Ætlar ekki að deyja í smán og gefur frá sér auðæfin Bretar fyrstir til að semja við Trump Hyggja á opnun nýs Disney-skemmtigarðs í Abú Dabí Hætta við að reka OpenAI í hagnaðarskyni Buffett hættir sem forstjóri við lok árs Minni sala í skugga slæmra efnahagshorfa Sekta TikTok um tæpa áttatíu milljarða Engar viðræður fyrr en Trump fellir niður tolla Sjá meira
Tröll herja á fjarfundi alkóhólista í New York Þetta athæfi kallast Zoom bombing þar sem nettröll leita uppi fundi og deila hlekkjum sín á milli sem þeir nota til að skemma fundina. 1. apríl 2020 12:07
Algeng mistök á fjarfundum Dæmi um algeng mistök á fjarfundum mátti sjá í þætti Gísla Marteins á RÚV um síðustu helgi þegar ráðherrarnir Katrín Jakobsdóttir, Bjarni Benediktsson og Sigurður Ingi Jóhannsson mættu sem gestir í gegnum fjarfundarbúnað. 30. mars 2020 09:00