Pogba og félagar æfðu á krikketvelli

Paul Pogba og nokkrir leikmenn Manchester United gerðu sér glaðan dag á krikketvelli í Cheshire þar sem þeir æfðu undir öllum helstu kórónureglum ríkisstjórnarinnar.

Pogba var mættur ásamt Anthony Martial, Andreas Pereira og Victor Lindelöf en Cheshire er hluti af Manchester-svæðinu. Þeir æfðu bæði með og án bolta.

Þeir virtust taka vel á því en Pogba var klæddur í ansi skrautlegan bol á meðan hinir leikmennirnir voru klæddir í meiri „venjulegri“ íþróttaföt.

United-mennirnir voru ekki að brjóta neinar reglur þarna en þeir héldu góðri fjarlægð og voru ekki margir saman í hóp. Þeir nýttu krikketvöll í hverfinu til æfingarinnar.

Stefna er að byrja ensku úrvalsdeildina annað hvort helgina 12. til 14. júní eða 19. til 21. júní þó að leikmenn deildarinnar hafi lýst yfir áhyggjum sínum að byrja aftur.