Kári Kristján Kristjánsson, landsliðsmaður í handbolta, hefur slegið í gegn með innslögum sínum í Sportinu í dag.
Kári smitaðist af Covid-19 og hefur leyft áhorfendum Stöðvar 2 Sport að fylgjast með lífinu í einangrun, í bílskúrnum heima í Vestmannaeyjum. Létt hefur verið yfir línumanninum og í pistli dagsins tók hann fyrir fræg dæmi um svindlara í íþróttasögunni.
Ben Johnson og Lance Armstrong eru svindlarar sem flestir þekkja en Kári rifjaði einnig upp söguna af landsliði Spánverja í körfubolta á Ólympíumóti fatlaðra árið 2000. Sjón er sögu ríkari.
Sportið í dag er á dagskrá á Stöð 2 Sport alla virka daga klukkan 15.00. Upptökur af fyrri þáttum má nálgast á sjónvarpsvef Stöðvar 2. Stöð 2 Sport er hluti af Sportpakkanum.