Lögregla rannsakar líkamsárás í Hafnarfirði

Skömmu eftir klukkan tíu í kvöld var tilkynnt um manneskju sem lá í götunni í Hafnarfirði. Í ljós kom að viðkomandi hafði orðið fyrir árás en sá sem tilkynnti málið til lögreglu hafði séð unglingahóp hlaupa í burtu. Í tilkynningu frá lögreglu segir að málið sé í rannsókn.

Þá var tilkynnt um krakka að leik í Árbæ rétt fyrir klukkan sex, en krakkarnir höfðu farið upp á þak Selásskóla.

Á sjöunda tímanum í kvöld barst lögreglu svo tilkynning um aðila sem væri að úða lakki yfir listaverk í Vesturbæ Reykjavíkur. Eftir nánari skoðun kom í ljós að þar væri ekki skemmdarvargur á ferð, heldur listamaðurinn sjálfur að laga eigið verk.