Jarðskjálfti við Grindavík að stærð 3,3

Jarðskjálfti að stærð 3,3 mældist klukkan korter yfir fjögur síðdegis um 3,5 kílómetra norðaustan við Grindavík. Fjöldi eftirskjálfta fylgdi í kjölfarið.

Veðurstofunni hefur borist tilkynningar um að skjálftans hafi orðið vart í Grindavík og Reykjanesbæ.

Þetta er stærsti skjálftinn sem orðið hefur á svæðinu síða 13. júní síðastliðinn en þá mældist skjálfti upp á þrjá komma fimm á svipuðum slóðum.

Skjálftavirkni hefur verið viðvarandi á svæðinu undanfarna mánuði í tengslum við aflögun vegna kvikuinnskota í jarðskorpunni.