Jude Bellingham er á leið til Dortmund en þessi sautján ára piltur gengur í raðir þýska stórliðsins í sumar frá uppeldisfélaginu Birmingham.
Bellingham mun því hlaupa um á Westfalen-leikvanginum á næstu leiktíð en hann hefur leikið allan sinn feril hingað til með Birmingham.
Bellingham lék sinn síðasta leik fyrir Birmingham, í bili að minnsta kosti, í gær er liðið tapaði 3-1 fyrir Derby í síðustu umferð ensku B-deildarinnar.
Hann lék í 75 mínútur í leiknum áður en hann var tekinn af velli. Birmingham endaði í 20. sæti deildarinnar, tveimur stigum frá falli.
Eftir leikinn birti Amazon fréttaveitan myndir af Bellingham þar sem hann sat á vellinum og grét. Tilfinningaþrunginn stund fyrir hinn unga Bellingham.
Jude Bellingham sat on the pitch in tears after playing his final match for Birmingham City last night pic.twitter.com/EcyxT03VYT
— Amazon Prime Video Sport (@primevideosport) July 23, 2020
Birmingham hefur nú ákveðið að taka frá treyjunúmer táningsins, númer 22, þannig að ekki verður í boði fyrir leikmenn félagsins að bera það númer um ókomna tíð. Það þótti við hæfi þar sem að um væri að ræða yngsta leikmann og markaskorara í sögu félagsins.
Forever our #22.
— Birmingham City FC (@BCFC) July 23, 2020
Good luck at @BVB, Jude!