Alvarlegt umferðarslys varð á Norðausturvegi, vegi 85, í nótt. Að sögn lögreglunnar á Norðurlandi eystra er enn unnið á vettvangi og litlar upplýsingar hægt að veita að svo stöddu.
Þó fékkst staðfest að um útafakstur eins bíls hafi verið að ræða.
Slysið mun hafa orðið skammt frá Presthólum í Núpasveit sem er á milli Öxarfjarðarnúps og Snartarstaðanúps, skammt frá Kópaskeri.
