Hermann áfram taplaus

Hermann Hreiðarsson er áfram taplaus sem þjálfari Þróttar Vogum eftir að liðið gerði 1-1 jafntefli við Kórdrengi í kvöld.

Hermann tók við liðinu fyrir útileik gegn Völsungi þann 11. júlí og hefur gert tvö jafntefli og unnið tvo í fyrstu fjórum leikjunum.

Lærisveinar hans komust yfir í kvöld er Viktor Smári Segatta skoraði í upphafi síðari hálfleik en Loic Ondo jafnaði metin fyrir Kórdrengi er stundarfjórðungur var eftir.

Kórdrengir eru í 2. sætinu með sautján stig en Þróttur er í 5. sætinu með þrettán.

Úrslit og markaskorarar eru frá fótbolti.net.