Segir FSÍ ekki hafa vitað af þungum ásökunum í garð Beltman Sindri Sverrisson skrifar 31. júlí 2020 12:00 Fimleikaþjálfarinn Gerrit Beltman starfar nú í Singapúr. Sólveig Jónsdóttir er framkvæmdastjóri FSÍ. mynd/NOS/FSÍ Sólveig Jónsdóttir, framkvæmdastjóri Fimleikasambands Íslands, segir sambandið ekki hafa vitað af ásökunum um gróft ofbeldi hollenska þjálfarans Gerrit Beltman þegar hann var fenginn til landsins sem gestaþjálfari. „Hann hefur komið inn sem verktaki á nokkrum námskeiðum hjá okkur,“ segir Sólveig, en Beltman var síðast hér á landi í fyrra á æfingahelgi fyrir úrvalshóp kvenna í áhaldafimleikum. Beltman viðurkenndi í viðtali fyrir skömmu að hann hefði gerst sekur um að niðurlægja og smána iðkendur á sínum þjálfaraferli, og jafnvel beitt líkamlegum refsingum. Hollensku landsliðskonurnar Staja Köhler og Simone Heitinga greindu frá ofbeldinu í bók sem kom út fyrir sjö árum, en þær æfðu undir handleiðslu Beltman á tíunda áratug síðustu aldar. „Ég er bara að heyra þetta í fyrsta skipti núna eftir fréttirnar frá Hollandi. Ég hafði aldrei heyrt áður af þessari bók. Þetta sýnir að maður þarf að rannsaka málið vel áður en maður kaupir ráðgjöf,“ segir Sólveig við Vísi, en hún hefur verið framkvæmdastjóri FSÍ frá sumrinu 2015. „Ég hafði ekki grænan grun um þetta. Þú getur rétt ímyndað þér. Við berum hag iðkenda alltaf fyrir brjósti og myndum aldrei vilja nýta krafta einstaklings með svona ásakanir á herðum sér. Að sama skapi er vert að hafa í huga að á okkar æfingum er aldrei einhver einn þjálfari. Iðkendur hafa sína þjálfara og það er hópur þjálfara á hverri æfingu,“ segir Sólveig sem telur að Beltman hafi um það bil fimm sinnum komið til Íslands vegna landsliðsæfinga. Frétt um heimsókn Beltman til landsins í fyrra.Skjáskot af vef FSÍ „Hann hefur komið nokkrum sinnum inn í æfingabúðir með íslensku þjálfurunum. Hann hefur komið inn og hjálpað til við að setja upp æfingar fyrir þjálfarana. Í minni tíð í Fimleikasambandinu hefur hann því ekki verið með æfingar þar sem hann er einn að þjálfa iðkendur á Íslandi. Við horfðum til þess að þjálfararnir okkar þyrftu að læra næsta stig í tækninni. Þetta voru því í raun námskeið fyrir þjálfarana,“ segir Sólveig. Dutch Gymnastics Coach Gerrit Beltman speeks about his abusive coaching methods. 'I abused and humiliated young gymnasts to win medals. I feel deeply ashamed'. More stories to follow @GymCastic @GymCoaching @thegymterdotnet https://t.co/TDa6CCakIc— Tessa de Wekker (@tessadewekker) July 24, 2020 Í kjölfar viðtalsins við Beltman hefur hópur hollenskra fimleikakvenna stigið fram og greint frá grimmúðlegum þjálfunaraðferðum fleiri þjálfara. Hafa núverandi landsliðsþjálfarar Hollands verið settir til hliðar á meðan að hollenska fimleikasambandið rannsakar málið. „Hollenska sambandið er búið að senda út bréf á öll sambönd í heiminum þar sem að óskað er eftir því að það verði haldin ráðstefna þar sem hægt verði að ræða um kúltúrinn – hverju sé hægt að breyta og hvað sé hægt að gera til framtíðar. Sambandið þar virðist því vera mjög meðvitað um að það þurfi að bregðast við,“ segir Sólveig. FSÍ með óháða nefnd sem iðkendur geta leitað til Sólveig segir íslenska sambandið mjög meðvitað um passa þurfi upp á heilbrigt æfingaumhverfi fyrir iðkendur. „Við erum með rosalega stífa stefnu til að hlú að líkamlegu og andlegu heilbrigði iðkenda í fimleikum. Við erum eiginlega fyrsta sambandið sem setti af stað siðanefnd, sem er óháð okkur og bara til stuðnings fyrir íþróttafólkið sjálft. Allir iðkendur eru látnir vita að þeir geti leitað þangað vanti þá ráðgjöf. Þessi nefnd var sett á laggirnar fyrir þremur árum og hefur sannað gildi sitt. Á hverju hausti þurfa allir þjálfarar sem ætla að fylgja iðkendum á mót að mæta á fræðsludag, og þar höfum við meðal annars verið með fyrirlestra um líkamlegt og andlegt heilbrigði. Þetta snýst bara um fræðslu. Menntakerfið okkar er mjög flott upp byggt og við erum alltaf að leggja meiri áherslu á jákvæða þjálfun. Við höfum líka tekið alla krakka í úrvalshópum og veitt þeim fræðslu um það hvernig er í lagi að komið sé fram við þá. Við höfum tekið rosalega stór skref til að tryggja að okkar iðkendur fái gott uppeldi og tæki og tól til að þroskast á sínum íþróttaferli og í lífinu.“ Fimleikar Tengdar fréttir Íslandsvinur sér eftir grimmúðlegum þjálfunaraðferðum „Ég myndi aldrei orða það þannig að hann hafi niðurlægt mig sem iðkanda, aldrei,“ segir Sif Pálsdóttir, fyrrverandi afrekskona í fimleikum, um hollenska þjálfarann Gerrit Beltman. Beltman kveðst sjá eftir grimmúðlegum þjálfunaraðferðum á sínum ferli. 31. júlí 2020 08:30 Mest lesið 32 ára lögreglukona átti sögulegan klukkutíma Sport „Eins og Ísland en bara enn betra“ Fótbolti Illa vegið að Guðlaugi: „Þetta hlýtur að kalla á rannsókn“ Sport Jack Nicklaus fær sex milljarða í meiðyrðamáli Golf Liverpool vaknaði við vondan draum og endaði taphrinuna með stæl Fótbolti Snjó kyngir niður á Akureyri og Evrópuleikur færður inn Íslenski boltinn Dæmdur úr leik á grátlegan hátt á HM í bakgarði Sport Hrósaði unga Íslendingnum: „Gæti orðið okkar jóker“ Fótbolti Albert valdi leikmenn Man. United sem hann þolir ekki Enski boltinn Sigurbjörn gæti snúið aftur til starfa: „Það kemur bara í ljós á næstu dögum“ Sport Fleiri fréttir Mun líklegast aldrei komast yfir þetta „Ég ætla kenna þreytu um“ Betri en allar konur í sögu bakgarðshlaupanna Sló félagsmet Bayern München en náði ekki Viktori Bjarka Vikan grískur harmleikur fyrir gríska eigandann Þrenna Maddie Sutton dugði ekki á Hlíðarenda Elvar tapaði á grátlegan hátt á móti gömlu félögunum Uppgjör: Keflavík - Haukar 94-84 | Keflvíkingar tóku Íslandsmeistarana Bayern og Real Madrid í hóp liðanna með fullt hús Chelsea bauð upp á markaveislu á Brúnni Liverpool vaknaði við vondan draum og endaði taphrinuna með stæl Fjölga stórmótum landsliða í handboltanum Matthías endar ferilinn á laugardag: „Sérstök og svolítið skrýtin tilfinning“ Allt jafnt í bikarslag íslensku stelpnanna Norsku meistarnir í gini Galatasaray ljónsins Höskuldur og Ólafur sátu fyrir svörum eftir viðburðarríka viku Orri fagnaði í Íslendingaslag í Meistaradeildinni KA-strákarnir fara út með tvö mörk í mínus Sýn Sport með þrettán tilnefningar Nablinn sparkaði upp hurðinni í byrjun þáttarins Illa vegið að Guðlaugi: „Þetta hlýtur að kalla á rannsókn“ Arsenal með langbestu vörn Evrópu Púllarar í ferðaveseni: „Þetta er engin afsökun“ Snjó kyngir niður á Akureyri og Evrópuleikur færður inn Pedersen með landsliðið til 2029 Tímamót Dags Kára en Japaninn varð heimsmeistari Rýndu í lið Bjarna og Guðlaugs: „Eins og í formannsslagnum um árið“ Framlengdu í leyni eftir bannið Breyta reglum eftir brellu Stjörnunnar Hjartavandamál halda Reyni frá keppni Sjá meira
Sólveig Jónsdóttir, framkvæmdastjóri Fimleikasambands Íslands, segir sambandið ekki hafa vitað af ásökunum um gróft ofbeldi hollenska þjálfarans Gerrit Beltman þegar hann var fenginn til landsins sem gestaþjálfari. „Hann hefur komið inn sem verktaki á nokkrum námskeiðum hjá okkur,“ segir Sólveig, en Beltman var síðast hér á landi í fyrra á æfingahelgi fyrir úrvalshóp kvenna í áhaldafimleikum. Beltman viðurkenndi í viðtali fyrir skömmu að hann hefði gerst sekur um að niðurlægja og smána iðkendur á sínum þjálfaraferli, og jafnvel beitt líkamlegum refsingum. Hollensku landsliðskonurnar Staja Köhler og Simone Heitinga greindu frá ofbeldinu í bók sem kom út fyrir sjö árum, en þær æfðu undir handleiðslu Beltman á tíunda áratug síðustu aldar. „Ég er bara að heyra þetta í fyrsta skipti núna eftir fréttirnar frá Hollandi. Ég hafði aldrei heyrt áður af þessari bók. Þetta sýnir að maður þarf að rannsaka málið vel áður en maður kaupir ráðgjöf,“ segir Sólveig við Vísi, en hún hefur verið framkvæmdastjóri FSÍ frá sumrinu 2015. „Ég hafði ekki grænan grun um þetta. Þú getur rétt ímyndað þér. Við berum hag iðkenda alltaf fyrir brjósti og myndum aldrei vilja nýta krafta einstaklings með svona ásakanir á herðum sér. Að sama skapi er vert að hafa í huga að á okkar æfingum er aldrei einhver einn þjálfari. Iðkendur hafa sína þjálfara og það er hópur þjálfara á hverri æfingu,“ segir Sólveig sem telur að Beltman hafi um það bil fimm sinnum komið til Íslands vegna landsliðsæfinga. Frétt um heimsókn Beltman til landsins í fyrra.Skjáskot af vef FSÍ „Hann hefur komið nokkrum sinnum inn í æfingabúðir með íslensku þjálfurunum. Hann hefur komið inn og hjálpað til við að setja upp æfingar fyrir þjálfarana. Í minni tíð í Fimleikasambandinu hefur hann því ekki verið með æfingar þar sem hann er einn að þjálfa iðkendur á Íslandi. Við horfðum til þess að þjálfararnir okkar þyrftu að læra næsta stig í tækninni. Þetta voru því í raun námskeið fyrir þjálfarana,“ segir Sólveig. Dutch Gymnastics Coach Gerrit Beltman speeks about his abusive coaching methods. 'I abused and humiliated young gymnasts to win medals. I feel deeply ashamed'. More stories to follow @GymCastic @GymCoaching @thegymterdotnet https://t.co/TDa6CCakIc— Tessa de Wekker (@tessadewekker) July 24, 2020 Í kjölfar viðtalsins við Beltman hefur hópur hollenskra fimleikakvenna stigið fram og greint frá grimmúðlegum þjálfunaraðferðum fleiri þjálfara. Hafa núverandi landsliðsþjálfarar Hollands verið settir til hliðar á meðan að hollenska fimleikasambandið rannsakar málið. „Hollenska sambandið er búið að senda út bréf á öll sambönd í heiminum þar sem að óskað er eftir því að það verði haldin ráðstefna þar sem hægt verði að ræða um kúltúrinn – hverju sé hægt að breyta og hvað sé hægt að gera til framtíðar. Sambandið þar virðist því vera mjög meðvitað um að það þurfi að bregðast við,“ segir Sólveig. FSÍ með óháða nefnd sem iðkendur geta leitað til Sólveig segir íslenska sambandið mjög meðvitað um passa þurfi upp á heilbrigt æfingaumhverfi fyrir iðkendur. „Við erum með rosalega stífa stefnu til að hlú að líkamlegu og andlegu heilbrigði iðkenda í fimleikum. Við erum eiginlega fyrsta sambandið sem setti af stað siðanefnd, sem er óháð okkur og bara til stuðnings fyrir íþróttafólkið sjálft. Allir iðkendur eru látnir vita að þeir geti leitað þangað vanti þá ráðgjöf. Þessi nefnd var sett á laggirnar fyrir þremur árum og hefur sannað gildi sitt. Á hverju hausti þurfa allir þjálfarar sem ætla að fylgja iðkendum á mót að mæta á fræðsludag, og þar höfum við meðal annars verið með fyrirlestra um líkamlegt og andlegt heilbrigði. Þetta snýst bara um fræðslu. Menntakerfið okkar er mjög flott upp byggt og við erum alltaf að leggja meiri áherslu á jákvæða þjálfun. Við höfum líka tekið alla krakka í úrvalshópum og veitt þeim fræðslu um það hvernig er í lagi að komið sé fram við þá. Við höfum tekið rosalega stór skref til að tryggja að okkar iðkendur fái gott uppeldi og tæki og tól til að þroskast á sínum íþróttaferli og í lífinu.“
Fimleikar Tengdar fréttir Íslandsvinur sér eftir grimmúðlegum þjálfunaraðferðum „Ég myndi aldrei orða það þannig að hann hafi niðurlægt mig sem iðkanda, aldrei,“ segir Sif Pálsdóttir, fyrrverandi afrekskona í fimleikum, um hollenska þjálfarann Gerrit Beltman. Beltman kveðst sjá eftir grimmúðlegum þjálfunaraðferðum á sínum ferli. 31. júlí 2020 08:30 Mest lesið 32 ára lögreglukona átti sögulegan klukkutíma Sport „Eins og Ísland en bara enn betra“ Fótbolti Illa vegið að Guðlaugi: „Þetta hlýtur að kalla á rannsókn“ Sport Jack Nicklaus fær sex milljarða í meiðyrðamáli Golf Liverpool vaknaði við vondan draum og endaði taphrinuna með stæl Fótbolti Snjó kyngir niður á Akureyri og Evrópuleikur færður inn Íslenski boltinn Dæmdur úr leik á grátlegan hátt á HM í bakgarði Sport Hrósaði unga Íslendingnum: „Gæti orðið okkar jóker“ Fótbolti Albert valdi leikmenn Man. United sem hann þolir ekki Enski boltinn Sigurbjörn gæti snúið aftur til starfa: „Það kemur bara í ljós á næstu dögum“ Sport Fleiri fréttir Mun líklegast aldrei komast yfir þetta „Ég ætla kenna þreytu um“ Betri en allar konur í sögu bakgarðshlaupanna Sló félagsmet Bayern München en náði ekki Viktori Bjarka Vikan grískur harmleikur fyrir gríska eigandann Þrenna Maddie Sutton dugði ekki á Hlíðarenda Elvar tapaði á grátlegan hátt á móti gömlu félögunum Uppgjör: Keflavík - Haukar 94-84 | Keflvíkingar tóku Íslandsmeistarana Bayern og Real Madrid í hóp liðanna með fullt hús Chelsea bauð upp á markaveislu á Brúnni Liverpool vaknaði við vondan draum og endaði taphrinuna með stæl Fjölga stórmótum landsliða í handboltanum Matthías endar ferilinn á laugardag: „Sérstök og svolítið skrýtin tilfinning“ Allt jafnt í bikarslag íslensku stelpnanna Norsku meistarnir í gini Galatasaray ljónsins Höskuldur og Ólafur sátu fyrir svörum eftir viðburðarríka viku Orri fagnaði í Íslendingaslag í Meistaradeildinni KA-strákarnir fara út með tvö mörk í mínus Sýn Sport með þrettán tilnefningar Nablinn sparkaði upp hurðinni í byrjun þáttarins Illa vegið að Guðlaugi: „Þetta hlýtur að kalla á rannsókn“ Arsenal með langbestu vörn Evrópu Púllarar í ferðaveseni: „Þetta er engin afsökun“ Snjó kyngir niður á Akureyri og Evrópuleikur færður inn Pedersen með landsliðið til 2029 Tímamót Dags Kára en Japaninn varð heimsmeistari Rýndu í lið Bjarna og Guðlaugs: „Eins og í formannsslagnum um árið“ Framlengdu í leyni eftir bannið Breyta reglum eftir brellu Stjörnunnar Hjartavandamál halda Reyni frá keppni Sjá meira
Íslandsvinur sér eftir grimmúðlegum þjálfunaraðferðum „Ég myndi aldrei orða það þannig að hann hafi niðurlægt mig sem iðkanda, aldrei,“ segir Sif Pálsdóttir, fyrrverandi afrekskona í fimleikum, um hollenska þjálfarann Gerrit Beltman. Beltman kveðst sjá eftir grimmúðlegum þjálfunaraðferðum á sínum ferli. 31. júlí 2020 08:30