Tók sig til og ruddi Öxnadalsheiðina sjálfur svo vinirnir kæmust til útlanda Eiður Þór Árnason skrifar 10. janúar 2020 08:00 Hér sést Öxnadalsheiði við talsvert betri aðstæður en í fyrrakvöld og traktor sambærilegur þeim sem Finnur notaði. Vegagerðin/Aðsend Starfsmenn Finns ehf og Motul á Akureyri létu ófærð ekki stoppa sig þegar ætluðu sér að flýja íslenska veturinn og skella sér í utanlandsferð á meðan óveður gekk yfir landið. Þegar það var útséð að þeir myndu ekki komast frá Akureyri til Keflavíkur vegna ófærðar á Öxnadalsheiði greip yfirmaður þeirra til þess ráðs að ryðja heiðina á eigin vegum. RÚV greindi fyrst frá. Á miðvikudagskvöld gerði Finnur Aðalbjörnsson sér lítið fyrir og fór á stórum fjögur hundruð hestaafla Fendt traktor með snjóblásara yfir Öxnadalsheiðina. Þetta gerði hann til þess að tryggja að starfsmenn hans og vinir sem fylgdu honum á heiðinni kæmust á EM í handbolta og til Birmingham. Finnur Aðalbjörnsson, eigandi Finns ehf og hluthafi í Motul, kann vel við sig í snjónum.Aðsend Þaulvanur snjónum Finnur er ekki óvanur snjónum en samnefnt fyrirtæki hans er stórtækt í snjómokstri á Norðurlandi. Hann lagði þetta því til við Vegagerðina og var tekið vel í hugmyndina þar á bæ að hans sögn. „Ég þekki strákana sem moka heiðina og það var búið að stoppa þá af í mokstrinum út af veðri og ég talaði náttúrulega við þá líka. Ég ætlaði ekki að fara að gera eitthvað sem hefði verið vont bæði fyrir þá og Vegagerðina. Þetta var allt í fína lagi og allt í sátt og samlyndi.“ Að sögn Finns voru aðstæður á Öxnadalsheiðinni með versta móti þegar hann fór þar í gegn og jafnvel með því versta sem hann hafi séð. „Það var mjög slæmt. Veðrið, mikill snjór og rosa harður.“ Bílunum fjölgaði óvænt Verkið gekk þó vel og áður en hann vissi af var búið að fjölga verulega í bílalestinni. Þegar hann var kominn yfir heiðina taldi Finnur alls 23 bíla á eftir sér. „Ég ætlaði nú bara að fara með þessa fjóra bíla yfir sko, ekki neina fleiri.“ Finnur segist hafa verið um fjóra og hálfan tíma yfir heiðina í fyrra skiptið. Eftir það sneri hann við í Skagafirði og hjálpaði um sjö bílum til baka sem keyrðu á eftir honum norður. „Ég var miklu fljótari til baka því þá gat ég bara mokað sömu slóðina eftir mig. Þó að hún væri orðin full þá var snjórinn orðinn svo léttur að það var gott að blása.“ Vildi ekki skilja neinn eftir Hann segir að flestir bílarnir hafi verið vel búnir en þó hafi verið nokkur vandræði með einn þeirra sem var aðeins búinn eindrifi og fylgdi honum á leiðinni til baka. „Hann var bara alltaf fastur í slóðinni þó að það væri búið að moka, af því að hann sá ekki neitt. Hann keyrði út úr slóðinni og komst ekki inn í hana og við þurftum að hjálpa honum mjög oft á leiðinni.“ „Við gátum náttúrulega ekki skilið hann eftir þarna.“ Kom aftur heim níu klukkustundum síðar Finnur telur að klukkan hafi verið orðin um þrjú eftir miðnætti aðfaranótt fimmtudags þegar hann kom aftur til Akureyrar. Þá hafi verið liðnar um níu klukkustundir frá því að hann lagði af stað að heiman. Aðspurður segist Finnur vel geta hugsað sér að endurtaka leikinn. „Jájájá, það er alltaf gaman að fara í smá ævintýri maður. Það nennir enginn að horfa á vídeó öll kvöld eða DVD, maður verður eitthvað þreyttur á því.“ Akureyri Hörgársveit Samgöngur Veður Mest lesið Stafræn skírteini hætta í símaveskjum Innlent Fær bætur 45 árum eftir föðurmissinn: „Varð eiginlega tíu ára aftur“ Innlent Fyrirsjáanlegar deilur: Valdamesti maður heims og sá ríkasti hnakkrífast Erlent Dæmdur í 21 árs fangelsi fyrir að nauðga tugum skjólstæðinga Erlent Framtíð kirkjunnar enn óráðin Innlent Eldar loguðu í Kænugarði eftir umfangsmiklar árásir Rússa Erlent Mörgu ábótavant við byggingu Brákarborgar Innlent Nýtt slagorð Ísland Duty Free: „Ég er á leiðinni“ Innlent Reyna að stilla til friðar með símtali Erlent Strandveiðisjómenn vilji aftur fá kvóta sem þeir hafi selt frá sér Innlent Fleiri fréttir Aflýsa óvissustigi vegna norðanáhlaupsins Tveggja ára fangelsi fyrir ofbeldi gegn tveimur konum og karli Aflamark þorsks lækkað og reiknað með að stofninn minnki áfram Fær bætur 45 árum eftir föðurmissinn: „Varð eiginlega tíu ára aftur“ Neitaði að blása í áfengismæli Stafræn skírteini hætta í símaveskjum Mörgu ábótavant við byggingu Brákarborgar Framtíð kirkjunnar enn óráðin Strandveiðisjómenn vilji aftur fá kvóta sem þeir hafi selt frá sér Nýtt slagorð Ísland Duty Free: „Ég er á leiðinni“ Börn verði að fá þau skilaboð að ofbeldi gegn þeim sé aldrei réttlætanlegt Gestum ráðið frá að heimsækja Dettifoss vegna stórrar skriðu Inga Sæland segist vera allt of löt að hreyfa sig Fá Barnaverndarmál leiða til ákæru og Herkastalinn í nýjar hendur Ísland, þvert á flokka boðar til annarra mótmæla Parísarhjólið rís á ný Lögregla fann bakpoka fullan af skilríkjum Braust inn hjá vinsælum hársnyrti og hafði af honum vegabréfið Sérsveitin kölluð út vegna vopnaðs manns Ferðamaður ók húsbíl niður göngustíg Biðjast afsökunar á ummælum björgunarmanns Dómar fólks sem sótti fíkniefni fyrir salann sinn mildaðir Dómur yfir Erni Geirdal mildaður Óskýrt hvort loftbyssuskot að hinsegin fólki hafi verið hatursglæpur Ljósmyndaskólinn lokar dyrum sínum: „Þetta er mikil sorg“ Málinu lokið með sátt: „Við erum mjög sáttar með niðurstöðuna“ Fimmtíu vilja nýja stöðu verkefnastjóra samskipta Metfjöldi barna í Kvennaathvarfinu Þaggaði niður í þingmönnum sem sögðu Kristrúnu snúa út úr Ekkert sem bendi til þess að Víðir hafi stigið yfir strikið Sjá meira
Starfsmenn Finns ehf og Motul á Akureyri létu ófærð ekki stoppa sig þegar ætluðu sér að flýja íslenska veturinn og skella sér í utanlandsferð á meðan óveður gekk yfir landið. Þegar það var útséð að þeir myndu ekki komast frá Akureyri til Keflavíkur vegna ófærðar á Öxnadalsheiði greip yfirmaður þeirra til þess ráðs að ryðja heiðina á eigin vegum. RÚV greindi fyrst frá. Á miðvikudagskvöld gerði Finnur Aðalbjörnsson sér lítið fyrir og fór á stórum fjögur hundruð hestaafla Fendt traktor með snjóblásara yfir Öxnadalsheiðina. Þetta gerði hann til þess að tryggja að starfsmenn hans og vinir sem fylgdu honum á heiðinni kæmust á EM í handbolta og til Birmingham. Finnur Aðalbjörnsson, eigandi Finns ehf og hluthafi í Motul, kann vel við sig í snjónum.Aðsend Þaulvanur snjónum Finnur er ekki óvanur snjónum en samnefnt fyrirtæki hans er stórtækt í snjómokstri á Norðurlandi. Hann lagði þetta því til við Vegagerðina og var tekið vel í hugmyndina þar á bæ að hans sögn. „Ég þekki strákana sem moka heiðina og það var búið að stoppa þá af í mokstrinum út af veðri og ég talaði náttúrulega við þá líka. Ég ætlaði ekki að fara að gera eitthvað sem hefði verið vont bæði fyrir þá og Vegagerðina. Þetta var allt í fína lagi og allt í sátt og samlyndi.“ Að sögn Finns voru aðstæður á Öxnadalsheiðinni með versta móti þegar hann fór þar í gegn og jafnvel með því versta sem hann hafi séð. „Það var mjög slæmt. Veðrið, mikill snjór og rosa harður.“ Bílunum fjölgaði óvænt Verkið gekk þó vel og áður en hann vissi af var búið að fjölga verulega í bílalestinni. Þegar hann var kominn yfir heiðina taldi Finnur alls 23 bíla á eftir sér. „Ég ætlaði nú bara að fara með þessa fjóra bíla yfir sko, ekki neina fleiri.“ Finnur segist hafa verið um fjóra og hálfan tíma yfir heiðina í fyrra skiptið. Eftir það sneri hann við í Skagafirði og hjálpaði um sjö bílum til baka sem keyrðu á eftir honum norður. „Ég var miklu fljótari til baka því þá gat ég bara mokað sömu slóðina eftir mig. Þó að hún væri orðin full þá var snjórinn orðinn svo léttur að það var gott að blása.“ Vildi ekki skilja neinn eftir Hann segir að flestir bílarnir hafi verið vel búnir en þó hafi verið nokkur vandræði með einn þeirra sem var aðeins búinn eindrifi og fylgdi honum á leiðinni til baka. „Hann var bara alltaf fastur í slóðinni þó að það væri búið að moka, af því að hann sá ekki neitt. Hann keyrði út úr slóðinni og komst ekki inn í hana og við þurftum að hjálpa honum mjög oft á leiðinni.“ „Við gátum náttúrulega ekki skilið hann eftir þarna.“ Kom aftur heim níu klukkustundum síðar Finnur telur að klukkan hafi verið orðin um þrjú eftir miðnætti aðfaranótt fimmtudags þegar hann kom aftur til Akureyrar. Þá hafi verið liðnar um níu klukkustundir frá því að hann lagði af stað að heiman. Aðspurður segist Finnur vel geta hugsað sér að endurtaka leikinn. „Jájájá, það er alltaf gaman að fara í smá ævintýri maður. Það nennir enginn að horfa á vídeó öll kvöld eða DVD, maður verður eitthvað þreyttur á því.“
Akureyri Hörgársveit Samgöngur Veður Mest lesið Stafræn skírteini hætta í símaveskjum Innlent Fær bætur 45 árum eftir föðurmissinn: „Varð eiginlega tíu ára aftur“ Innlent Fyrirsjáanlegar deilur: Valdamesti maður heims og sá ríkasti hnakkrífast Erlent Dæmdur í 21 árs fangelsi fyrir að nauðga tugum skjólstæðinga Erlent Framtíð kirkjunnar enn óráðin Innlent Eldar loguðu í Kænugarði eftir umfangsmiklar árásir Rússa Erlent Mörgu ábótavant við byggingu Brákarborgar Innlent Nýtt slagorð Ísland Duty Free: „Ég er á leiðinni“ Innlent Reyna að stilla til friðar með símtali Erlent Strandveiðisjómenn vilji aftur fá kvóta sem þeir hafi selt frá sér Innlent Fleiri fréttir Aflýsa óvissustigi vegna norðanáhlaupsins Tveggja ára fangelsi fyrir ofbeldi gegn tveimur konum og karli Aflamark þorsks lækkað og reiknað með að stofninn minnki áfram Fær bætur 45 árum eftir föðurmissinn: „Varð eiginlega tíu ára aftur“ Neitaði að blása í áfengismæli Stafræn skírteini hætta í símaveskjum Mörgu ábótavant við byggingu Brákarborgar Framtíð kirkjunnar enn óráðin Strandveiðisjómenn vilji aftur fá kvóta sem þeir hafi selt frá sér Nýtt slagorð Ísland Duty Free: „Ég er á leiðinni“ Börn verði að fá þau skilaboð að ofbeldi gegn þeim sé aldrei réttlætanlegt Gestum ráðið frá að heimsækja Dettifoss vegna stórrar skriðu Inga Sæland segist vera allt of löt að hreyfa sig Fá Barnaverndarmál leiða til ákæru og Herkastalinn í nýjar hendur Ísland, þvert á flokka boðar til annarra mótmæla Parísarhjólið rís á ný Lögregla fann bakpoka fullan af skilríkjum Braust inn hjá vinsælum hársnyrti og hafði af honum vegabréfið Sérsveitin kölluð út vegna vopnaðs manns Ferðamaður ók húsbíl niður göngustíg Biðjast afsökunar á ummælum björgunarmanns Dómar fólks sem sótti fíkniefni fyrir salann sinn mildaðir Dómur yfir Erni Geirdal mildaður Óskýrt hvort loftbyssuskot að hinsegin fólki hafi verið hatursglæpur Ljósmyndaskólinn lokar dyrum sínum: „Þetta er mikil sorg“ Málinu lokið með sátt: „Við erum mjög sáttar með niðurstöðuna“ Fimmtíu vilja nýja stöðu verkefnastjóra samskipta Metfjöldi barna í Kvennaathvarfinu Þaggaði niður í þingmönnum sem sögðu Kristrúnu snúa út úr Ekkert sem bendi til þess að Víðir hafi stigið yfir strikið Sjá meira