Körfuboltakvöld: Júlíus átti frábæran leik

Þór frá Akureyri byrjaði nýja árið vel því þeir skelltu Haukum í fyrsta leik.

„Maður hafði smá áhyggjur af Júlíusi en að ná þessum tveimur sigrum gefur honum og þessum íslensku strákum í liðinu smá kraft,“ sagði Sævar Sævarsson, einn sérfræðinga Dominos körfuboltaboltakvölds, en hann var þá að tala um hinn 18 ára gamla Júlíus Orra Ágústsson sem hefur staðið sig vel.

„Þetta er sennilega besti leikurinn hans í vetur. Hann átti frábæran leik,“ bætti Teitur Örlygsson við.

Júlíus skoraði 17 stig í leiknum, tók 5 fráköst og gaf 2 stoðsendingar.

Strákarnir í þættinum mærðu Júlíus sem þeir segja sífellt vera að bæta sig. Umræðuna um Þór má sjá hér að neðan.