Guðmundur Guðmundsson gerði upp leik Íslands gegn Ungverjalandi á EM í handbolta á blaðamannafundi HSÍ sem fór fram í Malmö nú í hádeginu. Sýnt var beint frá fundinum á Vísi.
En hann beindi einnig sjónum sínum á millriðlinum þar sem Ísland hefur leik á morgun og mætir Slóveníu í fyrsta leik. Ísland leikur einnig gegn Portúgal, Noregi og Svíþjóð en efstu tvö lið riðilsins fara áfram í undanúrslit mótsins.
„Mér líst vel á milliriðilinn. Við erum mjög sáttir við að vera komnir á þann stað keppninnar. Við eigum alla möguleika á að gera áfram vel. Við höfum spilað þrjá leiki, í það minnsta fimm hálfleiki, mjög vel í þessu móti,“ sagði Guðmundur.
„Við unnum heims- og Ólympíumeistara Dana í fyrsta leik og svo Rússland mjög sannfærandi. Í gær, gegn Ungverjum, spiluðum við vel stóran hluta leiksins.“
„Það er því enginn beygur í okkur. Við ætlum að hugsa vel um næsta verkefni og ekki dvelja lengi við tapið í gær.“
Gummi: Það er enginn beygur í okkur
Tengdar fréttir
Guðmundur er afskaplega glaður að hafa lifað af dauðariðilinn
Guðmundur Guðmundsson, þjálfari íslenska karlalandsliðsins í handbolta, er sáttur með árangur íslenska liðsins í riðlakeppninni þrátt fyrir tapið á móti Ungverjum í gær.
