Taílenski hermaðurinn Jakraphanth Thomma, sem myrti 26 manns þegar hann gekk berserksgang í taílensku borginni Nakhon Ratchasima í gær, hefur verið skotinn til bana af lögreglu eftir langt umsátur. BBC greinir frá.
Thomma hóf árásir sínar með því að myrða yfirmann sinn í taílenska hernum, því næst stal hann vopnum, skotfærum og jeppa úr herstöð sinni og hélt að verslunarmiðstöð í bænum. Eftir að hafa skotið á fólk í verslunarmiðstöðinni lokaði hann sig af. Eftir langt umsátur lögreglu var Thomma skotinn til bana í nótt.
Taílenski forsætisráðherrann Prayuth Chan-ocha sagði í yfirlýsingu sinni að 26 væru látnir eftir árásina og 57 hafi særst. „Atvik sem þetta er fordæmalaust í Taílandi og ég vil að þetta sé síðasta svona atvik sem við þurfum að þola,“ sagði Chan-ocha.
Talið er að deilur um landareign hafi reitt Thomma til reiði með þessum afleiðingum. Lögreglumenn gerðu fyrst atlögu að manninum klukkan þrjú um nótt að taílenskum tíma (20:00 GMT) en greindu frá því að hann hafi verið stöðvaður hálft tíu að taílenskum tíma (02:30 GMT).
Sjá einnig: Minnst tuttugu í valnum
Hermaðurinn skotinn til bana
Tengdar fréttir
Taílenskur hermaður gengur berserksgang í Nakhon Ratchasima
Taílenskur hermaður gengur nú berserksgang og hefur "drepið marga“ í og í kring um borgina Korat, norðaustur af Bangkok. Ekki er meira vitað að svo stöddu.
Minnst tuttugu í valnum og hermaðurinn gengur enn laus
Hermaður sem gekk berserksgang í verslunarmiðstöð í Taílandi í dag skaut minnst tuttugu til bana og særði 31. Tíu þeirra eru í alvarlegu ástandi.
