Schofield kom öllum á óvart þegar hann kom út úr skápnum í morgun

Sjónvarpsmaðurinn breski Phillip Schofield sendi í morgun frá sér yfirlýsingu á Instagram- stories þar sem hann greinir frá því að hann sé samkynhneigður.

Schofield hefur verið þáttastjórnandi morgunþáttarins This Morning á ITV síðan 2002 en í dag heldur hann úti þættinum ásamt Holly Willoughby. Allir helstu bresku miðlarnir greina frá tíðindunum í morgun en Schofield hefur verið giftur Stephanie Lowe síðan 1993.

Rétt eftir að yfirlýsing hans birtist á Instagram kom Schofield fram í eigin þætti og tók Holly Willoughby viðtal við hann um málið.

Í yfirlýsingunni segir: „Með styrk og stuðningi eiginkonu minnar og dætrum hef ég nú sætt mig við það að ég er samkynhneigður.“