Breyta forgangi á gatnamótum Frakkastígs og Skúlagötu

Forgangi bílaumferðar á gatnamótum Frakkastígs og Skúlagötu hefur verið breytt. Umferð eftir Skúlagötu víkur nú fyrir umferð um Frakkastíg.

Reykjavíkurborg biður vegfarendur um að sýna aðgát þar til allir hafi náð að venjast þessari breytingu. Fyrst um sinn verður vakin sérstök athygli á breyttum forgangi með varúðarskilti við gatnamótunum.

Breytingarnar eru gerðar í framhaldi af nýjum ljósastýrðum gatnamótum Frakkastígs og Sæbrautar, en þau voru tekin í notkun í haust.

„Með tilkomu nýju gatnamótanna kom betri gönguleið frá Frakkastíg að Sólfarinu, auk þess sem götulýsing var bætt til mikilla muna,“ segir í tilkynningu á vef Reykjavíkurborgar.