AC Milan færist nær Evrópusæti í ítalska boltanum eftir 1-0 sigur á Torino á heimavelli í kvöld.
Liðin mættust í síðasta leik 24. umferðarinnar en leikið var á San Siro í kvöld. Zlatan Ibrahimovic var að sjálfsögðu í byrjunarliði heimamanna.
Fyrsta og eina mark leiksins kom á 25. mínútu. Króatinn Ante Rebic skoraði þá eftir fyrirgjöf Samuel Castillejo en Milan hafði unnið boltann í kringum vítateig Torino.
Ahead at the break, no letting up in the second half #MilanTorino 1-0 #SempreMilanpic.twitter.com/I5wGTzVNwQ
— AC Milan (@acmilan) February 17, 2020
Lokatölur 1-0 en Milan er í 8. sætinu með 35 stig, jafn mörg stig og Verona sem er í 6. sætinu og fjórum stigum á eftir Roma sem er í 5. sætinu.
Torino er í fjórtánda sætinu.
