Toppliðin á sigurbraut í 2.deildinni

Fimm leikir fóru fram í 2.deild karla í fótbolta hér á landi í dag og er óhætt að segja að ekkert hafi komið á óvart í leikjum dagsins.

Kórdrengir tróna áfram á toppi deildarinnar en þeir unnu 1-0 sigur á Fjarðabyggð á heimavelli í dag. Selfyssingar hafa jafnmörg stig og Kórdrengir og þeir unnu öruggan 3-1 sigur á ÍR.

Í humátt á eftir tveimur efstu liðunum eru Njarðvíkingar sem unnu öruggan 2-0 heimasigur á Kára í dag á meðan nágrannar þeirra í Vogunum, Þróttur vann 4-0 sigur á KF en Þróttarar, undir stjórn Hermanns Hreiðarssonar eru í 4.sæti.

Liðið í 5.sæti er Haukar og þeir unnu einnig öruggan sigur í dag þegar Dalvík/Reynir kom í heimsókn á Ásvelli. Lokatölur 3-0 fyrir Hauka.

Smelltu hér til að skoða stöðuna í deildinni.