Neymar með tvö í stórsigri PSG

Franska stórliðið PSG er að finna taktinn eftir erfiða byrjun í frönsku deildinni. Liðið hóf tímabilið á að tapa fyrstu tveimur leikjum sínum en hefur nú unnið fjóra í röð. Sigur kvöldsins var mjög sannfærandi en liðið lagði Angers 6-1 á heimavelli.

Hægri bakvörðurinn Alessandro Florenzi kom meisturunum yfir strax á 7. mínútu leiksins. Neymar bætti svo við öðru fyrir hálfleik og því þriðja skömmu eftir að síðari hálfleikur hófst. 

Ismael Traoere minnkaði muninn í 3-1 á 52. mínútu en nær komust leikmenn Angers ekki í kvöld. Julian Draxler skoraði fjórða mark PSG fimm mínútum síðar og Idrissa Gana Guye bætti fimmta markinu við þegar tuttugu mínútur voru eftir af leiknum.

Það var svo franska undrabarnið Kylian Mbappé sem skoraði sjötta mark PSG og sjöunda mark leiksins á 84. mínútu. Reyndist það síðasta mark kvöldsins og lokatölur 6-1. 

PSG er komið upp í 2. sæti deildarinnar með 12 stig eftir sex leiki. Það geta þó fimm lið farið upp fyrir PSG vinni þau sína leiki um helgina.