Facebook og Twitter skipta sér af vafasamri frétt um Biden Kjartan Kjartansson skrifar 14. október 2020 21:14 Steven Bannon, fyrrverandi aðalráðgjafi Trump, (efst til vinstri) og Rudy Giuliani, persónulegur lögmaður forsetans, (til hægri) fengu New York Post gögn sem eiga að vera úr tölvu sonar Biden. Eigi lýsing blaðsins á uppruna gagnanna sér stoð í raunveruleikanum sátu þeir á skjölunum um margra mánaða skeið áður en þeir létu blaðið fá þau nú þremur vikum fyrir kosningar. Vísir/Getty Samfélagsmiðlarisarnir Facebook og Twitter takmörkuðu deilingar á vafasamri frétt bandarísks götublaðs um Joe Biden, forsetaframbjóðanda Demókrataflokksins, í dag. Talsmaður Facebook segir miðilinn hægja á dreifingu fréttarinnar á meðan staðreyndavaktarar meti sannleiksgildi hennar. Fréttin sem um ræðir birtist í New York Post, götublaði í eigu ástralska auðkýfingsins Ruperts Murdoch. Í henni er vitnað í tölvupóst frá árinu 2015 sem á að vera frá Hunter Biden, syni forsetaframbjóðandans, og blaðið segir sýna fram á að hafi kynnti úkraínskan stjórnanda orkufyrirtækis fyrir föður sínum þegar hann var varaforseti Bandaríkjanna. Þetta heldur blaðið fram að rengi fullyrðingar Biden um að hann hafi aldrei rætt við son sinn um umsvif hans í Úkraínu á þeim tíma sem varaforsetinn rak stefnu Bandaríkjastjórnar gagnvart Austur-Evrópulandinu. Hvorki er þó staðfest í fréttinni að pósturinn hafi í raun komið frá Hunter Biden né að Biden eldri hafi nokkurn tímann hitt úkraínska athafnamanninn. Ekkert er heldur fullyrt um eðli slíks fundar, lengd hans eða hann hefði verið ólöglegur. Talsmaður framboðs Biden sagði Politico í dag að dagskrá þáverandi varaforsetans sýndi að enginn slíkur fundur hefði átt sér stað. Það kom þó ekki í veg fyrir að fréttinni væri deilt grimmt á Facebook í dag. Andy Stone, talsmaður Facebook, segir að dregið verði úr dreifingu fréttarinnar á meðan utanaðkomandi staðreyndavaktarar fara yfir efni hennar. While I will intentionally not link to the New York Post, I want be clear that this story is eligible to be fact checked by Facebook's third-party fact checking partners. In the meantime, we are reducing its distribution on our platform.— Andy Stone (@andymstone) October 14, 2020 Twitter stöðvaði alfarið dreifingar á fréttinni og vísaði til banns við því að miðillinn væri notaður til að dreifa efni sem væri fengið úr tölvuinnbrotum. Miðillinn bannaði dreifingu á skjölum sem var lekið frá bandarískum lögreglustofnunum með sömu rökum í sumar, að sögn The Verge. Framboð Trump brást við með því að tísta út öllum texta fréttarinnar í röð tísta. Twitter has blocked users from tweeting the New York Post story link and from sending the link via direct message to other users.— Yashar Ali 🐘 (@yashar) October 14, 2020 Fundu ekkert saknæmt í samskiptum Biden við Úkraínu New York Post setti meinta uppljóstrun um að Biden hafi leyft syni sínum að njóta góðs af því að hann væri varaforseti í samhengi við löngu hrakta samsæriskenningu sem Donald Trump Bandaríkjaforseti og Rudy Giuliani, persónlegur lögmaður forsetans, hafa lengi reynt að halda á lofti og varð til þess að Trump var kærður fyrir embættisbrot á Bandaríkjaþingi. Giuliani og Steven Bannon, fyrrverandi aðalráðgjafi Trump, létu blaðinu gögnin í té. Þannig segir blaðið að eftir fundinn, sem það sýndi ekki fram á að Biden hefði átt, með stjórnarmanni úkraínska orkufyrirtækisins Burisma hafi varaforsetinn þrýst á um að Viktor Sjokín, saksóknari sem rannsakaði Burisma, yrði rekinn úr starfi. Á sama tíma sat Hunter Biden í stjórn Burisma. Trump og Giuliani hafa haldið því fram að Biden hafi beitt sér í þágu sonar síns en hafa ekki lagt fram neinar sannanir eða rökstuðning fyrir þeim fullyrðingum. Ítrekað hefur verið bent á að Biden framfylgdi þar stefnu Bandaríkjastjórnar og annarra vestrænna ríkja sem töldu saksóknarann spilltan. Burisma var á meðal þeirra fyrirtækja sem saksóknarinn var sagður hafa dregið lappirnar að rannsaka vegna mögulegrar spillingar. Þannig hafi meiri líkur verið á því að Burisma lenti undir smásjá saksóknara vegna framgöngu Biden en hitt. Fulltrúadeild Bandaríkjaþing kærði Trump fyrir embættisbrot þegar hún taldi forsetann hafa misbeitt valdi sínu með því að þrýsta á Volodýmýr Zelenskíj, forseta Úkraínu, að rannsaka Biden stóran hluta síðasta árs. Skilyrti forsetinn hernaðaraðstoð og fund í Hvíta húsinu við að Zelenskíj gerði honum pólitískan greiða. Rannsókn heimavarnanefndar öldungadeildar Bandaríkjaþings sem repúblikaninn Ron Johnson fór fyrir leiddi ekki í ljós neinar sannanir fyrir því að Biden hefði gert nokkuð saknæmt eða látið annarlegar hvatir stýra stefnu Bandaríkjastjórnar í samskiptum sínum við úkraínsk stjórnvöld. Gagnrýndi nefndin þó Hunter Biden fyrir að notfæra sér frægð föður síns til þess að ná ábatasömum viðskiptasamningum víða um heim, þar á meðal með Burisma í Úkraínu, í skýrslu sem hún birti í síðasta mánuði. Furðuleg frásögn af meintum uppruna skjalanna Blaðamenn annarra miðla hafa sett stórt spurningarmerki við áreiðanleika fréttar New York Post. Þannig er sagan af því hvernig Giuliani á að hafa komist yfir tölvupóst Hunter Biden með töluverðum ólíkindum. 1. I'm going to go through a few issues with the NY Post article on Biden, which I won't link to, but you will probably see on Twitter today. Follow along if interested.— Judd Legum (@JuddLegum) October 14, 2020 Eigandi tölvuverkstæðis á að hafa fengið fartölvu til viðgerðar frá óþekktum manni í Delaware í apríl í fyrra. Hann á að hafa ályktað að tölvan væri í eigu Hunter Biden vegna þess að á henni var límmiði með nafni sjóðs sem var stofnaður til minningar um Beu Biden, látinn bróður hans. Tölvan hafi svo aldrei verið sótt og hafi verkstæðiseigandinn þá fundið tölvupósta og myndir af Hunter Biden. Áður en hann kom tölvunni í hendur alríkislögreglunnar FBI hafi hann afritað gögnin og fengið þau lögmanni Giuliani af óljósum ástæðum. Ekki kom fram hvaða áhuga FBI ætti að hafa á gögnunum. Bannon, sem var ákærður fyrir fjársvik í ágúst, hafi svo sagt New York Post frá tilvist gagnanna fleiri mánuðum síðar og Giuliani svo afhent því harðan disk úr tölvunni fyrir viku. Ásökunum Trump og Giuliani á hendur Biden hafa þeir blandað saman við samsæriskenningu um að það hafi í raun verið úkraínsk stjórnvöld, ekki rússnesk, sem reyndu að hafa áhrif á forsetakosningarnar í Bandaríkjunum árið 2016, þvert á afgerandi niðurstöðu bandarískra leyniþjónustustofnana. Sú samsæriskenningin er sjálf talin eiga rætur sínar að rekja til rússnesks upplýsingahernaðar. Bandaríska leyniþjónustan telur að Vladímír Pútín Rússlandsforseti hafi skipað fyrir um aðgerðir sem áttu að hjálpa Trump að ná sigri, þar á meðal með þjófnaði og leka á tölvupóstum demókrata. Giuliani hefur nú um margra mánaða skeið unnið með Andrii Derkatsj, úkraínskum þingmanni, að því að halda uppi ásökunum á hendur Biden. Fjármálaráðuneyti Bandaríkjanna setti Derkach nýlega á refsilista og sakaði hann um að vera virkan útsendara rússneskra stjórnvalda sem reyndi að hafa áhrif á forsetakosningarnar í haust, meðal annars með því að birta stoðlausar ásakanir og hljóðupptökur sem hefðu verið klipptar til á villandi hátt. Brotist var inn í tölvukerfi Burisma í fyrra og hafa ásakanir verið um að rússneska herleyniþjónustan GRU hafi staðið að innbrotinu. Úkraína Rússland Bandaríkin Donald Trump Forsetakosningar í Bandaríkjunum Ákæruferli þingsins gegn Trump Mest lesið Fundu lík karlmanns í Reynisfjalli Innlent Fjórir í bílnum en enginn við stýrið Innlent Yazan afar létt að vera ekki vísað frá landi Innlent Frambjóðandi Trump lýsti sér sem „svörtum nasista“ á klámsíðu Erlent Sýknaður af ákæru um manndráp af gáleysi á Akureyri Innlent Kona á níræðisaldri sá björninn í þriggja metra fjarlægð Innlent Íbúar Springfield klofnir í afstöðu sinni til heimsóknar Trump Erlent Ákærður fyrir að stinga lækni í kvöldgöngu Innlent Ísraelar gera umfangsmiklar loftárásir á skotmörk í Líbanon Erlent Áhyggjuefni að innri landamærin séu ekki betur tryggð Innlent Fleiri fréttir Títan bilaði og lenti í árekstri nokkrum dögum fyrir hinstu förina Íbúar Springfield klofnir í afstöðu sinni til heimsóknar Trump Ísraelar gera umfangsmiklar loftárásir á skotmörk í Líbanon Frambjóðandi Trump lýsti sér sem „svörtum nasista“ á klámsíðu Hafa séð Hezbollah fyrir símboðum í tvö ár Gera umfangsmiklar árásir í Líbanon Felldu tugi og brenndu forsetaflugvélina Reyna að stöðva olíuleka eftir að skip sökk við Grænland Neyðarástand vegna skógarelda í Portúgal Margrét Þórhildur á sjúkrahúsi Átta ára tók fjölskyldubílinn, ók í Target og fékk sér frappó Tuttugu konur saka Mohamed Al Fayed um kynferðisofbeldi 20 létust og 450 slösuðust þegar talstöðvarnar sprungu Vitorðsmaður viðurkennir að hafa gert það sama og Pelicot Þrír handteknir eftir skotárás við skóla í Osló Talstöðvar springa einnig í Beirút Harris eykur forskotið á landsvísu Þverár Amasonfljóts þorna upp sem aldrei fyrr Símboðarnir sagðir koma frá ungversku skúffufélagi Meta úthýsir rússneskum ríkisfjölmiðlum Stærðarinnar sprengingar í vopnageymslu í Rússlandi Telur að hægt hefði verið að koma í veg fyrir kafbátsslysið Microsoft segir rússneskt tröllabú á bak við falsáróður um Harris Neitað um lausn gegn tryggingu og á yfir höfði sér lífstíðarfangelsi 169 börn sem fæddust eftir 7. október á lista yfir látnu Settu sprengjur í símboðana Látin eftir hákarlaárás suður af Kanaríeyjum „Það er hula yfir sólinni“ Norskur læknir grunaður um að nauðga 88 konum Tæplega þrjú þúsund slasaðir eftir að símboðar sprungu Sjá meira
Samfélagsmiðlarisarnir Facebook og Twitter takmörkuðu deilingar á vafasamri frétt bandarísks götublaðs um Joe Biden, forsetaframbjóðanda Demókrataflokksins, í dag. Talsmaður Facebook segir miðilinn hægja á dreifingu fréttarinnar á meðan staðreyndavaktarar meti sannleiksgildi hennar. Fréttin sem um ræðir birtist í New York Post, götublaði í eigu ástralska auðkýfingsins Ruperts Murdoch. Í henni er vitnað í tölvupóst frá árinu 2015 sem á að vera frá Hunter Biden, syni forsetaframbjóðandans, og blaðið segir sýna fram á að hafi kynnti úkraínskan stjórnanda orkufyrirtækis fyrir föður sínum þegar hann var varaforseti Bandaríkjanna. Þetta heldur blaðið fram að rengi fullyrðingar Biden um að hann hafi aldrei rætt við son sinn um umsvif hans í Úkraínu á þeim tíma sem varaforsetinn rak stefnu Bandaríkjastjórnar gagnvart Austur-Evrópulandinu. Hvorki er þó staðfest í fréttinni að pósturinn hafi í raun komið frá Hunter Biden né að Biden eldri hafi nokkurn tímann hitt úkraínska athafnamanninn. Ekkert er heldur fullyrt um eðli slíks fundar, lengd hans eða hann hefði verið ólöglegur. Talsmaður framboðs Biden sagði Politico í dag að dagskrá þáverandi varaforsetans sýndi að enginn slíkur fundur hefði átt sér stað. Það kom þó ekki í veg fyrir að fréttinni væri deilt grimmt á Facebook í dag. Andy Stone, talsmaður Facebook, segir að dregið verði úr dreifingu fréttarinnar á meðan utanaðkomandi staðreyndavaktarar fara yfir efni hennar. While I will intentionally not link to the New York Post, I want be clear that this story is eligible to be fact checked by Facebook's third-party fact checking partners. In the meantime, we are reducing its distribution on our platform.— Andy Stone (@andymstone) October 14, 2020 Twitter stöðvaði alfarið dreifingar á fréttinni og vísaði til banns við því að miðillinn væri notaður til að dreifa efni sem væri fengið úr tölvuinnbrotum. Miðillinn bannaði dreifingu á skjölum sem var lekið frá bandarískum lögreglustofnunum með sömu rökum í sumar, að sögn The Verge. Framboð Trump brást við með því að tísta út öllum texta fréttarinnar í röð tísta. Twitter has blocked users from tweeting the New York Post story link and from sending the link via direct message to other users.— Yashar Ali 🐘 (@yashar) October 14, 2020 Fundu ekkert saknæmt í samskiptum Biden við Úkraínu New York Post setti meinta uppljóstrun um að Biden hafi leyft syni sínum að njóta góðs af því að hann væri varaforseti í samhengi við löngu hrakta samsæriskenningu sem Donald Trump Bandaríkjaforseti og Rudy Giuliani, persónlegur lögmaður forsetans, hafa lengi reynt að halda á lofti og varð til þess að Trump var kærður fyrir embættisbrot á Bandaríkjaþingi. Giuliani og Steven Bannon, fyrrverandi aðalráðgjafi Trump, létu blaðinu gögnin í té. Þannig segir blaðið að eftir fundinn, sem það sýndi ekki fram á að Biden hefði átt, með stjórnarmanni úkraínska orkufyrirtækisins Burisma hafi varaforsetinn þrýst á um að Viktor Sjokín, saksóknari sem rannsakaði Burisma, yrði rekinn úr starfi. Á sama tíma sat Hunter Biden í stjórn Burisma. Trump og Giuliani hafa haldið því fram að Biden hafi beitt sér í þágu sonar síns en hafa ekki lagt fram neinar sannanir eða rökstuðning fyrir þeim fullyrðingum. Ítrekað hefur verið bent á að Biden framfylgdi þar stefnu Bandaríkjastjórnar og annarra vestrænna ríkja sem töldu saksóknarann spilltan. Burisma var á meðal þeirra fyrirtækja sem saksóknarinn var sagður hafa dregið lappirnar að rannsaka vegna mögulegrar spillingar. Þannig hafi meiri líkur verið á því að Burisma lenti undir smásjá saksóknara vegna framgöngu Biden en hitt. Fulltrúadeild Bandaríkjaþing kærði Trump fyrir embættisbrot þegar hún taldi forsetann hafa misbeitt valdi sínu með því að þrýsta á Volodýmýr Zelenskíj, forseta Úkraínu, að rannsaka Biden stóran hluta síðasta árs. Skilyrti forsetinn hernaðaraðstoð og fund í Hvíta húsinu við að Zelenskíj gerði honum pólitískan greiða. Rannsókn heimavarnanefndar öldungadeildar Bandaríkjaþings sem repúblikaninn Ron Johnson fór fyrir leiddi ekki í ljós neinar sannanir fyrir því að Biden hefði gert nokkuð saknæmt eða látið annarlegar hvatir stýra stefnu Bandaríkjastjórnar í samskiptum sínum við úkraínsk stjórnvöld. Gagnrýndi nefndin þó Hunter Biden fyrir að notfæra sér frægð föður síns til þess að ná ábatasömum viðskiptasamningum víða um heim, þar á meðal með Burisma í Úkraínu, í skýrslu sem hún birti í síðasta mánuði. Furðuleg frásögn af meintum uppruna skjalanna Blaðamenn annarra miðla hafa sett stórt spurningarmerki við áreiðanleika fréttar New York Post. Þannig er sagan af því hvernig Giuliani á að hafa komist yfir tölvupóst Hunter Biden með töluverðum ólíkindum. 1. I'm going to go through a few issues with the NY Post article on Biden, which I won't link to, but you will probably see on Twitter today. Follow along if interested.— Judd Legum (@JuddLegum) October 14, 2020 Eigandi tölvuverkstæðis á að hafa fengið fartölvu til viðgerðar frá óþekktum manni í Delaware í apríl í fyrra. Hann á að hafa ályktað að tölvan væri í eigu Hunter Biden vegna þess að á henni var límmiði með nafni sjóðs sem var stofnaður til minningar um Beu Biden, látinn bróður hans. Tölvan hafi svo aldrei verið sótt og hafi verkstæðiseigandinn þá fundið tölvupósta og myndir af Hunter Biden. Áður en hann kom tölvunni í hendur alríkislögreglunnar FBI hafi hann afritað gögnin og fengið þau lögmanni Giuliani af óljósum ástæðum. Ekki kom fram hvaða áhuga FBI ætti að hafa á gögnunum. Bannon, sem var ákærður fyrir fjársvik í ágúst, hafi svo sagt New York Post frá tilvist gagnanna fleiri mánuðum síðar og Giuliani svo afhent því harðan disk úr tölvunni fyrir viku. Ásökunum Trump og Giuliani á hendur Biden hafa þeir blandað saman við samsæriskenningu um að það hafi í raun verið úkraínsk stjórnvöld, ekki rússnesk, sem reyndu að hafa áhrif á forsetakosningarnar í Bandaríkjunum árið 2016, þvert á afgerandi niðurstöðu bandarískra leyniþjónustustofnana. Sú samsæriskenningin er sjálf talin eiga rætur sínar að rekja til rússnesks upplýsingahernaðar. Bandaríska leyniþjónustan telur að Vladímír Pútín Rússlandsforseti hafi skipað fyrir um aðgerðir sem áttu að hjálpa Trump að ná sigri, þar á meðal með þjófnaði og leka á tölvupóstum demókrata. Giuliani hefur nú um margra mánaða skeið unnið með Andrii Derkatsj, úkraínskum þingmanni, að því að halda uppi ásökunum á hendur Biden. Fjármálaráðuneyti Bandaríkjanna setti Derkach nýlega á refsilista og sakaði hann um að vera virkan útsendara rússneskra stjórnvalda sem reyndi að hafa áhrif á forsetakosningarnar í haust, meðal annars með því að birta stoðlausar ásakanir og hljóðupptökur sem hefðu verið klipptar til á villandi hátt. Brotist var inn í tölvukerfi Burisma í fyrra og hafa ásakanir verið um að rússneska herleyniþjónustan GRU hafi staðið að innbrotinu.
Úkraína Rússland Bandaríkin Donald Trump Forsetakosningar í Bandaríkjunum Ákæruferli þingsins gegn Trump Mest lesið Fundu lík karlmanns í Reynisfjalli Innlent Fjórir í bílnum en enginn við stýrið Innlent Yazan afar létt að vera ekki vísað frá landi Innlent Frambjóðandi Trump lýsti sér sem „svörtum nasista“ á klámsíðu Erlent Sýknaður af ákæru um manndráp af gáleysi á Akureyri Innlent Kona á níræðisaldri sá björninn í þriggja metra fjarlægð Innlent Íbúar Springfield klofnir í afstöðu sinni til heimsóknar Trump Erlent Ákærður fyrir að stinga lækni í kvöldgöngu Innlent Ísraelar gera umfangsmiklar loftárásir á skotmörk í Líbanon Erlent Áhyggjuefni að innri landamærin séu ekki betur tryggð Innlent Fleiri fréttir Títan bilaði og lenti í árekstri nokkrum dögum fyrir hinstu förina Íbúar Springfield klofnir í afstöðu sinni til heimsóknar Trump Ísraelar gera umfangsmiklar loftárásir á skotmörk í Líbanon Frambjóðandi Trump lýsti sér sem „svörtum nasista“ á klámsíðu Hafa séð Hezbollah fyrir símboðum í tvö ár Gera umfangsmiklar árásir í Líbanon Felldu tugi og brenndu forsetaflugvélina Reyna að stöðva olíuleka eftir að skip sökk við Grænland Neyðarástand vegna skógarelda í Portúgal Margrét Þórhildur á sjúkrahúsi Átta ára tók fjölskyldubílinn, ók í Target og fékk sér frappó Tuttugu konur saka Mohamed Al Fayed um kynferðisofbeldi 20 létust og 450 slösuðust þegar talstöðvarnar sprungu Vitorðsmaður viðurkennir að hafa gert það sama og Pelicot Þrír handteknir eftir skotárás við skóla í Osló Talstöðvar springa einnig í Beirút Harris eykur forskotið á landsvísu Þverár Amasonfljóts þorna upp sem aldrei fyrr Símboðarnir sagðir koma frá ungversku skúffufélagi Meta úthýsir rússneskum ríkisfjölmiðlum Stærðarinnar sprengingar í vopnageymslu í Rússlandi Telur að hægt hefði verið að koma í veg fyrir kafbátsslysið Microsoft segir rússneskt tröllabú á bak við falsáróður um Harris Neitað um lausn gegn tryggingu og á yfir höfði sér lífstíðarfangelsi 169 börn sem fæddust eftir 7. október á lista yfir látnu Settu sprengjur í símboðana Látin eftir hákarlaárás suður af Kanaríeyjum „Það er hula yfir sólinni“ Norskur læknir grunaður um að nauðga 88 konum Tæplega þrjú þúsund slasaðir eftir að símboðar sprungu Sjá meira