Í næsta þætti af Í kvöld er gigg verður sannkölluð sveitaballastemmning. Gestirnir verða engir aðrir en stórsöngvararnir Matti Matt, Magni og Jónsi í svörtum fötum.
Þátturinn verður á dagskrá Stöðvar 2 annað kvöld kl. 18:50 og geta áhorfendur undirbúið sig fyrir mikið fjör og mikið stuð.
Í síðasta þætti fór Ragga Gísla vítt og breitt yfir tónlistarferil sinn og söng hverja slagarana og fætur öðrum. Henni til halds og trausts var dóttir hennar og söngkonan Dísa Jakobs og heilluðu þær mæðgur gestina með sínum einstaka sjarma.
Hér má sjá Röggu syngja eitt af sínum frægari lögum, lagið Draumaprinsinn eftir Magnús Eiríksson.
