Datt ekki í hug að hann yrði meðal þeirra markahæstu í Þýskalandi Ingvi Þór Sæmundsson skrifar 4. nóvember 2020 09:00 EM í Noregi, Svíþjóð og Austurríki í byrjun þessa árs var fyrsta stórmót Viggó Kristjánssonar á ferlinum. hsí Viggó Kristjánsson, landsliðsmaður í handbolta, var nýsloppinn úr einangrun eftir að hafa fengið neikvæða niðurstöðu úr kórónuveiruprófi og á leið á myndbandsfund þegar blaðamaður Vísis sló á þráðinn til hans í gær. Ísland mætir Litháen í fyrsta leik sínum í undankeppni EM 2022 í kvöld. Leikurinn fer fram í Laugardalshöll og hefst klukkan 19:45. „Ég hef verið í einangrun inni á hótelbergi síðan ég kom en var að losna rétt í þessu. Það er myndbandsfundur núna, æfing beint eftir það og svo er leikur á morgun [í dag]. Þetta er voðalega stuttur undirbúningur,“ sagði Viggó. Þetta er í fyrsta sinn sem íslenska landsliðið kemur saman síðan á EM í Noregi, Svíþjóð og Austurríki í janúar. „Það datt allt upp fyrir um páskana og í sumar þannig að þetta er fyrsta verkefnið síðan á EM,“ sagði Viggó. Hann hlakkar að sjálfsögðu að spila í kvöld en spyr sig þó hversu sniðugt það er að spila landsleiki á tímum sem þessum, þegar kórónuveirufaraldurinn geysar um alla Evrópu. Veit ekki hversu skynsamlegt það er „Það er tilhlökkun að spila en það er auðvitað hægt að setja spurningarmerki við þessa ákvörðun að láta landsleiki fram yfir höfuð núna. Það er meiri háttar vesen að koma þessu öllu heim og saman. Að senda menn hingað og þangað yfir landamæri, ég veit ekki hversu skynsamlegt það er eins og staðan er núna,“ sagði Viggó. Ísland átti að mæta Ísrael í Laugardalshöllinni á laugardaginn en leiknum var frestað þar sem Ísraelar treystu sér ekki til Íslands. Aðeins ár er síðan Viggó lék sína fyrstu leiki fyrir íslenska landsliðið, gegn Svíum ytra. Hann var svo í íslenska hópnum sem fór á EM og stóð sig vel á sínu fyrsta stórmóti. Viggó er kominn með báða fætur inn fyrir landsliðsdyrnar og stefnir á að halda sér þar. Viggó ásamt Sigvalda Guðjónssyni eftir leik á EM í janúar.hsí „Ekki spurning, það hefur verið markmiðið síðustu ár að komast í landsliðið og spila á sem hæstu getustigi. Það var frábært að koma inn í landsliðið í fyrra og fá tækifæri á EM. Markmiðið er að vera í landsliðinu næstu árin,“ sagði Viggó. Hann gekk í raðir Stuttgart í sumar og hefur byrjað af fítonskrafti með nýja liðinu. Hann er langmarkahæsti leikmaður Stuttgart á tímabilinu með 44 mörk og þriðji markahæsti leikmaður þýsku úrvalsdeildarinnar. Það hefur ekki bara gengið vel hjá Viggó persónulega, heldur hefur Stuttgart gengið flest í haginn. Eftir sex umferðir er liðið í 6. sæti með níu stig, einu stigi á eftir toppliðunum Kiel, Rhein-Neckar Löwen og Flensburg. Gengið framar vonum „Ég bjóst við alls ekki við því og hugsaði ekki einu sinni út í það að ég yrði meðal markahæstu manna í deildinni. Mér datt það ekki í hug. Hins vegar gekk vel á undirbúningstímabilinu og mig grunaði að ég gæti fengið stórt hlutverk,“ sagði Viggó. „Sem lið renndum við svolítið blint í sjóinn. Þeir töluðu um að þeir hefðu styrkt liðið vel fyrir tímabilið. Það komu ekki margir en við þrír sem komum vorum allir með reynslu úr þýsku deildinni. Menn gerðu sér kannski vonir um að vera um miðja deild. En hingað til er gengi liðsins og mitt framar vonum. Og ég er mjög sáttur með það.“ Viggó í leik gegn Rhein-Neckar Löwen í þýsku úrvalsdeildinni.GETTY/MARCO WOLF Eins og áður sagði er Viggó í 3. sæti listans yfir markahæstu leikmenn þýsku deildarinnar, þeirrar sterkustu í heimi. Og um tíma var hann á toppi markalistans. Sýnir að ég get þetta „Það var mjög gaman, ég lýg því ekki,“ sagði Viggó aðspurður hvernig það hafi verið að sjá nafnið sitt efst á listanum yfir þá markahæstu í þýsku deildinni. „Þetta er eitthvað sem manni fannst óraunhæft fyrir tímabilið en ég er búinn að hanga þarna uppi í nokkrar umferðir. Ég er ekki að segja að ég verði markahæstur í lok tímabils en þetta sýnir að ég get þetta. Það er í mínum höndum að halda áfram að standa mig.“ Stuttgart hefur leikið í þýsku úrvalsdeildinni síðan 2015. Liðið hefur verið í neðri hluta hennar og ekki endað ofar en í 12. sæti sem varð niðurstaðan á síðasta tímabili. Stuttgart hefur komið liða mest á óvart í þýsku úrvalsdeildinni.getty/Uwe Anspach „Þetta er félag sem vill fyrst og fremst forðast fallið. Ef það tekst snemma yrði það frábært og við gætum horft ofar í töfluna. Þeir enduðu í 12. sæti í fyrra og að vera meðal tíu efstu liða yrði algjör draumur fyrir okkur,“ sagði Viggó. Þungavigtarmenn í markinu Reyndustu leikmenn Stuttgart eru markverðirnir Johannes Bitter og Primoz Prost sem eru báðir farnir að nálgast fertugt. Bitter er fyrrverandi landsliðsmarkvörður Þjóðverja og varð m.a. heimsmeistari með þeim á heimavelli 2007. Prost lék svo lengi með slóvenska landsliðinu. „Þeir eru með bestu markvarðapörum í deildinni. Það hafa verið vandræði hjá Stuttgart síðustu ár að þegar Bitter hefur ekki átt sinn besta leik hefur ekki nógu góður markvörður komið inn á. En það er allt annað uppi á teningnum núna. Prost gæti verið byrjunarliðsmaður í mörgum liðum í deildinni og nú þegar unnið stig fyrir okkur. Það er rosalega mikilvægt að hafa tvo góða markmenn,“ sagði Viggó. Viggó hefur leikið sem atvinnumaður síðan 2016.stöð 2 sport Seltirningurinn er í stóru hlutverki hjá Stuttgart og það stækkaði enn frekar þegar hin örvhenta skyttan hjá liðinu greindist með kórónuveiruna. „Þegar ég er fjær varamannabekknum hef ég spilað vörn og sókn en skipt milli varnar og sóknar þegar ég er nær bekknum. Í byrjun tímabils spilaði ég um 45 mínútur í leik en það jókst eftir að makkerinn minn greindist með covid. Hann hefur misst af síðustu tveimur leikjum. Ég hef spilað mikið og vonandi geri ég það áfram,“ sagði Viggó að lokum. EM 2022 í handbolta Þýski handboltinn Tengdar fréttir Guðmundur um HM í janúar: Ég sé þetta ekki fyrir mér Guðmundur Þórður Guðmundsson, landsliðsþjálfari í handbolta, efast um að HM í Egyptalandi, sem á að fara fram í janúar næstkomandi, verði haldið til streitu. 3. nóvember 2020 19:09 Kári „drulluósáttur“ að vera ekki valinn í landsliðið Kára Kristjáni Kristjánssyni finnst hann enn eiga erindi í íslenska landsliðið og er svekktur að hafa ekki verið valinn í það fyrir leikinn gegn Litháen. 3. nóvember 2020 10:00 Mest lesið Kemur dómaranefnd til varnar og hnýtir í Jón og tvíburana Körfubolti Svona var fundur KSÍ þegar Arnar tilkynnti landsliðshópinn Fótbolti Arftaki Heimis fundinn: „Alltaf áhætta að gera breytingar“ Íslenski boltinn Segir Liverpool ekki spila eins og topplið: Spila körfubolta en ekki fótbolta Enski boltinn Orri, Jóhann og Gylfi ekki með en Aron valinn Fótbolti Arnar: Aðrir leikmenn framar en Jóhann Fótbolti Kaupa einn frægasta leikvang heims til þess að rífa hann Fótbolti Drama í sænska landsliðinu: „Hann hefur svikið liðsfélaga sína“ Fótbolti „Mjög súr og dapur þegar hann hringdi í mig“ Fótbolti Sjáðu kinnhestinn sem felldi Liverpool og þrennu Mbappe Fótbolti Fleiri fréttir Íslendingaliðið í undanúrslit Tilfinningaþrungin stund eftir hörmungar síðustu ára Haukur með flestar stoðsendingar í Þýskalandi Íslendingarnir skutu Ringsted áfram Magdeburg fataðist flugið og Bjarki Már í úrslit Hroðaleg hnémeiðsli Janusar Daða Tryggðu sér sigurinn með því að skora síðustu fjögur mörkin Rut barnshafandi Haukur hafði betur í Íslendingaslagnum Eins marks sigur Valskvenna í Evrópudeildinni ÍBV með þægilegan sex marka sigur á Þór Sex marka tap í fyrsta Evrópuleik Selfyssinga Dramatískt jafntefli á Ásvöllum KA sótti sigur gegn stigalausu liði HK Stjarnan sneri leiknum og lagði FH „Þetta var bara draumi líkast“ „Frábært að sjá Darra spila handbolta aftur“ „Munurinn á liðunum var einfaldlega markvarslan“ Uppgjörið: Fram - Haukar 27-32 | Haukar sigldu sigrinum í höfn í Úlfarsárdal Flautumark í Breiðholti Ómar Ingi markahæstur í sigri Magdeburgar Kaflaskipt í sigri Valsmanna Glimrandi byrjun Gummersbach heldur áfram Janus markahæstur í frábærum sigri á PSG Ásdís átti stórleik í stórsigri Vals KA/Þór með fullt hús stiga Bjarki skoraði fjögur mörk í mjög kaflaskiptum leik Mættur heim í Hauka eftir erfið ár í Frakklandi Segja leikmenn hafa kvartað undan Guðmundi Spenntur að spila aftur í Vestmannaeyjum Sjá meira
Viggó Kristjánsson, landsliðsmaður í handbolta, var nýsloppinn úr einangrun eftir að hafa fengið neikvæða niðurstöðu úr kórónuveiruprófi og á leið á myndbandsfund þegar blaðamaður Vísis sló á þráðinn til hans í gær. Ísland mætir Litháen í fyrsta leik sínum í undankeppni EM 2022 í kvöld. Leikurinn fer fram í Laugardalshöll og hefst klukkan 19:45. „Ég hef verið í einangrun inni á hótelbergi síðan ég kom en var að losna rétt í þessu. Það er myndbandsfundur núna, æfing beint eftir það og svo er leikur á morgun [í dag]. Þetta er voðalega stuttur undirbúningur,“ sagði Viggó. Þetta er í fyrsta sinn sem íslenska landsliðið kemur saman síðan á EM í Noregi, Svíþjóð og Austurríki í janúar. „Það datt allt upp fyrir um páskana og í sumar þannig að þetta er fyrsta verkefnið síðan á EM,“ sagði Viggó. Hann hlakkar að sjálfsögðu að spila í kvöld en spyr sig þó hversu sniðugt það er að spila landsleiki á tímum sem þessum, þegar kórónuveirufaraldurinn geysar um alla Evrópu. Veit ekki hversu skynsamlegt það er „Það er tilhlökkun að spila en það er auðvitað hægt að setja spurningarmerki við þessa ákvörðun að láta landsleiki fram yfir höfuð núna. Það er meiri háttar vesen að koma þessu öllu heim og saman. Að senda menn hingað og þangað yfir landamæri, ég veit ekki hversu skynsamlegt það er eins og staðan er núna,“ sagði Viggó. Ísland átti að mæta Ísrael í Laugardalshöllinni á laugardaginn en leiknum var frestað þar sem Ísraelar treystu sér ekki til Íslands. Aðeins ár er síðan Viggó lék sína fyrstu leiki fyrir íslenska landsliðið, gegn Svíum ytra. Hann var svo í íslenska hópnum sem fór á EM og stóð sig vel á sínu fyrsta stórmóti. Viggó er kominn með báða fætur inn fyrir landsliðsdyrnar og stefnir á að halda sér þar. Viggó ásamt Sigvalda Guðjónssyni eftir leik á EM í janúar.hsí „Ekki spurning, það hefur verið markmiðið síðustu ár að komast í landsliðið og spila á sem hæstu getustigi. Það var frábært að koma inn í landsliðið í fyrra og fá tækifæri á EM. Markmiðið er að vera í landsliðinu næstu árin,“ sagði Viggó. Hann gekk í raðir Stuttgart í sumar og hefur byrjað af fítonskrafti með nýja liðinu. Hann er langmarkahæsti leikmaður Stuttgart á tímabilinu með 44 mörk og þriðji markahæsti leikmaður þýsku úrvalsdeildarinnar. Það hefur ekki bara gengið vel hjá Viggó persónulega, heldur hefur Stuttgart gengið flest í haginn. Eftir sex umferðir er liðið í 6. sæti með níu stig, einu stigi á eftir toppliðunum Kiel, Rhein-Neckar Löwen og Flensburg. Gengið framar vonum „Ég bjóst við alls ekki við því og hugsaði ekki einu sinni út í það að ég yrði meðal markahæstu manna í deildinni. Mér datt það ekki í hug. Hins vegar gekk vel á undirbúningstímabilinu og mig grunaði að ég gæti fengið stórt hlutverk,“ sagði Viggó. „Sem lið renndum við svolítið blint í sjóinn. Þeir töluðu um að þeir hefðu styrkt liðið vel fyrir tímabilið. Það komu ekki margir en við þrír sem komum vorum allir með reynslu úr þýsku deildinni. Menn gerðu sér kannski vonir um að vera um miðja deild. En hingað til er gengi liðsins og mitt framar vonum. Og ég er mjög sáttur með það.“ Viggó í leik gegn Rhein-Neckar Löwen í þýsku úrvalsdeildinni.GETTY/MARCO WOLF Eins og áður sagði er Viggó í 3. sæti listans yfir markahæstu leikmenn þýsku deildarinnar, þeirrar sterkustu í heimi. Og um tíma var hann á toppi markalistans. Sýnir að ég get þetta „Það var mjög gaman, ég lýg því ekki,“ sagði Viggó aðspurður hvernig það hafi verið að sjá nafnið sitt efst á listanum yfir þá markahæstu í þýsku deildinni. „Þetta er eitthvað sem manni fannst óraunhæft fyrir tímabilið en ég er búinn að hanga þarna uppi í nokkrar umferðir. Ég er ekki að segja að ég verði markahæstur í lok tímabils en þetta sýnir að ég get þetta. Það er í mínum höndum að halda áfram að standa mig.“ Stuttgart hefur leikið í þýsku úrvalsdeildinni síðan 2015. Liðið hefur verið í neðri hluta hennar og ekki endað ofar en í 12. sæti sem varð niðurstaðan á síðasta tímabili. Stuttgart hefur komið liða mest á óvart í þýsku úrvalsdeildinni.getty/Uwe Anspach „Þetta er félag sem vill fyrst og fremst forðast fallið. Ef það tekst snemma yrði það frábært og við gætum horft ofar í töfluna. Þeir enduðu í 12. sæti í fyrra og að vera meðal tíu efstu liða yrði algjör draumur fyrir okkur,“ sagði Viggó. Þungavigtarmenn í markinu Reyndustu leikmenn Stuttgart eru markverðirnir Johannes Bitter og Primoz Prost sem eru báðir farnir að nálgast fertugt. Bitter er fyrrverandi landsliðsmarkvörður Þjóðverja og varð m.a. heimsmeistari með þeim á heimavelli 2007. Prost lék svo lengi með slóvenska landsliðinu. „Þeir eru með bestu markvarðapörum í deildinni. Það hafa verið vandræði hjá Stuttgart síðustu ár að þegar Bitter hefur ekki átt sinn besta leik hefur ekki nógu góður markvörður komið inn á. En það er allt annað uppi á teningnum núna. Prost gæti verið byrjunarliðsmaður í mörgum liðum í deildinni og nú þegar unnið stig fyrir okkur. Það er rosalega mikilvægt að hafa tvo góða markmenn,“ sagði Viggó. Viggó hefur leikið sem atvinnumaður síðan 2016.stöð 2 sport Seltirningurinn er í stóru hlutverki hjá Stuttgart og það stækkaði enn frekar þegar hin örvhenta skyttan hjá liðinu greindist með kórónuveiruna. „Þegar ég er fjær varamannabekknum hef ég spilað vörn og sókn en skipt milli varnar og sóknar þegar ég er nær bekknum. Í byrjun tímabils spilaði ég um 45 mínútur í leik en það jókst eftir að makkerinn minn greindist með covid. Hann hefur misst af síðustu tveimur leikjum. Ég hef spilað mikið og vonandi geri ég það áfram,“ sagði Viggó að lokum.
EM 2022 í handbolta Þýski handboltinn Tengdar fréttir Guðmundur um HM í janúar: Ég sé þetta ekki fyrir mér Guðmundur Þórður Guðmundsson, landsliðsþjálfari í handbolta, efast um að HM í Egyptalandi, sem á að fara fram í janúar næstkomandi, verði haldið til streitu. 3. nóvember 2020 19:09 Kári „drulluósáttur“ að vera ekki valinn í landsliðið Kára Kristjáni Kristjánssyni finnst hann enn eiga erindi í íslenska landsliðið og er svekktur að hafa ekki verið valinn í það fyrir leikinn gegn Litháen. 3. nóvember 2020 10:00 Mest lesið Kemur dómaranefnd til varnar og hnýtir í Jón og tvíburana Körfubolti Svona var fundur KSÍ þegar Arnar tilkynnti landsliðshópinn Fótbolti Arftaki Heimis fundinn: „Alltaf áhætta að gera breytingar“ Íslenski boltinn Segir Liverpool ekki spila eins og topplið: Spila körfubolta en ekki fótbolta Enski boltinn Orri, Jóhann og Gylfi ekki með en Aron valinn Fótbolti Arnar: Aðrir leikmenn framar en Jóhann Fótbolti Kaupa einn frægasta leikvang heims til þess að rífa hann Fótbolti Drama í sænska landsliðinu: „Hann hefur svikið liðsfélaga sína“ Fótbolti „Mjög súr og dapur þegar hann hringdi í mig“ Fótbolti Sjáðu kinnhestinn sem felldi Liverpool og þrennu Mbappe Fótbolti Fleiri fréttir Íslendingaliðið í undanúrslit Tilfinningaþrungin stund eftir hörmungar síðustu ára Haukur með flestar stoðsendingar í Þýskalandi Íslendingarnir skutu Ringsted áfram Magdeburg fataðist flugið og Bjarki Már í úrslit Hroðaleg hnémeiðsli Janusar Daða Tryggðu sér sigurinn með því að skora síðustu fjögur mörkin Rut barnshafandi Haukur hafði betur í Íslendingaslagnum Eins marks sigur Valskvenna í Evrópudeildinni ÍBV með þægilegan sex marka sigur á Þór Sex marka tap í fyrsta Evrópuleik Selfyssinga Dramatískt jafntefli á Ásvöllum KA sótti sigur gegn stigalausu liði HK Stjarnan sneri leiknum og lagði FH „Þetta var bara draumi líkast“ „Frábært að sjá Darra spila handbolta aftur“ „Munurinn á liðunum var einfaldlega markvarslan“ Uppgjörið: Fram - Haukar 27-32 | Haukar sigldu sigrinum í höfn í Úlfarsárdal Flautumark í Breiðholti Ómar Ingi markahæstur í sigri Magdeburgar Kaflaskipt í sigri Valsmanna Glimrandi byrjun Gummersbach heldur áfram Janus markahæstur í frábærum sigri á PSG Ásdís átti stórleik í stórsigri Vals KA/Þór með fullt hús stiga Bjarki skoraði fjögur mörk í mjög kaflaskiptum leik Mættur heim í Hauka eftir erfið ár í Frakklandi Segja leikmenn hafa kvartað undan Guðmundi Spenntur að spila aftur í Vestmannaeyjum Sjá meira
Guðmundur um HM í janúar: Ég sé þetta ekki fyrir mér Guðmundur Þórður Guðmundsson, landsliðsþjálfari í handbolta, efast um að HM í Egyptalandi, sem á að fara fram í janúar næstkomandi, verði haldið til streitu. 3. nóvember 2020 19:09
Kári „drulluósáttur“ að vera ekki valinn í landsliðið Kára Kristjáni Kristjánssyni finnst hann enn eiga erindi í íslenska landsliðið og er svekktur að hafa ekki verið valinn í það fyrir leikinn gegn Litháen. 3. nóvember 2020 10:00