Sautján greindust innanlands

Sautján greindust með kórónuveiruna innan­lands í gær. Tólf af þeim sem greindust í gær voru í sóttkví, eða tæpt 71 prósent. Fimm þeirra sem greindust í gær voru utan sóttkvíar, eða rúmlega 29 prósent.

Þetta kemur fram í uppfærðum tölum á vefnum covid.is. Í fyrradag greindust átta og höfðu ekki færri greinst á einum degi síðan 14. september. 

Af þeim sautján sem greindust innanlands í gær greindust tólf eftir að tekin voru svokölluð einkennasýni, en fimm eftir svokallaða sóttkvíar- og handahófsskimun.

Einn greindist á landamærum þar sem niðurstöðu mótefnamælingar beðið.

394 manns eru nú í einangrun, samanborið við 447 í gær. Þá eru 659 í sóttkví í dag, samanborið við 883 í gær.

Alls eru 62 nú á sjúkrahúsi vegna Covid-19, þar af þrír á gjörgæslu. Í gær var 61 á sjúkrahúsi og tveir á gjörgæslu.

Nýgengi innanlandssmita er nú 76,9 en var 87,8 í gær. Nýgengi landamærasmita er 9,3og lækkar úr 10,4 í gær.