Martin Hermannsson og félagar í Valencia mættu öflugu liði Tenerife í spænsku úrvalsdeildinni í körfubolta í kvöld.
Úr varð hörkuleikur þar sem liðin skiptust á að hafa forystuna en Valencia var í forystu fyrir fjórða og síðasta leikhlutann.
Þá sigu Tenerife hins vegar fram úr og unnu að lokum sex stiga sigur, 89-95.
Martin lék rúmar 12 mínútur í liði Valencia. Hann gerði sex stig og gaf fimm stoðsendingar en Klemen Prepelic var stigahæstur í liði Valencia með tuttugu stig.
