Nauðgaði tvisvar sömu nótt en á skilorði vegna dráttar á máli Elín Margrét Böðvarsdóttir skrifar 28. nóvember 2020 13:37 Landsréttur. Vísir/Vilhelm Landsréttur hefur staðfest 18 mánaða fangelsisdóm Héraðsdóms Reykjaness yfir manni sem gerðist sekur um að nauðga fyrrverandi unnustu sinni í tvígang. Landsréttur mildar hins vegar refsingu að því leyti að dómurinn skuli skilorðsbundinn til tveggja ára vegna verulegs dráttar á meðferð málsins. Maðurinn hafði í héraðsdómi fengið 18 mánaða óskilorðsbundinn fangelsisdóm auk þess sem honum var gert að greiða þolanda, fyrrverandi unnustu sinni, 1,2 milljónir í miskabætur. Landsréttur staðfesti í gær dóm héraðsdóms um sakfellingu og greiðslu miskabóta og málskostnaðar en kemst hins vegar að þeirri niðurstöðu að fresta skuli fullnustu refsingar skilorðsbundið til tveggja ára. Brotið átti sér stað í janúar 2015 en ákæra var ekki gefin út í málinu fyrr en 2018 og var dómur héraðsdóms kveðinn upp 1. febrúar í fyrra. „Ákærða verður með engum hætti kennt um þennan drátt á málsmeðferðinni,“ segir í niðurstöðum Landsréttar en drátturinn sem verið hefur á meðferð málsins sé í andstöðu við meginreglur sakamálaréttarfars og mannréttindasáttmála Evrópu. Ekki sé hægt að kenna ákærða um drátt málsins „Við ákvörðun refsingar ákærða verður ekki fram hjá því litið að málið hefur dregist úr hömlu. Nú eru liðin fimm ár og rúmlega 10 mánuðir frá broti ákærða en brotaþoli lagði fram kæru á hendur honum 19. janúar 2015. Rannsókn málsins virðist hafa lokið 25. september 2015 en þrátt fyrir það var málið sent héraðssaksóknara ári síðar, eða 29. september 2016. Rúmu ári síðar eða 4. október 2017 sendi héraðssaksóknari málið aftur til lögreglu til frekari rannsóknar,“ segir ennfremur í niðurstöðum Landsréttar. Að lokinni þeirri rannsókn hafi málið verið sent héraðssaksóknara að nýju sem felldi málið niður. Konan kærði þá ákvörðun til ríkissaksóknara sem felldi ákvörðun héraðssaksóknara úr gildi. Í framhaldinu var gefin út ákæra í maí 2018 og dómur féll í febrúar 2019, rúmlega fjórum árum eftir að kæra hafði verið lögð fram. „Ekkert hefur komið fram um að ákærða verði kennt um þann mikla drátt sem þannig varð á málinu. Hafa engar skýringar komið fram á honum,“ segir í dómi héraðsdóms. Ríkissaksóknari skaut málinu til Landsréttar nokkrum dögum eftir að sá dómur féll en ákæruvaldið krafðist þess að refsing yrði þyngd. Baðst fyrirgefningar og sagðist hafa verið „of ákafur“ við brotaþola Líkt og áður segir var brotið framið í janúar 2015. Þolandi leitaði á neyðarmóttöku en skoðun leiddi í ljós áverka sem þykja hafa komið til vegna samfara sem „kona er ekki tilbúin fyrir.“ „Brotaþoli segir sjálf svo frá að ákærði hafi um nóttina nauðgað sér, hún hafi eftir það sofnað en vaknað við að hann væri byrjaður aftur. Því hafi lokið með annarri nauðgun. Aftur hafi hún sofnað. Enn hafi hún vaknað við að ákærði væri að reyna eitthvað að nýju. Þá hafi hún ekki gert neitt heldur bara legið,“ segir í dómi héraðsdóms. Daginn eftir hafi þolandi keypt handa þeim mat, þau borðað saman og að beiðni ákærða hafi hún veitt honum munnmök. Þau kvöddust svo með kossi. Fyrir dómi var konan spurð hvers vegna hún hefði ekki farið strax. Sagðist hún ekki vita nákvæmlega hvað hún hafi verið að hugsa en hún hafi verið í sjokki og hafi ekki viljað búa til vandamál. Meðal gagna málsins voru sms-skilaboð frá manninum til brotaþola þar sem hann segist vilja spjalla aðeins „eftir þetta,“ hann vilji sættast og hann voni að brotaþoli geti fyrirgefið sér. Hann segir ennfremur í skilaboðunum að hann hafi verið „of ákafur við [brotaþola] þarna í endann.“ Hann vilji bæta henni það upp einhvern veginn frekar en að hætta að tala við hana. Dómsmál Lögreglumál Kynferðisofbeldi Mest lesið Fjölskylda flugmanns Icelandair vill að lögregla rannsaki andlát hans Innlent Hvers vegna að fella ísbirni? Innlent Drengnum hafi ekki verið trúað í fyrstu Innlent Stjörnublaðamaður í straff vegna sambands við Kennedy Erlent Vörpuðu líkum fram af húsþaki á Vesturbakkanum Erlent Eiginmaður íslenskrar konu lét sig hverfa rétt eftir brúðkaupið Innlent Framboð Baldurs þurfti að endurgreiða styrki sem fóru yfir hámark Innlent Í gæsluvarðhald vegna kókaínsendingar Innlent Myndgreiningarkerfi geti hjálpað til við að stoppa af óprúttna aðila Innlent Kona réðst að sjö ára dreng við Smáraskóla Innlent Fleiri fréttir Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Sjá meira
Maðurinn hafði í héraðsdómi fengið 18 mánaða óskilorðsbundinn fangelsisdóm auk þess sem honum var gert að greiða þolanda, fyrrverandi unnustu sinni, 1,2 milljónir í miskabætur. Landsréttur staðfesti í gær dóm héraðsdóms um sakfellingu og greiðslu miskabóta og málskostnaðar en kemst hins vegar að þeirri niðurstöðu að fresta skuli fullnustu refsingar skilorðsbundið til tveggja ára. Brotið átti sér stað í janúar 2015 en ákæra var ekki gefin út í málinu fyrr en 2018 og var dómur héraðsdóms kveðinn upp 1. febrúar í fyrra. „Ákærða verður með engum hætti kennt um þennan drátt á málsmeðferðinni,“ segir í niðurstöðum Landsréttar en drátturinn sem verið hefur á meðferð málsins sé í andstöðu við meginreglur sakamálaréttarfars og mannréttindasáttmála Evrópu. Ekki sé hægt að kenna ákærða um drátt málsins „Við ákvörðun refsingar ákærða verður ekki fram hjá því litið að málið hefur dregist úr hömlu. Nú eru liðin fimm ár og rúmlega 10 mánuðir frá broti ákærða en brotaþoli lagði fram kæru á hendur honum 19. janúar 2015. Rannsókn málsins virðist hafa lokið 25. september 2015 en þrátt fyrir það var málið sent héraðssaksóknara ári síðar, eða 29. september 2016. Rúmu ári síðar eða 4. október 2017 sendi héraðssaksóknari málið aftur til lögreglu til frekari rannsóknar,“ segir ennfremur í niðurstöðum Landsréttar. Að lokinni þeirri rannsókn hafi málið verið sent héraðssaksóknara að nýju sem felldi málið niður. Konan kærði þá ákvörðun til ríkissaksóknara sem felldi ákvörðun héraðssaksóknara úr gildi. Í framhaldinu var gefin út ákæra í maí 2018 og dómur féll í febrúar 2019, rúmlega fjórum árum eftir að kæra hafði verið lögð fram. „Ekkert hefur komið fram um að ákærða verði kennt um þann mikla drátt sem þannig varð á málinu. Hafa engar skýringar komið fram á honum,“ segir í dómi héraðsdóms. Ríkissaksóknari skaut málinu til Landsréttar nokkrum dögum eftir að sá dómur féll en ákæruvaldið krafðist þess að refsing yrði þyngd. Baðst fyrirgefningar og sagðist hafa verið „of ákafur“ við brotaþola Líkt og áður segir var brotið framið í janúar 2015. Þolandi leitaði á neyðarmóttöku en skoðun leiddi í ljós áverka sem þykja hafa komið til vegna samfara sem „kona er ekki tilbúin fyrir.“ „Brotaþoli segir sjálf svo frá að ákærði hafi um nóttina nauðgað sér, hún hafi eftir það sofnað en vaknað við að hann væri byrjaður aftur. Því hafi lokið með annarri nauðgun. Aftur hafi hún sofnað. Enn hafi hún vaknað við að ákærði væri að reyna eitthvað að nýju. Þá hafi hún ekki gert neitt heldur bara legið,“ segir í dómi héraðsdóms. Daginn eftir hafi þolandi keypt handa þeim mat, þau borðað saman og að beiðni ákærða hafi hún veitt honum munnmök. Þau kvöddust svo með kossi. Fyrir dómi var konan spurð hvers vegna hún hefði ekki farið strax. Sagðist hún ekki vita nákvæmlega hvað hún hafi verið að hugsa en hún hafi verið í sjokki og hafi ekki viljað búa til vandamál. Meðal gagna málsins voru sms-skilaboð frá manninum til brotaþola þar sem hann segist vilja spjalla aðeins „eftir þetta,“ hann vilji sættast og hann voni að brotaþoli geti fyrirgefið sér. Hann segir ennfremur í skilaboðunum að hann hafi verið „of ákafur við [brotaþola] þarna í endann.“ Hann vilji bæta henni það upp einhvern veginn frekar en að hætta að tala við hana.
Dómsmál Lögreglumál Kynferðisofbeldi Mest lesið Fjölskylda flugmanns Icelandair vill að lögregla rannsaki andlát hans Innlent Hvers vegna að fella ísbirni? Innlent Drengnum hafi ekki verið trúað í fyrstu Innlent Stjörnublaðamaður í straff vegna sambands við Kennedy Erlent Vörpuðu líkum fram af húsþaki á Vesturbakkanum Erlent Eiginmaður íslenskrar konu lét sig hverfa rétt eftir brúðkaupið Innlent Framboð Baldurs þurfti að endurgreiða styrki sem fóru yfir hámark Innlent Í gæsluvarðhald vegna kókaínsendingar Innlent Myndgreiningarkerfi geti hjálpað til við að stoppa af óprúttna aðila Innlent Kona réðst að sjö ára dreng við Smáraskóla Innlent Fleiri fréttir Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Vinna málið saman og nýta greinargerð vegna fyrri umsóknar Kona réðst að sjö ára dreng við Smáraskóla Stofna námsstyrk á sviði umhverfismála í nafni Ellýjar Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Sjá meira