West Ham er komið upp í fimmta sæti ensku úrvalsdeildarinnar eftir 2-1 sigur á Aston Villa á Lundúnarleikvanginum í kvöld.
Það voru liðnar einungis tvær mínútur af leiknum er Angelo Ogbonna kom West Ham yfir með skalla eftir hornspyrnu Jarrod Bowen.
Jack Grealish jafnaði metin á 25. mínútu. Skot hans fór af Ogbonna og í netið. Óverjandi fyrir Lukasz Fabianski í markinu hjá West Ham.
Sigurmarkið kom svo í upphafi síðari hálfleiks, nánar tiltekið eftir 28 sekúndur í síðari hálfleik. Eftir fyrirgjöf Said Benrahma skallaði Bowen knöttinn í netið.
Aston Villa fékk gullið tækifæri til þess að jafna metin er stundarfjórðungur var eftir er þeir fengu vítaspyrnu en Ollie Watkins skaut boltanum í slánna.
Ollie Watkins has failed with 4 of his last 5 league penalties taken (3 for Brentford & 1 for Aston Villa)
— Sky Sports Statto (@SkySportsStatto) November 30, 2020
He s converted 2 of 6 penalties in his league career pic.twitter.com/KkpDeHiS6d
Öll dramatík var ekki úti því áður nefndur Watkins virtist vera tryggja Villa stig er hann skoraði á 91. mínútu. Eftir skoðun í VAR kom í ljós að hann væri rangstæður þó tæpt væri. Lokatölur 2-1 sigur West Ham.
West Ham er komið upp í fimmta sætið með sautján stig en Aston Villa er í tíunda sætinu með fimmtán stig.
@WestHam have won 3 consecutive PL games for the first time under David Moyes (includes both his spells in charge which total a combined 56 league games) pic.twitter.com/RyLhubABQQ
— Sky Sports Statto (@SkySportsStatto) November 30, 2020