Bólusetningar vegna Covid-19 gætu hafist hér á landi á milli jóla og nýárs að sögn Svandísar Svavarsdóttur heilbrigðisráðherra. Svandís er gestur Sunnu Sæmundsdóttur í Víglínunni á Stöð 2 í dag þar sem rætt verður um fyrirkomulag bólusetninga sem eiga að hefjast á allra næstu vikum.
Faraldurinn hefur haft gríðarleg áhrif á ferðaþjónustuna og farið verður yfir stöðuna í greininni með Þórdísi Kolbrúnu Reykfjörð Gylfadóttur, ferðamála-, iðnaðar- og nýsköpunarráðherra.
Víglínan hefst klukkan 17:40 og er í opinni dagskrá á Stöð 2 og Vísi.
