Snjókoma með köflum og allt að tólf stiga frost

Þetta kemur fram í hugleiðingum veðurfræðings á vef Veðurstofu Íslands þar sem segir jafnframt að frost verði á bilinu núll til tólf stig, kaldast í innsveitum fyrir norðan.

Þá er spáð hægri norðlægri átt á morgun en áfram norðvestan strekkingi austast. Víða verður léttskýjað en dálítil él á Norðaustur- og Austurlandi og áfram kalt í veðri.

Á gamlársdag er síðan útlit fyrir hægan vind og bjart veður víða á landinu. Þó eru líkur á lítilsháttar skúrum eða éljum á vestanverðu landinu.

Veðurhorfur á landinu:

Breytileg átt 3-10 m/s, en norðvestan 10-15 austast á landinu. Snjókoma með köflum norðvestan- og vestanlands, en yfirleitt þurrt í öðrum landshlutum. Frost 0 til 12 stig, kaldast í innsveitum.

Hæg norðlæg átt á morgun, en áfram norðvestan strekkingur austast. Dálítil él á Norðaustur- og Austurlandi, en víða léttskýjað um landið sunnan- og vestanvert.

Á miðvikudag:

Norðlæg átt 3-10 m/s, en norðvestan 8-15 austast á landinu. Dálítil él NA-til, en víða léttskýjað um landið S- og V-vert. Frost 2 til 10 stig, kaldast í innsveitum fyrir norðan.

Á fimmtudag (gamlársdagur):

Hæg breytileg átt og skýjað með köflum, en stöku él N-lands um morguninn. Léttir víða til síðdegis. Hiti breytist lítið.

Á föstudag (nýársdagur):

Hæg breytileg átt og bjartviðri, frost 4 til 12 stig. Snýst í sunnan 5-10 um landið V-vert, og þykknar upp og hlýnar.

Á laugardag og sunnudag:

Suðlæg átt og rigning með köflum S- og V-lands, en þurrt um landið A-vert. Hlýnandi veður.