Trump talar um að slaka á takmörkunum eftir að mjólkurkúm hans var lokað Kjartan Kjartansson skrifar 24. mars 2020 12:57 Donald Trump á blaðamannafundi um kórónuveirufaraldurinn með sérfræðingum og embættismönnum í Hvíta húsinu í gær. Þar fullyrti forsetinn að aðgerðir til að takmarka útbreiðslu veirunnar yrðu ekki í gildi í einhverja mánuði, heldur vikur. AP/Alex Brandon Sex af sjö ábatasömustu klúbbum og hótelum Donald Trump Bandaríkjaforseta hefur verið lokað vegna kórónuveirufaraldursins á undanförnum dögum. Forsetinn hefur síðan þá byrjað að ýja að því að slakað verði á samfélagslegum aðgerðum til að hefta útbreiðslu veirunnar í trássi við ráðleggingar sérfræðinga og þvert á stefnu annarra vestrænna ríkja. Fjöldi ríkja í Bandaríkjunum hefur beðið borgara sína um að halda sig heima vegna faraldursins sem geisar nú. Það hefur þegar haft gríðarleg efnahagsleg áhrif. Fyrirtækjum hefur verið lokað tímabundið og starfsmönnum sagt upp. Þeim sem sóttu um atvinnuleysisbætur fjölgaði um 70% samkvæmt tölum sem voru birtar í síðustu viku og er búist við enn svartari tölum næst þegar þær verða teknar saman. Fyrirtækjaveldi Trump forseta er ekki ónæmt fyrir röskununum. Washington Post segir að sex af sjö helstu mjólkurkúm forsetans hafi nú verið lokað vegna aðgerða yfirvalda sem eiga að hægja á útbreiðslu faraldursins. Hótelin og klúbbarnir sjái fram á milljóna dollara tekjutap. Mar-a-Lago-klúbburinn á Flórída, þar sem forsetinn ver löngum stundum, er á meðal staðanna sem hefur verið lokað. Hótel hans í Las Vegas, Doral, Írlandi og Turnberry í Skotlandi hefur einnig verið lokað og golfklúbbi í Bedminster í New Jersey. Saman hafa hótel og klúbbar forsetans sem nú eru lokaðir skilað fyrirtæki hans um 478.000 dollurum, jafnvirði 67 milljóna íslenskra króna, í kassann á dag. Önnur fyrirtæki Trump sem enn eru opin eru sögð hafa tekið högg vegna aðgerðanna. Ólíkt fyrri forsetum neitaði Trump að rjúfa tengsl sín við viðskiptaveldi sitt þegar hann tók við embætti. Hann segir að synir hans tveir hafi tekið við rekstri fyrirtækisins en hann nýtur enn fjárhagslegs ávinnings af rekstrinum. Trump gaf ekki skýrt svör þegar hann var spurður að því hvort að fyrirtæki hans myndi sækjast eftir neyðaraðstoð frá stjórnvöldum á blaðamannafundi í Hvíta húsinu í gær. Mar-a-Lago-klúbbur Trump á Flórída er á meðal eigna hans sem hefur verið lokað vegna aðgerða sem eiga að hefta útbreiðslu kórónuveirunnar.Vísir/Getty Þrýstingur frá kaupsýslumönnum og atvinnulífinu Hvort sem það er fyrir tilviljun eða ekki hefur Trump byrjað að láta í það skína að hann vilji létta á aðgerðunum á næstu dögum. Á sunnudag tísti hann um að „meðalið má ekki vera verra en vandamálið“ og að núverandi tilmæli um að fólk dragi úr félagslegu návígi verði endurskoðuð þegar þau falla úr gildi á mánudag. „Bandaríkin verða brátt opin fyrir viðskiptum, mjög fljótt,“ sagði Trump á blaðamannafundinum í gær. Forsetinn er sagður undir þrýstingi frá kaupsýslumönnum, leiðtogum atvinnulífsins, þingmönnum repúblikana og hægrisinnuðum hagfræðingum um að gera fyrirtækjum kleift að opna aftur með því að slaka á tilmælum stjórnvalda sem eiga að hefta útbreiðslu faraldursins. Þeir telja að sama hversu margir látið lífið í faraldrinum muni milljónir til viðbótar missa vinnuna verði takmarkanir lengi enn í gildi. Lýðheilsusérfræðingar alríkisstjórnarinnar eru á allt öðru máli. Þeir telja að halda þurfi veitingastöðum, börum, skólum, skrifstofum og öðrum samkomustöðum lokuðum í fleiri vikur til viðbótar til að milda áhrif faraldursins. AP-fréttastofan segir að sérfræðingarnir telji að fjöldi smita eigi eftir að þyrma yfir heilbrigðiskerfið að öðrum kosti og valda fjölda dauðsfalla líkt og gerst hefur á Ítalíu. Alþjóðaheilbrigðisstofnunin (WHO) varaði við því að hröð fjölgun smita í Bandaríkjunum gæti þýtt að þau verði næsti miðpunktur faraldursins í heiminum. Trump virtist gefa lítið fyrir álit lækna og sérfræðinga á blaðamannafundinum í gær. Hann sagðist telja að landið yrði opnað á næstu vikum, ekki mánuðum. „Ef það væri í höndum læknanna myndu þeir segja höldum því lokuðu, lokum öllum heiminum…og höldum honum lokuðum í tvö ár. Við getum ekki gert það,“ sagði Trump og gaf ranga mynd af ráðleggingum sérfræðinga sinna. Sagðist forsetinn telja að það hefði verri afleiðingar í för með sér að halda takmörkununum í gildi en að aflétta þeim. Bar hann mannfall vegna kórónuveirufaraldursins saman við árlegu inflúensuna og bílslys þrátt fyrir að hans eigin lýðheilsusérfræðingar hafi áður sagt að slíkur samanburður sé marklaus. Óljóst er hversu mikil bein áhrif Trump hefði á takmarkanir sem eru í gildi. Margar þeirra hafa verið ákveðnar af stjórnvöldum í einstökum ríkjum og borgum, en ekki alríkisstjórninni. WE CANNOT LET THE CURE BE WORSE THAN THE PROBLEM ITSELF. AT THE END OF THE 15 DAY PERIOD, WE WILL MAKE A DECISION AS TO WHICH WAY WE WANT TO GO!— Donald J. Trump (@realDonaldTrump) March 23, 2020 Vilja ekki kreppu í aðdraganda forsetakosninga Það eru ekki aðeins áhrif aðgerðanna á fyrirtæki Trump sem gætu haft áhrif á afstöðu hans til áframhaldandi takmarkana vegna faraldursins. Alla forsetatíð sína hefur Trump mælst óvinsæll í könnunum. Helstu rökin sem hann og framboð hans hafa haldið á lofti fyrir endurkjöri í haust hefur verið sterkur efnahagur Bandaríkjanna. Faraldurinn hefur nú snúið við nær öllum ávinningi fjármálamarkaða frá því að Trump tók við á aðeins örfáum vikum. Atvinnuleysi eykst dag frá degi og Bandaríkin stefna inn í kreppu að öllu óbreyttu. Trump og ráðgjafar hans eru því taldir ólmir í að leyfa hjólum efnahagslífsins að byrja að snúast aftur, þrátt fyrir ráðleggingar sérfræðinga, til að spilla ekki fyrir möguleikum hans á endurkjöri. Þó að Trump og ríkisstjórn hans hafi sætt gagnrýni fyrir sein og slök viðbrögð við faraldrinum hafa vinsælir forsetans ekki minnkað í könnunum. Í meðaltali kannana sem Five Thirty Eight heldur utan um mælast vinsældir nú Trump við þær mestu sem hann hefur notið frá því á fyrsta ári hans í embætti. Fleiri eru þó enn sem fyrr óánægðir með störf Trump en eru ánægðir. Fréttin hefur verið uppfærð. Faraldur kórónuveiru (COVID-19) Bandaríkin Donald Trump Mest lesið Lögregla rannsakar alvarlegt slys í Lágafellslaug Innlent Sex vikið úr starfi vegna banatilræðis gegn Trump Erlent Fyrsta rafknúna flugvélin í dönsku innanlandsflugi Erlent Segir ummæli ráðherra um sig ógeðfelld Innlent Hélt á lokuðu umslagi Innlent Þingfundi frestað: Stjórnarandstaðan lagði fram „aðeins mýkri“ tillögu Innlent „Það er þarna sem rússneskir kafbátar fara í gegn“ Innlent Sleginn í andlitið með hnúajárni Innlent Telur sig hafa orðið vitni að aðdraganda drápsins Innlent Fangaverðir á sjúkrahús eftir hópárás fanga Innlent Fleiri fréttir Fyrsta rafknúna flugvélin í dönsku innanlandsflugi Sex vikið úr starfi vegna banatilræðis gegn Trump Fannst lifandi inni í kistu tveimur dögum eftir að leit hófst Stúlkur látnar afklæðast til að athuga með blæðingar Kvarta yfir því að reykur frá Kanada sé að skemma sumarið Bandaríkjamenn refsa sendifulltrúa SÞ í málefnum Palestínumanna Tveir létust í loftárásum Rússa á Kænugarð í nótt Trump hrósaði forsetanum fyrir færni í eigin móðurmáli Bindur vonir við „einn inn, einn út“ áætlun í innflytjendamálum Vill hefna vinar síns Bolsonaro með 50 prósenta tollum á Brasilíu Þrír látnir og sextán saknað eftir árás á fraktskip Sigldi á ísjaka á fleygiferð og komst naumlega af Ljóstruðu upp um heimilisfang sænska forsætisráðherrans á Strava Þurfa ekki lengur að fara úr skónum í öryggiseftirlitinu Rússar gera umfangsmikla drónaárás á yfir 700 skotmörk Eyddu færslum spjallmennisins sem lofuðu Adolf Hitler 109 látnir og yfir 160 saknað Er Trump að gefast upp á Pútín? Aðeins eitt mál enn óleyst í vopnahlésviðræðum Öllu flugi til og frá næststærstu borg Frakklands aflýst Náðu myndum af gesti frá annarri stjörnu Harma dauða ráðherrans en tjá sig ekki um hann Sakfelldir fyrir að kveikja í iðnaðarhúsnæði fyrir Wagner-málaliða Hafnar gagnrýni á samskipti við lyfjarisa í faraldrinum Bresk stjórnvöld hyggja á aðgerðir gegn trúnaðarsamningum Ekki fleiri greinst með mislinga í Bandaríkjunum í 33 ár Vill safna íbúum Gasa í lokaðar búðir og flytja síðan á brott Bandamenn fá hótunarbréf um 25 til 40 prósent toll „Þeir verða að geta varið sig“: Hættir við að hætta vopnasendingum Yfir hundrað látnir í Texas Sjá meira
Sex af sjö ábatasömustu klúbbum og hótelum Donald Trump Bandaríkjaforseta hefur verið lokað vegna kórónuveirufaraldursins á undanförnum dögum. Forsetinn hefur síðan þá byrjað að ýja að því að slakað verði á samfélagslegum aðgerðum til að hefta útbreiðslu veirunnar í trássi við ráðleggingar sérfræðinga og þvert á stefnu annarra vestrænna ríkja. Fjöldi ríkja í Bandaríkjunum hefur beðið borgara sína um að halda sig heima vegna faraldursins sem geisar nú. Það hefur þegar haft gríðarleg efnahagsleg áhrif. Fyrirtækjum hefur verið lokað tímabundið og starfsmönnum sagt upp. Þeim sem sóttu um atvinnuleysisbætur fjölgaði um 70% samkvæmt tölum sem voru birtar í síðustu viku og er búist við enn svartari tölum næst þegar þær verða teknar saman. Fyrirtækjaveldi Trump forseta er ekki ónæmt fyrir röskununum. Washington Post segir að sex af sjö helstu mjólkurkúm forsetans hafi nú verið lokað vegna aðgerða yfirvalda sem eiga að hægja á útbreiðslu faraldursins. Hótelin og klúbbarnir sjái fram á milljóna dollara tekjutap. Mar-a-Lago-klúbburinn á Flórída, þar sem forsetinn ver löngum stundum, er á meðal staðanna sem hefur verið lokað. Hótel hans í Las Vegas, Doral, Írlandi og Turnberry í Skotlandi hefur einnig verið lokað og golfklúbbi í Bedminster í New Jersey. Saman hafa hótel og klúbbar forsetans sem nú eru lokaðir skilað fyrirtæki hans um 478.000 dollurum, jafnvirði 67 milljóna íslenskra króna, í kassann á dag. Önnur fyrirtæki Trump sem enn eru opin eru sögð hafa tekið högg vegna aðgerðanna. Ólíkt fyrri forsetum neitaði Trump að rjúfa tengsl sín við viðskiptaveldi sitt þegar hann tók við embætti. Hann segir að synir hans tveir hafi tekið við rekstri fyrirtækisins en hann nýtur enn fjárhagslegs ávinnings af rekstrinum. Trump gaf ekki skýrt svör þegar hann var spurður að því hvort að fyrirtæki hans myndi sækjast eftir neyðaraðstoð frá stjórnvöldum á blaðamannafundi í Hvíta húsinu í gær. Mar-a-Lago-klúbbur Trump á Flórída er á meðal eigna hans sem hefur verið lokað vegna aðgerða sem eiga að hefta útbreiðslu kórónuveirunnar.Vísir/Getty Þrýstingur frá kaupsýslumönnum og atvinnulífinu Hvort sem það er fyrir tilviljun eða ekki hefur Trump byrjað að láta í það skína að hann vilji létta á aðgerðunum á næstu dögum. Á sunnudag tísti hann um að „meðalið má ekki vera verra en vandamálið“ og að núverandi tilmæli um að fólk dragi úr félagslegu návígi verði endurskoðuð þegar þau falla úr gildi á mánudag. „Bandaríkin verða brátt opin fyrir viðskiptum, mjög fljótt,“ sagði Trump á blaðamannafundinum í gær. Forsetinn er sagður undir þrýstingi frá kaupsýslumönnum, leiðtogum atvinnulífsins, þingmönnum repúblikana og hægrisinnuðum hagfræðingum um að gera fyrirtækjum kleift að opna aftur með því að slaka á tilmælum stjórnvalda sem eiga að hefta útbreiðslu faraldursins. Þeir telja að sama hversu margir látið lífið í faraldrinum muni milljónir til viðbótar missa vinnuna verði takmarkanir lengi enn í gildi. Lýðheilsusérfræðingar alríkisstjórnarinnar eru á allt öðru máli. Þeir telja að halda þurfi veitingastöðum, börum, skólum, skrifstofum og öðrum samkomustöðum lokuðum í fleiri vikur til viðbótar til að milda áhrif faraldursins. AP-fréttastofan segir að sérfræðingarnir telji að fjöldi smita eigi eftir að þyrma yfir heilbrigðiskerfið að öðrum kosti og valda fjölda dauðsfalla líkt og gerst hefur á Ítalíu. Alþjóðaheilbrigðisstofnunin (WHO) varaði við því að hröð fjölgun smita í Bandaríkjunum gæti þýtt að þau verði næsti miðpunktur faraldursins í heiminum. Trump virtist gefa lítið fyrir álit lækna og sérfræðinga á blaðamannafundinum í gær. Hann sagðist telja að landið yrði opnað á næstu vikum, ekki mánuðum. „Ef það væri í höndum læknanna myndu þeir segja höldum því lokuðu, lokum öllum heiminum…og höldum honum lokuðum í tvö ár. Við getum ekki gert það,“ sagði Trump og gaf ranga mynd af ráðleggingum sérfræðinga sinna. Sagðist forsetinn telja að það hefði verri afleiðingar í för með sér að halda takmörkununum í gildi en að aflétta þeim. Bar hann mannfall vegna kórónuveirufaraldursins saman við árlegu inflúensuna og bílslys þrátt fyrir að hans eigin lýðheilsusérfræðingar hafi áður sagt að slíkur samanburður sé marklaus. Óljóst er hversu mikil bein áhrif Trump hefði á takmarkanir sem eru í gildi. Margar þeirra hafa verið ákveðnar af stjórnvöldum í einstökum ríkjum og borgum, en ekki alríkisstjórninni. WE CANNOT LET THE CURE BE WORSE THAN THE PROBLEM ITSELF. AT THE END OF THE 15 DAY PERIOD, WE WILL MAKE A DECISION AS TO WHICH WAY WE WANT TO GO!— Donald J. Trump (@realDonaldTrump) March 23, 2020 Vilja ekki kreppu í aðdraganda forsetakosninga Það eru ekki aðeins áhrif aðgerðanna á fyrirtæki Trump sem gætu haft áhrif á afstöðu hans til áframhaldandi takmarkana vegna faraldursins. Alla forsetatíð sína hefur Trump mælst óvinsæll í könnunum. Helstu rökin sem hann og framboð hans hafa haldið á lofti fyrir endurkjöri í haust hefur verið sterkur efnahagur Bandaríkjanna. Faraldurinn hefur nú snúið við nær öllum ávinningi fjármálamarkaða frá því að Trump tók við á aðeins örfáum vikum. Atvinnuleysi eykst dag frá degi og Bandaríkin stefna inn í kreppu að öllu óbreyttu. Trump og ráðgjafar hans eru því taldir ólmir í að leyfa hjólum efnahagslífsins að byrja að snúast aftur, þrátt fyrir ráðleggingar sérfræðinga, til að spilla ekki fyrir möguleikum hans á endurkjöri. Þó að Trump og ríkisstjórn hans hafi sætt gagnrýni fyrir sein og slök viðbrögð við faraldrinum hafa vinsælir forsetans ekki minnkað í könnunum. Í meðaltali kannana sem Five Thirty Eight heldur utan um mælast vinsældir nú Trump við þær mestu sem hann hefur notið frá því á fyrsta ári hans í embætti. Fleiri eru þó enn sem fyrr óánægðir með störf Trump en eru ánægðir. Fréttin hefur verið uppfærð.
Faraldur kórónuveiru (COVID-19) Bandaríkin Donald Trump Mest lesið Lögregla rannsakar alvarlegt slys í Lágafellslaug Innlent Sex vikið úr starfi vegna banatilræðis gegn Trump Erlent Fyrsta rafknúna flugvélin í dönsku innanlandsflugi Erlent Segir ummæli ráðherra um sig ógeðfelld Innlent Hélt á lokuðu umslagi Innlent Þingfundi frestað: Stjórnarandstaðan lagði fram „aðeins mýkri“ tillögu Innlent „Það er þarna sem rússneskir kafbátar fara í gegn“ Innlent Sleginn í andlitið með hnúajárni Innlent Telur sig hafa orðið vitni að aðdraganda drápsins Innlent Fangaverðir á sjúkrahús eftir hópárás fanga Innlent Fleiri fréttir Fyrsta rafknúna flugvélin í dönsku innanlandsflugi Sex vikið úr starfi vegna banatilræðis gegn Trump Fannst lifandi inni í kistu tveimur dögum eftir að leit hófst Stúlkur látnar afklæðast til að athuga með blæðingar Kvarta yfir því að reykur frá Kanada sé að skemma sumarið Bandaríkjamenn refsa sendifulltrúa SÞ í málefnum Palestínumanna Tveir létust í loftárásum Rússa á Kænugarð í nótt Trump hrósaði forsetanum fyrir færni í eigin móðurmáli Bindur vonir við „einn inn, einn út“ áætlun í innflytjendamálum Vill hefna vinar síns Bolsonaro með 50 prósenta tollum á Brasilíu Þrír látnir og sextán saknað eftir árás á fraktskip Sigldi á ísjaka á fleygiferð og komst naumlega af Ljóstruðu upp um heimilisfang sænska forsætisráðherrans á Strava Þurfa ekki lengur að fara úr skónum í öryggiseftirlitinu Rússar gera umfangsmikla drónaárás á yfir 700 skotmörk Eyddu færslum spjallmennisins sem lofuðu Adolf Hitler 109 látnir og yfir 160 saknað Er Trump að gefast upp á Pútín? Aðeins eitt mál enn óleyst í vopnahlésviðræðum Öllu flugi til og frá næststærstu borg Frakklands aflýst Náðu myndum af gesti frá annarri stjörnu Harma dauða ráðherrans en tjá sig ekki um hann Sakfelldir fyrir að kveikja í iðnaðarhúsnæði fyrir Wagner-málaliða Hafnar gagnrýni á samskipti við lyfjarisa í faraldrinum Bresk stjórnvöld hyggja á aðgerðir gegn trúnaðarsamningum Ekki fleiri greinst með mislinga í Bandaríkjunum í 33 ár Vill safna íbúum Gasa í lokaðar búðir og flytja síðan á brott Bandamenn fá hótunarbréf um 25 til 40 prósent toll „Þeir verða að geta varið sig“: Hættir við að hætta vopnasendingum Yfir hundrað látnir í Texas Sjá meira