Messi og Ronaldo ekki meðal þeirra markahæstu Runólfur Trausti Þórhallsson skrifar 19. apríl 2020 21:00 Á myndinni má sjá tvo markahæstu táninga í sögu Meistaradeildar Evrópu, og Emre Can. Photo by Alex Grimm/Getty Images Á listanum yfir markahæstu táninga Meistaradeildar Evrópu, í núverandi mynd, er hvorki að finna Lionel Messi né Cristiano Ronaldo. Leikmennirnir sem gætu fetað í fótspor þeirra er hins vegar að finna á listanum. „Ef þú ert nógu góður þá ertu nógu gamall,“ sagði Sir Matt Busby, þjálfari Manchester United um miðja síðustu öld, á sínum tíma. Þau ummæli eiga enn vel við. Vefsíðan Squawka ávað að taka saman markahæstu táninga Meistaradeildar Evrópu, eða frá því að keppnin tók á sig núverandi mynd árið 1992. Alls eru sjö manns á listanum og mögulega koma eitt eða tvö nöfn á óvart. 7. Bojan Krkić Mörk í Meistaradeild Evrópu á táningsaldri: Fimm Ferill: Barcelona, Roma, AC Milan, Ajax, Stoke City, Mainz 05, Alaveg og Montreal Impact. Spánverjinn Bojan Krkić var með efnilegri leikmönnum Barcelona á sínum tíma. Á endanum gekk það ekki upp og hann fór á lán til AC Milan og Ajax áður en enska félagið Stoke City, þá í ensku úrvalsdeildinni, keypti kauða. Hinn 29 ára gamli Bojan, sem hefur skorað í fimm stærstu deildum Evrópu (England, Ítalía, Spánn, Holland og Þýskaland), skoraði á sínum tíma fimm mörk í Meistaradeildinni en það verður að teljast ólíklegt að hann leiki í henni aftur. Bojan fagnar með Andrés Iniesta á tíma sínum hjá Barcelona. Vísir/Squawka 6. Yakubu Aiyegbeni Mörk í Meistaradeild Evrópu á táningsaldri: Fimm Ferill: Julius Berger, Gil Vicente, Maccabi Haifa, Hapoel Kfar Saba, Portsmouth, Middlesbrough, Everton, Leicester City, Blackburn Rovers, Guangzhou R&F, Al-Rayyan, Reading, Kayserispor og Coventry City Yakubu eins og hann er oftast kallaður lék í alls sjö löndum áður en hann lagði skóna á hilluna. Flestir unnendur ensku úrvalsdeildarinnar ættu að þekkja Yakubu sem gerði garðinn frægan með Everton á sínum tíma. „Feed the Yak“ eða einfaldlega „Fóðrið Yak“ ómaði reglulega á Goodison Park, heimavelli Everton, forðum daga. Yakubu lék aðeins eina leiktíð í Meistaradeild Evrópu. Tímabilið 2002 til 2003 lék hann fimm leiki með ísraelska liðinu Maccabi Haifa og skoraði fimm mörk. Þar á meðal gegn Manchester United. Ungur Yakubu í baráttunni gegn Rio Ferdinand.Vísir/Squawka 5. Raúl Mörk í Meistaradeild Evrópu á táningsaldri: Sex Ferill: Real Madrid, Schalke 04, Al Sadd og New York Cosmos Raúl þarf varla að kynna enda alger goðsögn hjá Real Madrid. Ef ekki væri fyrir ómennska markaskorun Cristiano Ronaldo fyrir Madrídar-liðið þá væri Raúl enn eflaust markahæsti leikmaður í sögu félagsins. Vann hann Meistaradeildina alls þrisvar sinnum ásamt því að skora 71 mark í keppninni. Aðeins tveir leikmenn hafa skorað fleiri mörk en Raúl í Meistaradeild Evrópu. Þið megið giska hvaða tveir. 4. Karim Benzema Mörk í Meistaradeild Evrópu á táningsaldri: Sex Ferill: Lyon og Real Madrid Franski framherjinn Karim Benzema var sannkallað undrabarn á sínum tíma og er mögulega með vanmetnari knattspyrnumönnum síðari ára. Hann skoraði sex af 64 mörkum sínum í Meistaradeildinni áður en hann varð tvítugur. Benzema hefur lyft Meistaradeildarbikarnum alls fjórum sinnum með Real Madrid og hver veit nema hann bæti við titli, og mörkum, áður en hann leggur skóna á hilluna. Hann verður 33 ára gamall í desember á þessu ári. Raúl og Karim Benzema í baráttunni gegn Carlos Puyol, leikmanni Barcelona, á sínum tíma.Elisa Estrada/Real Madrid via Getty Images 3. Patrick Kluivert Mörk í Meistaradeild Evrópu á táningsaldri: Sjö Ferill: Ajax, AC Milan, Barcelona, Newcastle United, Valencia, PSV og Lille Patrikc Kluivert var á sínum tíma einn skæðasti framherji Evrópu. Sigurmark hans í úrslitaleiknum árið 1995 gerði hann að yngsta markaskorara í sögu úrslitaleik Meistaradeildarinnar. Met sem stendur enn þann dag í dag. Alls skoraði hann 29 mörk í Meistaradeildinni á sínum tíma, þar af sjö áður en hann varð tvítugur. Kluivert skaust ungur upp á stjörnuhimininn.Vísir/Squawka 2. Erling Braut Håland Mörk í Meistaradeild Evrópu á táningsaldri: Tíu Ferill: Bryne, Molde, Red Bull Salzburg og Borussia Dortmund Það ótrúlega hér er að Erling Håland er enn táningur. Hann verður ekki tvítugur fyrr en 21. júlí á þessu ári. Ótrúlegur leikmaður sem hefur átt góðu gengi að fagna með Salzburg og Dortmund. Hvort gott gengi hans í Meistaradeildinni haldi áfram eftir að hann nær tvítugsaldri á eftir að koma í ljós en annað kæmi á óvart. 1. Kylian Mbappé Mörk í Meistaradeild Evrópu á táningsaldri: Þrettán Ferill: AS Monaco og Paris Saint-Germain Mbappé hefur gert fátt annað undanfarin misseri en að setja hvert metið á fætur öðru. Hann skoraði sex mörk á sínu fyrsta tímabili í Meistaradeildinni með Monaco þegar liðið komst í undanúrslit vorið 2017. Síðan þá hafa sjö mörk fylgt í kjölfarið og þó Mbappé eigi enn eftir að komast alla leið í úrslitaleik keppninnar þá verður að teljast líklegt að það takist á endanum. Kylian Mbappé was the first player in history to score in each of his first four Champions League knockout games.Record breaker. pic.twitter.com/nVJT8E1xoX— Squawka Football (@Squawka) August 10, 2017 Fótbolti Meistaradeild Evrópu Tengdar fréttir Segir virði Mbappé falla um 160 milljónir evra Ýmsir velta nú fyrir sér hverjar fjárhagslegar afleiðingar kórónuveirufaraldursins verði fyrir fótboltaheiminn. Franskur stjórnmálamaður segir ljóst að stjörnur á borð við Kylian Mbappé muni hríðfalla í verði. 19. apríl 2020 10:00 Mest lesið KSÍ sektar Árbæ um 250 þúsund krónur Íslenski boltinn Šeško nú helsta skotmark Rauðu djöflanna Enski boltinn Kærastinn eltir Sveindísi Jane til Norður-Ameríku Fótbolti Semple til Grindavíkur Körfubolti ÍR aftur á toppinn Íslenski boltinn Íslendingalið Brann úr leik líkt og Guðmundur sem lagði þó upp Fótbolti „Gaman þrátt fyrir skrýtnar kringumstæður“ Fótbolti „Í raun eina færið sem þeir skapa sér“ Fótbolti Sú markahæsta sett í bann því liðsfélagarnir neita að æfa með henni Handbolti Uppgjörið: Breiðablik - Lech Poznan 0-1 | Tilþrifalítið á Kópavogsvelli Fótbolti Fleiri fréttir KSÍ sektar Árbæ um 250 þúsund krónur Šeško nú helsta skotmark Rauðu djöflanna Kærastinn eltir Sveindísi Jane til Norður-Ameríku ÍR aftur á toppinn „Gaman þrátt fyrir skrýtnar kringumstæður“ „Í raun eina færið sem þeir skapa sér“ Íslendingalið Brann úr leik líkt og Guðmundur sem lagði þó upp Andri Fannar til Tyrklands Hin efnilega Rebekka Sif til Nordsjælland frá Gróttu Uppgjörið: Breiðablik - Lech Poznan 0-1 | Tilþrifalítið á Kópavogsvelli Sunna Rún til liðs við Íslandsmeistarana Þrettán íslenskir dómarar að dæma í Evrópu í vikunni Félix sá fjórði dýrasti samanlagt Halldór óttast ekki að fá annan skell Wirtz með fyrsta markið sitt fyrir Liverpool Dregið í riðla á HM í Las Vegas Gott að koma til Íslands en skrýtið að mæta Blikunum UEFA tapaði milljörðum króna á Evrópumóti kvenna Vefsíða Arsenal hrundi í miðju Gyokeres æði Bayern staðfestir kaupin á Diaz: „Lucho ist hier“ Flóðbylgjuviðvörunin hefur ekki áhrif á leik Liverpool Hvernig hefur Liverpool efni á Alexander Isak? Með á fótboltaspjöldum þrátt fyrir ákæru vegna nauðgunar Uppbótartíminn: Hvernig lið er Stjarnan? „Ætlum að fara þarna og sækja þennan bikar“ Njarðvík á toppinn Trafford segist hundrað sinnum betri í dag Uppgjörið: Valur - FH 2-3 | Hafnfirðingar í úrslit í fyrsta sinn Þjálfarinn Wiegman stal senunni í fagnaðarlátum enska liðsins Katla mögulega á leið til Ítalíu Sjá meira
Á listanum yfir markahæstu táninga Meistaradeildar Evrópu, í núverandi mynd, er hvorki að finna Lionel Messi né Cristiano Ronaldo. Leikmennirnir sem gætu fetað í fótspor þeirra er hins vegar að finna á listanum. „Ef þú ert nógu góður þá ertu nógu gamall,“ sagði Sir Matt Busby, þjálfari Manchester United um miðja síðustu öld, á sínum tíma. Þau ummæli eiga enn vel við. Vefsíðan Squawka ávað að taka saman markahæstu táninga Meistaradeildar Evrópu, eða frá því að keppnin tók á sig núverandi mynd árið 1992. Alls eru sjö manns á listanum og mögulega koma eitt eða tvö nöfn á óvart. 7. Bojan Krkić Mörk í Meistaradeild Evrópu á táningsaldri: Fimm Ferill: Barcelona, Roma, AC Milan, Ajax, Stoke City, Mainz 05, Alaveg og Montreal Impact. Spánverjinn Bojan Krkić var með efnilegri leikmönnum Barcelona á sínum tíma. Á endanum gekk það ekki upp og hann fór á lán til AC Milan og Ajax áður en enska félagið Stoke City, þá í ensku úrvalsdeildinni, keypti kauða. Hinn 29 ára gamli Bojan, sem hefur skorað í fimm stærstu deildum Evrópu (England, Ítalía, Spánn, Holland og Þýskaland), skoraði á sínum tíma fimm mörk í Meistaradeildinni en það verður að teljast ólíklegt að hann leiki í henni aftur. Bojan fagnar með Andrés Iniesta á tíma sínum hjá Barcelona. Vísir/Squawka 6. Yakubu Aiyegbeni Mörk í Meistaradeild Evrópu á táningsaldri: Fimm Ferill: Julius Berger, Gil Vicente, Maccabi Haifa, Hapoel Kfar Saba, Portsmouth, Middlesbrough, Everton, Leicester City, Blackburn Rovers, Guangzhou R&F, Al-Rayyan, Reading, Kayserispor og Coventry City Yakubu eins og hann er oftast kallaður lék í alls sjö löndum áður en hann lagði skóna á hilluna. Flestir unnendur ensku úrvalsdeildarinnar ættu að þekkja Yakubu sem gerði garðinn frægan með Everton á sínum tíma. „Feed the Yak“ eða einfaldlega „Fóðrið Yak“ ómaði reglulega á Goodison Park, heimavelli Everton, forðum daga. Yakubu lék aðeins eina leiktíð í Meistaradeild Evrópu. Tímabilið 2002 til 2003 lék hann fimm leiki með ísraelska liðinu Maccabi Haifa og skoraði fimm mörk. Þar á meðal gegn Manchester United. Ungur Yakubu í baráttunni gegn Rio Ferdinand.Vísir/Squawka 5. Raúl Mörk í Meistaradeild Evrópu á táningsaldri: Sex Ferill: Real Madrid, Schalke 04, Al Sadd og New York Cosmos Raúl þarf varla að kynna enda alger goðsögn hjá Real Madrid. Ef ekki væri fyrir ómennska markaskorun Cristiano Ronaldo fyrir Madrídar-liðið þá væri Raúl enn eflaust markahæsti leikmaður í sögu félagsins. Vann hann Meistaradeildina alls þrisvar sinnum ásamt því að skora 71 mark í keppninni. Aðeins tveir leikmenn hafa skorað fleiri mörk en Raúl í Meistaradeild Evrópu. Þið megið giska hvaða tveir. 4. Karim Benzema Mörk í Meistaradeild Evrópu á táningsaldri: Sex Ferill: Lyon og Real Madrid Franski framherjinn Karim Benzema var sannkallað undrabarn á sínum tíma og er mögulega með vanmetnari knattspyrnumönnum síðari ára. Hann skoraði sex af 64 mörkum sínum í Meistaradeildinni áður en hann varð tvítugur. Benzema hefur lyft Meistaradeildarbikarnum alls fjórum sinnum með Real Madrid og hver veit nema hann bæti við titli, og mörkum, áður en hann leggur skóna á hilluna. Hann verður 33 ára gamall í desember á þessu ári. Raúl og Karim Benzema í baráttunni gegn Carlos Puyol, leikmanni Barcelona, á sínum tíma.Elisa Estrada/Real Madrid via Getty Images 3. Patrick Kluivert Mörk í Meistaradeild Evrópu á táningsaldri: Sjö Ferill: Ajax, AC Milan, Barcelona, Newcastle United, Valencia, PSV og Lille Patrikc Kluivert var á sínum tíma einn skæðasti framherji Evrópu. Sigurmark hans í úrslitaleiknum árið 1995 gerði hann að yngsta markaskorara í sögu úrslitaleik Meistaradeildarinnar. Met sem stendur enn þann dag í dag. Alls skoraði hann 29 mörk í Meistaradeildinni á sínum tíma, þar af sjö áður en hann varð tvítugur. Kluivert skaust ungur upp á stjörnuhimininn.Vísir/Squawka 2. Erling Braut Håland Mörk í Meistaradeild Evrópu á táningsaldri: Tíu Ferill: Bryne, Molde, Red Bull Salzburg og Borussia Dortmund Það ótrúlega hér er að Erling Håland er enn táningur. Hann verður ekki tvítugur fyrr en 21. júlí á þessu ári. Ótrúlegur leikmaður sem hefur átt góðu gengi að fagna með Salzburg og Dortmund. Hvort gott gengi hans í Meistaradeildinni haldi áfram eftir að hann nær tvítugsaldri á eftir að koma í ljós en annað kæmi á óvart. 1. Kylian Mbappé Mörk í Meistaradeild Evrópu á táningsaldri: Þrettán Ferill: AS Monaco og Paris Saint-Germain Mbappé hefur gert fátt annað undanfarin misseri en að setja hvert metið á fætur öðru. Hann skoraði sex mörk á sínu fyrsta tímabili í Meistaradeildinni með Monaco þegar liðið komst í undanúrslit vorið 2017. Síðan þá hafa sjö mörk fylgt í kjölfarið og þó Mbappé eigi enn eftir að komast alla leið í úrslitaleik keppninnar þá verður að teljast líklegt að það takist á endanum. Kylian Mbappé was the first player in history to score in each of his first four Champions League knockout games.Record breaker. pic.twitter.com/nVJT8E1xoX— Squawka Football (@Squawka) August 10, 2017
Fótbolti Meistaradeild Evrópu Tengdar fréttir Segir virði Mbappé falla um 160 milljónir evra Ýmsir velta nú fyrir sér hverjar fjárhagslegar afleiðingar kórónuveirufaraldursins verði fyrir fótboltaheiminn. Franskur stjórnmálamaður segir ljóst að stjörnur á borð við Kylian Mbappé muni hríðfalla í verði. 19. apríl 2020 10:00 Mest lesið KSÍ sektar Árbæ um 250 þúsund krónur Íslenski boltinn Šeško nú helsta skotmark Rauðu djöflanna Enski boltinn Kærastinn eltir Sveindísi Jane til Norður-Ameríku Fótbolti Semple til Grindavíkur Körfubolti ÍR aftur á toppinn Íslenski boltinn Íslendingalið Brann úr leik líkt og Guðmundur sem lagði þó upp Fótbolti „Gaman þrátt fyrir skrýtnar kringumstæður“ Fótbolti „Í raun eina færið sem þeir skapa sér“ Fótbolti Sú markahæsta sett í bann því liðsfélagarnir neita að æfa með henni Handbolti Uppgjörið: Breiðablik - Lech Poznan 0-1 | Tilþrifalítið á Kópavogsvelli Fótbolti Fleiri fréttir KSÍ sektar Árbæ um 250 þúsund krónur Šeško nú helsta skotmark Rauðu djöflanna Kærastinn eltir Sveindísi Jane til Norður-Ameríku ÍR aftur á toppinn „Gaman þrátt fyrir skrýtnar kringumstæður“ „Í raun eina færið sem þeir skapa sér“ Íslendingalið Brann úr leik líkt og Guðmundur sem lagði þó upp Andri Fannar til Tyrklands Hin efnilega Rebekka Sif til Nordsjælland frá Gróttu Uppgjörið: Breiðablik - Lech Poznan 0-1 | Tilþrifalítið á Kópavogsvelli Sunna Rún til liðs við Íslandsmeistarana Þrettán íslenskir dómarar að dæma í Evrópu í vikunni Félix sá fjórði dýrasti samanlagt Halldór óttast ekki að fá annan skell Wirtz með fyrsta markið sitt fyrir Liverpool Dregið í riðla á HM í Las Vegas Gott að koma til Íslands en skrýtið að mæta Blikunum UEFA tapaði milljörðum króna á Evrópumóti kvenna Vefsíða Arsenal hrundi í miðju Gyokeres æði Bayern staðfestir kaupin á Diaz: „Lucho ist hier“ Flóðbylgjuviðvörunin hefur ekki áhrif á leik Liverpool Hvernig hefur Liverpool efni á Alexander Isak? Með á fótboltaspjöldum þrátt fyrir ákæru vegna nauðgunar Uppbótartíminn: Hvernig lið er Stjarnan? „Ætlum að fara þarna og sækja þennan bikar“ Njarðvík á toppinn Trafford segist hundrað sinnum betri í dag Uppgjörið: Valur - FH 2-3 | Hafnfirðingar í úrslit í fyrsta sinn Þjálfarinn Wiegman stal senunni í fagnaðarlátum enska liðsins Katla mögulega á leið til Ítalíu Sjá meira
Segir virði Mbappé falla um 160 milljónir evra Ýmsir velta nú fyrir sér hverjar fjárhagslegar afleiðingar kórónuveirufaraldursins verði fyrir fótboltaheiminn. Franskur stjórnmálamaður segir ljóst að stjörnur á borð við Kylian Mbappé muni hríðfalla í verði. 19. apríl 2020 10:00