Hlustaðu á fyrsta lag Jónsa í áratug

Tónlistarmaðurinn Jónsi, forsprakki hljómsveitarinnar Sigur Rósar, gefur í dag út fyrsta lag sitt undir eigin nafni í áratug.

Nýja lag Jónsa heitir Exhale en upptöku stjórnaði Jónsi sjálfur ásamt A.G. Cook, manninum á bak við bresku furðuplötuútgáfuna PC Music. Hann gefur getið sér gott orð undanfarið fyrir að framleiða tónlist fyrir Charli XCX, Tommy Cash og fleiri.

Samhliða laginu frumsýnir Jónsi tónlistarmyndband í leikstjórn Jónsa sjálfs og Giovanni Ribisi.  Hlusta má á lagið Exhale hér, þar sem finna má tengla á lagið inni á helstu streymisveitum. Hér að neðan má svo horfa á myndbandið við lagið.

Síðasta sólóplata Jónsa, Go, kom út árið 2010 og því er um áratugur liðinn síðan hann sendi frá sér frumsamið efni. Árið 2018 kom þó út safn eldra efnis Jónsa undir nafninu Frakkur.