Mosfellingurinn hefur leikið með Stuttgart undanfarið eitt og hálft tímabil. Hann hefur ekki fengið mikið að spreyta sig í sókn Stuttgart í þýsku úrvalsdeildinni í vetur og aðeins skorað þrjú mörk.
Elvar er nú á förum til Nancy sem er í 3. sæti frönsku B-deildarinnar með sextán stig eftir ellefu umferðir.
Næsti leikur Nancy er gegn Cherbourg á heimavelli á sunnudaginn. Nancy tapaði fyrir Sarrebourg í gær, 26-25.
Stuttgart er í 10. sæti þýsku úrvalsdeildarinnar með fimmtán stig. Viggó Kristjánsson leikur með Stuttgart og er næstmarkahæstur í þýsku deildinni með 105 mörk.
