Einar Geir Jónsson tekur við sprotafyrirtækinu Unimaze

Fyrirtækið hefur frá árinu 2006 byggt upp lausnir til að aðstoða bókhaldskerfi og notendur þeirra við að senda og móttaka stöðluð viðskiptaskjöl, á borð við rafræna reikninga og pantanir á milli kerfa, af því er fram kemur í tilkynningu. Þar segir að viðskiptavinir komi víðs vegar frá í heiminum og að lausnir Unimaze aðstoði daglega yfir 3.500 fyrirtæki við að senda og móttaka skjöl.

„Unimaze hefur vaxið það hratt á stuttum tíma að erfitt er orðið að sinna bæði daglegum rekstri og tæknilegri innleiðingu á sama tíma. Metnaður minn hefur ávallt legið í að skapa nýjar vörur og þróa verðmæti fyrir viðskiptavini Unimaze og nú mun ég geta enn betur einbeitt mér að því,“ segir Markús, fráfarandi framkvæmdastjóri í tilkynningu.

Mikilvægt að undirbúa fyrirtækið undir frekari vöxt

Einar hefur fylgt Unimaze í um áratug, sat um tíma í stjórn félagsins og hefur starfað hjá fyrirtækinu síðasta árið.

„Ég sé gríðarleg tækifæri framundan með þær lausnir sem við erum með á markaðnum í dag og ekki síst þær lausnir sem eru nú í farvatninu, framtíðin er björt hjá Unimaze og það verður svo sannarlega gaman að taka þátt vegferð félagsins áfram,“ segir Einar.

Ingimar Bjarnason, stjórnarformaður Unimaze, segir að mikilvægt sé að undirbúa fyrirtækið fyrir áframhaldandi vöxt „með öflugri markaðssetningu, en ekki síður með því að skapa nýjungar sem skila viðskiptavinum ávinningi. Ég er afar ánægður með að Einar og Markús séu að leiðtogarnir í þessari vegferð,” segir hann í tilkynningu.