Þriggja ára dómur fyrir nauðgun á kvennasalerni í Reykjavík Kolbeinn Tumi Daðason skrifar 25. febrúar 2021 10:46 Brotið átti sér stað í Reykjavík í febrúar 2019. Vísir/Vilhelm Reebar Abdi Mohammed, 34 ára karlmaður frá Kúrdistan sem látið hefur að sér kveða í starfi Pírata, hefur verið dæmdur í þriggja ára fangelsi í Héraðsdómi Reykjavíkur fyrir nauðgun á kvennasalernisbás skemmtistaðar í Reykjavík í febrúar 2019. Reebar var gefið að sök að hafa haft samræði og önnur kynferðismök við konuna án hennar samþykkis með því að beita hana ofbeldi og ólögmætri nauðung og nýta sér yfirburði sína vegna aðstöðu- og aflsmunar og þess að hún gat ekki spornað við verknaðinum sökum áhrifa áfengis. Lýsti hún því að Reebar hefði komið að henni þar sem hún stóð fyrir framan kvennasalerni skemmtistaðarins, kysst hana og leitt inn á salerni og þar inn á salernisbás. Þar hefði hann lagt hönd sína á ber kynfæri hennar, dregið niður um hana buxurnar, stungið fingrum í leggöng og síðan þvingað eða reynt að þvinga lim sínum í leggöng hennar. Í framhaldinu hafi hann reynt að láta hana hafa við sig munnmök en þá hafi hún komist undan honum. Á meðan á öllu stóð greip hann um hár hennar en hún reyndi ítrekað með orðum og athöfnum að fá Reebar til að láta af háttsemi sinna. Hlaut hún sprungu ofan sníps, roða, sár og mar á hymen og sprungu á spöng. Reebar neitaði sök en viðurkenndi hjá lögreglu og fyrir dómi að hafa hitt konuna á skemmtistaðnum. Hans frásögn var á þá leið að hún hefði beðið hann um að hafa við sig samræði á salerninu. Hann hefði ekki verið með smokk og því ekki viljað það. Hann hefði veitt henni munnmök auk þess að koma við brjóst hennar og stinga fingri í leggöng. Hún hefði sjálf afklæðst inni á salerninu. Reebar sagði endurtekið hjá lögreglu að hann hefði fyrst hitt konuna á dansgólfinu og konan hefði leitað til hans. Myndskeið úr eftirlitsmyndakerfi staðarins staðfestu ekki þessa frásögn. Fyrir dómi var framburður hans öðruvísi og sagðist hafa hitt konuna við salernin. Framburður hans um að hafa aðeins stungið fingrum inn í leggöng konunnar samræmdust illa þeim áverkum sem fundust á henni. Konan var trúverðug í framburði sínum og innbyrðis samræmi var í frásögn hennar að sögn héraðsdóms. Hún lýsti því hvernig hún hefði reynt að klemma saman læri sín til að varna því að henni yrði nauðgað. Læknisvottorð og skoðun læknis á Neyðarmóttöku studdu frásögn hennar. Áverka sem þar var að finna kæmu ekki fram við venjulegar samfarir. Þá var túrtappi í leggöngum konunnar en konan lýsti því að hún hefði verið á blæðingum. Þá studdu frásagnir vinar konunnar, öryggisvarðar á skemmtistaðnum, lögreglumanna, læknis og hjúkrunarfræðings á Neyðarmóttöku frásögn konunnar. Þau báru öll um mikið uppnám konunnar umrædda nótt þar sem hún hefði grátið mikið. Dómurinn taldi sannað að Reebar hefði brotið á konunni og dæmdi hann til þriggja ára fangelsisvistar. Fram kemur í niðurstöðu dómsins að hann eigi sér engar málsbætur. Hann hafi rekist með freklegum hætti gegn kynfrelsi. Farið var fram á fimm milljónir króna í miskabætur til konunnar en henni voru dæmdar þrjár milljónir króna í bætur. Reebar var haustið 2018 kjörinn áheyrnarfulltrúi framkvæmdaráðs Pírata á aðalfundi flokksins á Selfossi. Í frétt Eyjunnar, þar sem vísað var í tilkynningu frá Pírötum, kom fram að Reebar væri hælisleitandi frá Kúrdistan sem hefði verið virkur í starfi Pírata. Lögum samkvæmt gæti hann ekki tekið stöðu í framkvæmdaráði flokksins. Lögð var fram tillaga um að gera hann að áheyrnarfulltrúa og var tillagan samþykkt með rífandi lófataki. Uppfært klukkan 13:11 Píratar vilja koma því á framfæri að þeir hafi fyrst heyrt af þessu máli í fjölmiðlum í dag. Hinn sakfelldi hafi ekki haft neina aðkomu að starfi Pírata í u.þ.b. tvö ár. Kynferðisofbeldi Dómsmál Reykjavík Mest lesið Þrjátíu þúsund fengu hærri lífeyri í dag en síðustu mánaðamót Innlent Nágranni hafði betur og verkstæðið verður ekki endurbyggt Innlent Lögregla kölluð til vegna slagsmála og hnífaburðar Innlent Vill skipta út borgarstjórnarflokknum en halda Hildi inni Innlent Sólveig Anna sé sjálf sek um dyggðaskreytingar Innlent „Kynlífsdúkka“ af ungu barni meðal gagna máls gegn fyrrverandi ráðherra Erlent Tilkynnt um hljóð úr neyðarsendi á flugi yfir Akranes Innlent Biðjast ekki afsökunar Innlent Vara við því að Kennedy ógni heilsu landsmanna Erlent Hútar réðust inn til Sameinuðu þjóðanna og tóku ellefu starfsmenn í hald Innlent Fleiri fréttir Mikil ánægja hjá ferðamönnum með alla aðstöðu í Skaftafell Mótmælti nýja kerfinu í fyrra en fagnaði því í dag Stórbætt afkoma öryrkja og „niðurlægjandi“ ástand Mjóddarinnar Lögregla kölluð til vegna slagsmála og hnífaburðar Leit vegna neyðarsendis frestað Falla frá hluta ákæru vegna tunnumótmælanna Nágranni hafði betur og verkstæðið verður ekki endurbyggt Innkalla ferskan kjúkling frá Matfugli vegna gruns um salmonellu Tilkynnt um hljóð úr neyðarsendi á flugi yfir Akranes Einfaldasta lausnin að bæta kjör geislafræðinga Veitur vara við svikaskilaboðum Áhersla lögð á andlega líðan eldra fólks sem sé lítið rædd Þrjátíu þúsund fengu hærri lífeyri í dag en síðustu mánaðamót Ákærður fyrir að bera sig ítrekað Segir nýtt kerfi stórbæta kjör lífeyrisþega Með á þriðja þúsund pilla í nammipokum Bein útsending: Nýtt örorku- og endurhæfingarkerfi tekur gildi Það sé skammtímalausn að lengja opnunartíma og senda fólk erlendis í geislameðferð Snærós ráðin framkvæmdastjóri Evrópuhreyfingarinnar Sólveig Anna sé sjálf sek um dyggðaskreytingar Með óspektir og réðst á lögreglumann Vill skipta út borgarstjórnarflokknum en halda Hildi inni Hútar réðust inn til Sameinuðu þjóðanna og tóku ellefu starfsmenn í hald Biðjast ekki afsökunar Ferðamaður tekinn á tvö hundruð kílómetra hraða Mótorhjólakappi fluttur á sjúkrahús eftir árekstur við framúrakstur Friðarsúlan „gagnslaus“ og megi alveg eins heita „woke-súlan“ Netþrjótar hirða meira en hálfan milljarð og verktaki bendir á borgina Gamall Volvo stóð í ljósum logum í Breiðholti Varðturnarnir á bak og burt Sjá meira
Reebar var gefið að sök að hafa haft samræði og önnur kynferðismök við konuna án hennar samþykkis með því að beita hana ofbeldi og ólögmætri nauðung og nýta sér yfirburði sína vegna aðstöðu- og aflsmunar og þess að hún gat ekki spornað við verknaðinum sökum áhrifa áfengis. Lýsti hún því að Reebar hefði komið að henni þar sem hún stóð fyrir framan kvennasalerni skemmtistaðarins, kysst hana og leitt inn á salerni og þar inn á salernisbás. Þar hefði hann lagt hönd sína á ber kynfæri hennar, dregið niður um hana buxurnar, stungið fingrum í leggöng og síðan þvingað eða reynt að þvinga lim sínum í leggöng hennar. Í framhaldinu hafi hann reynt að láta hana hafa við sig munnmök en þá hafi hún komist undan honum. Á meðan á öllu stóð greip hann um hár hennar en hún reyndi ítrekað með orðum og athöfnum að fá Reebar til að láta af háttsemi sinna. Hlaut hún sprungu ofan sníps, roða, sár og mar á hymen og sprungu á spöng. Reebar neitaði sök en viðurkenndi hjá lögreglu og fyrir dómi að hafa hitt konuna á skemmtistaðnum. Hans frásögn var á þá leið að hún hefði beðið hann um að hafa við sig samræði á salerninu. Hann hefði ekki verið með smokk og því ekki viljað það. Hann hefði veitt henni munnmök auk þess að koma við brjóst hennar og stinga fingri í leggöng. Hún hefði sjálf afklæðst inni á salerninu. Reebar sagði endurtekið hjá lögreglu að hann hefði fyrst hitt konuna á dansgólfinu og konan hefði leitað til hans. Myndskeið úr eftirlitsmyndakerfi staðarins staðfestu ekki þessa frásögn. Fyrir dómi var framburður hans öðruvísi og sagðist hafa hitt konuna við salernin. Framburður hans um að hafa aðeins stungið fingrum inn í leggöng konunnar samræmdust illa þeim áverkum sem fundust á henni. Konan var trúverðug í framburði sínum og innbyrðis samræmi var í frásögn hennar að sögn héraðsdóms. Hún lýsti því hvernig hún hefði reynt að klemma saman læri sín til að varna því að henni yrði nauðgað. Læknisvottorð og skoðun læknis á Neyðarmóttöku studdu frásögn hennar. Áverka sem þar var að finna kæmu ekki fram við venjulegar samfarir. Þá var túrtappi í leggöngum konunnar en konan lýsti því að hún hefði verið á blæðingum. Þá studdu frásagnir vinar konunnar, öryggisvarðar á skemmtistaðnum, lögreglumanna, læknis og hjúkrunarfræðings á Neyðarmóttöku frásögn konunnar. Þau báru öll um mikið uppnám konunnar umrædda nótt þar sem hún hefði grátið mikið. Dómurinn taldi sannað að Reebar hefði brotið á konunni og dæmdi hann til þriggja ára fangelsisvistar. Fram kemur í niðurstöðu dómsins að hann eigi sér engar málsbætur. Hann hafi rekist með freklegum hætti gegn kynfrelsi. Farið var fram á fimm milljónir króna í miskabætur til konunnar en henni voru dæmdar þrjár milljónir króna í bætur. Reebar var haustið 2018 kjörinn áheyrnarfulltrúi framkvæmdaráðs Pírata á aðalfundi flokksins á Selfossi. Í frétt Eyjunnar, þar sem vísað var í tilkynningu frá Pírötum, kom fram að Reebar væri hælisleitandi frá Kúrdistan sem hefði verið virkur í starfi Pírata. Lögum samkvæmt gæti hann ekki tekið stöðu í framkvæmdaráði flokksins. Lögð var fram tillaga um að gera hann að áheyrnarfulltrúa og var tillagan samþykkt með rífandi lófataki. Uppfært klukkan 13:11 Píratar vilja koma því á framfæri að þeir hafi fyrst heyrt af þessu máli í fjölmiðlum í dag. Hinn sakfelldi hafi ekki haft neina aðkomu að starfi Pírata í u.þ.b. tvö ár.
Kynferðisofbeldi Dómsmál Reykjavík Mest lesið Þrjátíu þúsund fengu hærri lífeyri í dag en síðustu mánaðamót Innlent Nágranni hafði betur og verkstæðið verður ekki endurbyggt Innlent Lögregla kölluð til vegna slagsmála og hnífaburðar Innlent Vill skipta út borgarstjórnarflokknum en halda Hildi inni Innlent Sólveig Anna sé sjálf sek um dyggðaskreytingar Innlent „Kynlífsdúkka“ af ungu barni meðal gagna máls gegn fyrrverandi ráðherra Erlent Tilkynnt um hljóð úr neyðarsendi á flugi yfir Akranes Innlent Biðjast ekki afsökunar Innlent Vara við því að Kennedy ógni heilsu landsmanna Erlent Hútar réðust inn til Sameinuðu þjóðanna og tóku ellefu starfsmenn í hald Innlent Fleiri fréttir Mikil ánægja hjá ferðamönnum með alla aðstöðu í Skaftafell Mótmælti nýja kerfinu í fyrra en fagnaði því í dag Stórbætt afkoma öryrkja og „niðurlægjandi“ ástand Mjóddarinnar Lögregla kölluð til vegna slagsmála og hnífaburðar Leit vegna neyðarsendis frestað Falla frá hluta ákæru vegna tunnumótmælanna Nágranni hafði betur og verkstæðið verður ekki endurbyggt Innkalla ferskan kjúkling frá Matfugli vegna gruns um salmonellu Tilkynnt um hljóð úr neyðarsendi á flugi yfir Akranes Einfaldasta lausnin að bæta kjör geislafræðinga Veitur vara við svikaskilaboðum Áhersla lögð á andlega líðan eldra fólks sem sé lítið rædd Þrjátíu þúsund fengu hærri lífeyri í dag en síðustu mánaðamót Ákærður fyrir að bera sig ítrekað Segir nýtt kerfi stórbæta kjör lífeyrisþega Með á þriðja þúsund pilla í nammipokum Bein útsending: Nýtt örorku- og endurhæfingarkerfi tekur gildi Það sé skammtímalausn að lengja opnunartíma og senda fólk erlendis í geislameðferð Snærós ráðin framkvæmdastjóri Evrópuhreyfingarinnar Sólveig Anna sé sjálf sek um dyggðaskreytingar Með óspektir og réðst á lögreglumann Vill skipta út borgarstjórnarflokknum en halda Hildi inni Hútar réðust inn til Sameinuðu þjóðanna og tóku ellefu starfsmenn í hald Biðjast ekki afsökunar Ferðamaður tekinn á tvö hundruð kílómetra hraða Mótorhjólakappi fluttur á sjúkrahús eftir árekstur við framúrakstur Friðarsúlan „gagnslaus“ og megi alveg eins heita „woke-súlan“ Netþrjótar hirða meira en hálfan milljarð og verktaki bendir á borgina Gamall Volvo stóð í ljósum logum í Breiðholti Varðturnarnir á bak og burt Sjá meira