Liðin mættust í mögnuðum leik á St. James’ Park tímabilið 2001/2002. Newcastle var 4-3 yfir undir lok leiksins er Shearer reyndi að tefja. Það fór illa í skaphundinn Keane.
United fékk innkast undir lokin og Keane kastaði boltanum beint í Shearer. Dómaranum var ekki skemmt og hann sendi Keane í sturtu. Pirraður Keane beið eftir Shearer í göngunum.
„Þegar þú ferð frá vellinum á St. James’ eru tröppur upp stiga sem skilja svo búningsklefa heima- og gestaliðsins að,“ sagði Shearer í samtali við The Athletic.
„Þegar lokaflautið gall þá stóð Roy efst í tröppunum og var að bíða eftir mér. Við skiptumst á nokkrum orðum og það voru smá læti.
Það voru of hins vegar of margar þarna til þess að það gæti gerst eitthvað líkamlegt. Svona gerist stundum í fótbolta.“
Keane lagði skóna á hilluna fimm árum síðar eða árið 2006. Shearer hætti sama ár.
Furious Roy Keane 'was standing at the top of the stairs waiting for me' after seeing red in 4-3 defeat to Newcastle, reveals Alan Shearer https://t.co/Yy3x2qaMXu
— MailOnline Sport (@MailSport) February 26, 2021
