Leikmennirnir sem um ræðir eru þær Sveindís Jane Jónsdóttir og Hallbera Guðný Gísladóttir eru báðar að koma til Svíþjóðar úr Pepsi Max deildinni.
Sveindís Jane og Hallbera eru í hópi fjölmargra íslenska knattspyrnukvenna sem hafa farið í víking eftir síðasta sumar. Það er mikið búist við af þeim tveimur í Svíþjóð.
15. Hallbera Gísladóttir AIK
— Damallsvenskan Nyheter (@damallsvfotboll) March 24, 2021
Isländska backstjärnan blir en viktig kugge i AIK, kan möjligtvis ha seriens bästa vänsterfot. Perfekta inlägg vilket blir ett stort vapen när det kommer till fasta situationer. Man vet vad man får med Gísladóttir på vänsterbackspositionen. pic.twitter.com/GW3GFhZp7D
Koma Hallberu til AIK frá Val þykja vera fimmtándu bestu félagsskiptin. „Hún er mögulega með besta vinstri fót deildarinnar. Hún getur spilað mikilvægt hlutverk í föstum leikatriðum. Þú veist hvað þú færð með Hallberu í vinstri bakverði," segir í rökstuðningi Damallsvenskan Nyheter fyrir því að setja Hallberu í fimmtánda sætið.
Sveindís Jane Jónsdóttir, sem varð Íslandsmeistari með Breiðabliki á síðustu leiktíð, er hins vegar mun ofar eða í þriðja sætinu. Sveindís Jane samdi við þýska stórliðið Wolfsburg en Þjóðverjarnir lánuðu hana strax til Kristianstad.
3. Sveindís Jane Jónsdóttir Kristianstad
— Damallsvenskan Nyheter (@damallsvfotboll) March 25, 2021
Supertalangen som redan nu tillhör kategorin en av seriens vassaste spelare ansluter på lån och hon kommer bli livsviktig för fjolårets succélag. Isländskan är snabb, har otäckt långa inkast och är säkerheten själv i avsluten. pic.twitter.com/D3MqVG08QN
„Gríðarlega hæfileikaríkur leikmaður sem er nú kominn í hóp með fljótustu leikmönnum deildarinnar. Hún kemur á láni og verður verður mikilvæg fyrir félagið sem náði frábærum árangri á síðustu leiktíð. Íslendingurinn er fljót, tekur löng innköst og hefur sjálfstraust til að klára færin," segir í rökstuðningi Damallsvenskan Nyheter fyrir vali hennar.
Sveindís Jane var með 14 mörk og 12 stoðsendingar á fyrsta og eina tímabili sínu með Breiðabliki á síðasta ári og fékk í framhaldinu sín fyrstu tækifæri með A-landsliðinu þar sem hún skoraði tvö mörk í fyrsta leik.
Bestu tvö félagsskiptin þykja koma Johanna Rytting Kaneryd til BK Häcken frá Rosengård og númer tvö er koma Olivia Schough til Rosengård frá Djurgården.