Dansandi kát Katrín Tanja aðalstjarnan í hundraðasta þætti Buttery Bros

Hundraðasti þáttur Buttery Bros á Youtube var helgaður æfingabúðum Comptrain en þar eigum við Íslendingar einmitt flottan fulltrúa sem var auðvitað aðalstjarna þáttarins.

Katrín Tanja Davíðsdóttir hefur æft hjá Ben Bergeron í mörg ár en nú eru margar CrossFit stjörnur að æfa með henni þar sem öll eru að undirbúa sig fyrir undanúrslit heimsleikanna í júní.

Í æfingahóp Comptrain eru auk Katrín Tönju þau Chandler Smith, Amanda Barnhart og Samuel Kwant sem eru allt CrossFit fólk í fremstu röð. Samuel Kwant náði í silfur á síðustu heimsleikum alveg eins og Katrín.

Það er gaman hjá þeim eins og kemur vel í ljós í þessari heimsókn til þeirra. Saman keyra þau hvort annað áfram enda öll með keppnishörku og keppnisskap í heimsklassa.

Katrín Tanja leikur á alls oddi í myndbandinu og hikar ekki við að dansa og syngja smá fyrr myndavélina. Það fer ekkert á milli mála að íslenska CrossFit stjarnan nýtur sér vel meðal nýju æfingafélaganna.

Strákarnir þekkja Katrínu Tönju vel enda hafa þeir hitt hana margoft áður þar á meðal á heimsleikunum í fyrra þar sem hún varð í öðru sæti. Þeir eru líka duglegir að leita til hennar enda streymir frá okkar konu jákvæðni og einstök útgeislun.

Katrín Tanja segist vel mjög ánægð með nýju dagskrána þar sem æft er á milli 9 og 11 um morguninn og svo er frí til eitt. Næsta æfing byrjar svo klukkan tvö. Katrín viðurkennir að hún sé ennþá að vinna í því að mæta á réttum tíma eftir hádegið. Síðan taka við fleiri æfingar. Það engu til sparað við undirbúninginn.

Katrín er líka himinlifandi með nýju æfingafélagana sína og það er pottþétt að með alla þessa frábæru íþróttamenn við hlið sér eru gæðin mikil á æfingunum. Katrín er þekkt fyrir að blómstra í keppni en ganga ver þegar hún er ein að gera æfingarnar.

„Ég held að ég eigi eftir að líta til baka á þessi ár og segja að þetta hafi verið bestu árin mín á ferlinum. Þetta hefur líka verið krefjandi fyrir mig. Hingað til hef ég alltaf verið að fylgja minni eigin dagskrá,“ segir Katrín en nú æfir allur hópurinn saman á löngu fyrirfram ákveðnum tímum.

Smjörstrákarnir fylgja hópnum þar sem tekur við hvernig æfingin á fætur annarri og þar er verið að æfa nánast allt milli himins og jarðar enda getur alls konar æfingar birst þegar kemur að keppninni á heimsleikunum.

Það má sjá myndbandið með þessari heimsókn hér fyrir neðan.