Danir voru ekki í pottinum þegar dregið var í riðli í úrslitakeppni EM í Svíþjóð 1992. Danska landsliðið varð að sætta sig við annað sætið í sínum riðli í undankeppninni eftir harða baráttu við Júgóslavíu. Júgóslavía átti því að vera í hópi þeirra átta þjóða sem myndu spila á EM 1992.
Can #Denmark do it again at Euro 2020? #Euro2020 https://t.co/HpT1XqJkcx
— GiveMeSport (@GiveMeSport) June 5, 2021
Júgóslavía missti hins vegar sæti sitt vegna borgarastyrjaldar í landinu þegar FIFA og UEFA gáfu það út 31. maí að þeir mættu ekki taka þátt í EM sem hófst aðeins tíu dögum seinna. Danir voru því óvænt komnir inn á EM og þó þeir væru ekki komnir í sumarfrí þá voru allir leikmenn liðsins á leið í sumarfrí og þurftu því að breyta sumarplönum sínum snögglega.
Það voru reyndar ekki allir Danir til í slíkt. Michael Laudrup, besti leikmaður Dana og nýkrýndur Evrópumeistari meistaraliða með Barcelona, gaf ekki kost á sér og missti um leið af einu mesta ævintýri knattspyrnusögunnar. Bróðir hans Brian Laupdrup steig út úr skugga bróður síns og sló í gegn með félögum sínum.
The story of Denmark winning EURO 1992 is outrageous :
— Optus Sport (@OptusSport) June 5, 2021
They failed to qualify for the tournament.
They arrived with U21 kits.
Everyone expected them to be sent packing immediately.
Somehow, they triumphed : https://t.co/qikYD7eoaB @TSorensen1 #EURO2020 #OptusSport pic.twitter.com/9ZKmIfHoBM
Danir skoruðu reyndar ekki í fyrstu tveimur leikjum sínum í keppninni, gerðu markalaust jafntefli við England í fyrsta leik og töpuðu svo 1-0 á móti gestgjöfum Svía. Ekkert nema sigur dugðu Dönum í lokaleiknum á móti Frökkum.
Danir unnu Frakka 2-1 og komust í undanúrslit á kostnað Frakka og Englendinga. Varamaðurinn Lars Elstrup skoraði sigurmarkið tólf mínútum fyrir leikslok.
Í undanúrslitum unnu Danir svo Hollendinga í vítakeppni eftir 2-2 jafntefli í framlengdum leik. Peter Schmeichel varði víti frá Marco van Basten og dönsku leikmennirnir skoruðu úr öllum fimm spyrnum sínum.
Í úrslitaleiknum vann danska liðið síðan 2-0 sigur á heimsmeisturum Þjóðverjar. Mörkin í úrslitaleiknum komu úr óvæntri átt en þau skoruðu John Jensen og Kim Vilfort.
Iconic
— Optus Sport (@OptusSport) June 6, 2021
Peter Schmeichel was on another level during Denmark's Euro 1992 triumph.
And it paved the way for a whole generation of Danish goalkeepers.
Read about the incredible story of the Scandinavian nation's win at Euro 92 https://t.co/Bf6G4Lwufm#OptusSport #EURO2020 pic.twitter.com/rE8SYHeoX0
Þetta var fyrsta landsliðsmark Jensen í fimm ár og 45 landsleikjum en Vilfort hafði yfirgefið danska hópinn um tíma því sjö dóttir hans var með hvítblæði. Fjölskylda Vilfort sendi hann aftur til móts við danska liðið en Line Vilfort lést skömmu eftir keppnina.
Besti maður Dana á mótinu var þó án ef markvörðurinn Peter Schmeichel sem varði margoft á úrslitastundu í keppninni. Frammistaða hans á mótinu er ein af þeim bestu í sögu keppninnar.

EM 2020 verður sýnt á Stöð 2 Sport EM 2020 sem er hluti af Sportpakkanum, Stóra pakkanum og Risapakkanum. EM 2020 verður einnig hægt að kaupa stakt á kr. 6.990 en fyrir viðskiptavini með aðra áskrift en ofangreindar frá Stöð 2 kostar áskriftin kr. 3.990.