93 sm lax veiddist í Elliðaánum

Í gær veiddist aftur á mót einn af þeim vænstu sem hafa veiðst þar síðustu ár en félagarnir Birkir Már og Sindri Hlíðar voru við veiðar og lönduðu þessu trölli. Fiskurinn tók Frances kón í Stórafossi og lét mikið fyrir sér hafa, þeir eltu hann 250m niður ánna í gegnum vægast sagt erfitt umhverfi. Áin er stórgrýtt þarna og fellur hratt! Þið getið séð meira af veiðinni þeirra í morgun á Instagram reikningum þeirra sem eru @birkirhardarsson og @sindrihlidar. 

Það virðist töluverð aukning vera á göngum í ánna þessa dagana en kannski ekkert skrítið þar sem aðalgöngutíminn er að hefjast og vonandi verða þessar göngur góðar. Það eru ennþá til laus veiðileyfi í Elliðaárnar í sumar en þau má finna á vef Stangaveiðifélags Reykjavíkur eða á www.svfr.is