Tottenham loksins búið að ráða stjóra

Tottenham hefur leitað vel og lengi eftir arftaka Jose Mourinho sem var rekinn á vormánuðunum en nú er loks kominn stjóri í brúnna.

Nuno kemur til félagsins frá Wolves þar sem hann hafði verið við stjórnvölinn frá árinu 2018. Hann endaði tvisvar í sjöunda sæti og einu sinni í þrettánda sætinu.

Tottenham hefur reynt og reynt að næla sér í stjóra en Antonio Conte, Mauricio Pochettino, Paulo Fonseca, Gennaro Gattuso og Julen Lopetegui eru allir sagðir hafa sagt nei.

Santo var ekki á óskalista Tottenham, eftir að hann hætti með Wolves í vor, en nú stendur hann uppi með starfið eftir að hafa fundað með félaginu í síðustu viku.