Mark­vörður Lett­lands látinn að­eins 24 ára að aldri

Frá andláti hans var greint á vef íshokkí sambands Lettlands.

„Við sendum samúðarkveðjur til fjölskyldu, vina og liðsfélaga Kivlenieks. Hann var fyrirmynd fyrir alla unga iðkendur íþróttarinnar og frábær liðsfélagi,“ segir í yfirlýsingu sambandsins.

Markvörðurinn gekk í raðir Columbus Blue Jackets á síðustu leiktíð eftir að hafa leikið í heimalandinu allan sinn feril. Lék hann alls átta leiki fyrir félagið.

„Það er með sorg í hjarta sem við tilkynnum að markvörðurinn Matiss Kivlenieks lést í nótt aðeins 24 ára að aldri eftir skelfilegt slys,“ segir í tilkynningu félagsins. 

Aðeins mánuður er síðan Kivlenieks átti stórleik í óvæntum 2-0 sigri gegn Kanada er liðin mættust í fyrstu umferð B-riðils á HM í íshokkí sem fram fór í Lettlandi.