Dario Saric, framherji Phoenix Suns, sleit krossband í hægra hné í leik eitt, og félagið staðfesti meiðslin í gær.
#NBA @Suns player #DarioSaric will miss the rest of the series against the @Bucks with a torn ACL pic.twitter.com/qJ1vvqaVtt
— AS English (@English_AS) July 8, 2021
Saric meiddist í fyrsta leikhlutanum þegar hann keyrði á körfuna og á Brook Lopez en hnéð gaf sig þegar hann steig í fótinn inn í teig.
Saric er á sínu fimmta tímabili í NBA deildinni en hann var með 4,8 stig og 2,6 fráköst að meðaltali á 11,1 mínútu í úrslitakeppninni.
When you re celebrating a Game 1 victory today but then you hear the Dario Saric news pic.twitter.com/PKXKzVEpvK
— Valley of the Suns (@ValleyoftheSuns) July 7, 2021
Þetta eru ekki góðar fréttir fyrir Suns liðið sem er ekki með alltof mikla breidd í hans stöðu en þeir Torrey Craig og Frank Kaminsky fengu fleiri mínútur eftir að Saric datt út. Kaminsky hefur ekki spilað mikið í úrslitakeppninni en mun nú fá eitthvað hlutverk.
Leikur tvö er á heimavelli Phoenix Suns í kvöld og verður hann sýndur beint á Stöð 2 Sport 2. Útsending hefst klukkan eitt eftir miðnætti.
NBA er á Stöð 2 Sport en upplýsingar um útsendingar má finna hér. NBA körfuboltinn er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.
