Fótbolti

Arnór lánaður til Íslendingaliðsins í Feneyjum

Ingvi Þór Sæmundsson skrifar
Arnór Sigurðsson leikur á Ítalíu í vetur.
Arnór Sigurðsson leikur á Ítalíu í vetur. vísir/vilhelm

CSKA Moskva hefur lánað íslenska landsliðsmanninn Arnór Sigurðsson til ítalska úrvalsdeildarliðsins Venezia.

Um leið og gengið frá láninu framlengdi Arnór samning sinn við CSKA Moskvu um eitt ár.

Arnór kom til CSKA Moskvu frá Norrköping 2018. Hann hefur leikið 68 leiki fyrir félagið og skorað þrettán mörk.

Hjá Venezia hittir Arnór fyrir landa sína, Bjarka Stein Bjarkason og Óttar Magnús Karlsson. Þá eru nokkrir ungir Íslendingar á mála hjá félaginu. Venezia keppir í vetur í ítölsku úrvalsdeildinni í fyrsta sinn í nítján ár.

Arnór, sem er 22 ára, hefur leikið fjórtán A-landsleiki og skorað eitt mark.

Ítalski boltinn Rússneski boltinn

Mest lesið


Fleiri fréttir

Sjá meira


×

Mest lesið