Magnað myndband af kraumandi kviku og stríðum hraunelg náðist þegar flogið var yfir eldgosið í Fagradalsfjalli í gær. „Gígurinn er barmafullur af kviku og byrjað að flæða yfir barmana,“ segir á Facebook-síðu Eldfjallafræði og náttúruvárhóp Háskóla Íslands.
Samkvæmt færslunni rennur hraun nú í átt að Geldingadölum og Syðri-Meradal, sem áður var þekktur sem Nafnalausi-Dalur. „Aðal rásin liggur hins vegar enn niður í Meradali Nyrðri,“ segir í færslunni.
Meðfylgjandi myndband tók Jóna Sigurlína Pálmadóttir.
Svo virtist sem nýtt gosop hefði verið að taka á sig mynd í eldgosinu í Fagradalsfalli í dag, en svo var ekki.
Svo virðist sem nýtt gosop sé að taka á sig mynd í eldgosinu í Fagradalsfjalli en það sést vel á vefmyndavélum. Of snemmt er að segja til um hvort um er að ræða nýjan gíg.
