John Stones framlengir við Englandsmeistarana

Stones kom til City frá Everton árið 2016 og hefur á sínum fimm árum hjá félaginu unnið ensku úrvalsdeildina þrisvar, enska deildarbikarinn tvisvar og enska bikarinn einu sinni.

Hann hefur leikið 168 leiki fyrir félagið, en á tíma leit út fyrir að hann væri á förum frá blá liðinu í Manchester eftir að hafa lent fyrir aftan Ruben Dias og Aymeric Laporte í goggunarröðinni.

Stones hefur þó blásið á þær sögusagnir með því að skrifa undir nýjan samning, en hann segir að hann gæti ekki verið ánægðari og það sé draumi líkast að vinna með þjálfara liðsins, Pep Guardiola.

„Ég elska að vera hluti af þessu liði,“ sagði Stones. „Það er svo mikið af góðum leikmönnum hérna og ég veit að við getum haldið áfram að vinna titla.“