Fótbolti

Ísak Bergmann á skotskónum í sigri

Arnar Geir Halldórsson skrifar
Ísak Bergmann

Ungstirnið Ísak Bergmann Jóhannesson kom Norrköping á bragðið þegar liðið lagði Östersund að velli í sænsku úrvalsdeildinni í fótbolta í dag.

Ísak hóf leik á miðju Norrköping og eftir tæplega hálftíma leik skoraði hann fyrsta mark leiksins sem sjá má hér neðar í fréttinni.

Östersund tókst að jafna metin í síðari hálfleik en Norrköping náði forystunni aftur áður en yfir lauk og lokatölur 1-2 fyrir Norrköping.

Ísak Bergmann lék allan leikinn fyrir Norrköping en Ari Freyr Skúlason var ekki í leikmannahópnum í dag.

Á sama tíma lék Jón Guðni Fjóluson allan leikinn í vörn Hammarby sem beið lægri hlut fyrir Elfsborg, 0-2.

Sænski boltinn

Mest lesið


Fleiri fréttir

Sjá meira


×

Mest lesið