Hin tvítuga Yingsha vann bæði gull og silfur í borðtennis á leikunum. Hún tók silfur í einliðaleik og fékk síðan gullið í liðakeppninni.
Sun Yingsha missti ömmu sína en þó ekki meðan á leikunum stóð. Fjölskylda Sun Yingsha vildi alls ekki trufla hana í aðdraganda Ólympíuleikanna. Þau héldu því leyndu að amma hennar hefði látist í apríl.
Yingsha hóf æfingar með kínverska borðtennislandsliðinu fyrir þremur mánuðum og kom ekki aftur heim til sín fyrr en eftir leikana. Þetta voru lokaðar æfingarbúðir þar sem keppendur máttu ekki láta neitt trufla sig.
Fjölskylda hennar vildi ekki búa til vandamál fyrir hana eða kínverska landsliðið. Ef Yingsha hefði fengið fréttirnar hefði hún örugglega viljað koma heim og um leið misst af mörgum æfingum ekki síst vegna þess að hún hefði þurft að eyða tíma í sóttkví.
Yingsha var spennt fyrir því að koma heim og sýna ömmu sína gullverðlaunin og silfurverðlaunin sín en ekkert gat orðið að því.
Faðir hennar sagði kínverskum fjölmiðlum frá því að þau hafi ákveðið að segja henni ekki frá láti ömmunnar. Þau sögðu við hana að amma hennar væru örugglega mjög stolt af henni í himnaríki.
