Sport

Arna Sig­ríður lauk keppni í ellefta sæti

Runólfur Trausti Þórhallsson skrifar
Arna Sigríður við keppni í nótt.
Arna Sigríður við keppni í nótt. ÍF

Arna Sigríður Albertsdóttir, handhjólreiðakona, keppti í tímatöku í flokki H 1-3 í nótt á Ólympíumóti fatlaðra sem fram fer í Japan. Arna Sigríður lauk keppni í 11. sæti.

Keppt er í handhjólreiðum á kappakstursbraut í Fuji sem hefur verið notuð fyrir Formúlu 1, 2 og 3. Brautin er með bröttum brekkum og kröppum beygjum, það reynir því virkilega á keppendur og reynslan er gulls ígildi.

Arna Sigríður, sem var að keppa á sínu fyrsta Ólympíumóti, lauk keppni í 11. sæti af 11 keppendum á tímanum 48:22,33 mínútum.

Arna Sigríður keppir á morgun í götuhjólreiðum. Þar verður ræst út með hópstarti.

Hjólreiðar Ólympíumót fatlaðra

Mest lesið


Fleiri fréttir

Sjá meira


×

Mest lesið