Ég krefst réttlætis fyrir alla í ríku landi! Elín Fanndal skrifar 13. september 2021 06:01 Ágæti kjósandi! Mig langar að upplýsa þig um af hverju ég ákvað að bjóða mig fram í þriðja sæti fyrir Flokk fólksins á Suðurlandi. Mögulegt er að þú eigir samleið með mér í komandi kosningum af svipuðum ástæðum. Ég hef lengi, og hugsanlega rétt eins og þú, vonað að samfélag okkar fari nú að taka öflugar á málum láglaunafólks, öryrkja, aldraðra og í raun bara allra þeirra sem eiga um sárt að binda í okkar annars velmegnandi þjóðfélagi. Sjálf er ég komin af efnalitlu fólki,orðin 58 ára og er fyrst núna að sjá launin endast út mánuðinn með smá afgangi. Þeim árangri hef ég náð með því að vinna hörðum höndum frá 12 ára aldri, gjarnan tvöfalda vinnu. Ekki var í boði fyrir mig að ganga menntaveginn er grunnskóla lauk vegna fjárskorts fjölskyldunnar en það þótti svo sem ekkert tiltökumál í þá daga. En ég er heppin, ég hef haldið góðri heilsu og því getað unnið. Aðrir eru ekki eins lánsamir. Við hjónin fórum illa út úr efnahagshruninu 2008, eins og svo margir aðrir. Þess vegna, þó ekki sé allt í járnum nú eins og þá, sjáum við fram á að öllu óbreyttu, að skulda enn töluvert þegar við byrjum að nýta okkur ellilífeyri. Við erum ein þeirra sem sitja i fjötrum uppgreiðslugjalds hjá Íbúðalánasjóði. Við eigum ekki möguleika á að skuldbreyta lánum vegna þess að við getum ekki og höfum ekki geð í okkur að borga 4 milljónir til að fá láninu aflétt. Ellilífeyrir er skammarlega lágur og ef við höldum heilsu og viljum vinna með honum, skerðist hann. Þannig að möguleikar okkar á að geta ferðast og notið efri ára minnka umtalsvert nema að breytingar verði að veruleika. Raunveruleg loforð eða innantóm Flokkur fólksins mun strax hækka frítekjumark lífeyrisþega úr 25.000 kr. í 100.000 kr. vegna lífeyristekna og fella niður skerðingu á ellilífeyri vegna atvinnutekna. Þessu mikilvæga máli hafa núverandi stjórnarflokkar sýnt fullkomið áhugaleysi. Við þekkjum það flest sem orðin erum eldri en tvævetur að þeir hópar sem helst þurfa á breytingum að halda, fá jafnan mesta plássið fyrir kosningar eða öllu heldur mestan loforðaflauminn. Kosningabaráttan ber jú jafnan hástemmdar yfirlýsingar um hversu vel á nú að gera við þá einstaklinga sem alltof lengi hafa beðið þolinmóðir. Eftir kjördag líður þó ekki á löngu þar til kröfur þessa þjóðfélagsþegna um bætt kjör verða enn á ný að stórkostlegu vandamáli og aftur hefjast hástemmdar yfirlýsingar. Og einmitt nú um að kerfið riði bókstaflega til falls þegar þegnar með útborguð laun, sem rétt slaga um 100.000 kr. fram yfir atvinnuleysisbætur, óska eftir því að loforð um bætt kjör verði efnd. Púkinn á bitanum tútnar áfram út af innantómum og óefndum loforðum. Eitt af slagorðum yfirstandandi kosningabaráttu segir að Ísland sé „land tækifæranna.“ Ég get tekið heilshugar undir setninguna sem slíka en fyrir mér er hún þó eins og hver annar gjallandi. Hvar liggja tækifærin fyrir láglaunafólk sem nær aldrei eða illa endum saman? Fólk sem sér ekki leiðina út úr öngstrætinu? Öryrkjar og eldri borgarar sem fá ekki að vinna nema örorkubætur þeirra og lífeyrir sé skertur. Eigum við áfram að hunsa þetta fólk og segja að þau sem eru málsvarar þeirra haldi á lofti barlómi og bölsýni? Eða eigum við að reyna af festu og elju að koma kjörum þessara hópa í betra horf? Flokkur fólksins er með skýra stefnu í þessum efnum. Við viljum til að mynda nýtt, almannatryggingakerfi sem tryggir lágmarks framfærslu upp á kr. 350.000 á mánuði, skatta og skerðingalaust. Öryrkjar fái að reyna fyrir sér á vinnumarkaði í allt að tvö ár, án skerðingar á bótum. Við munum afnema með öllu himinhá uppgreiðslugjöld á húsnæðislánum frá Íbúðarlánasjóði. Við viljum gera efri ár að gæða árum, ekki kvíðaefni. Árangur Flokks fólksins á Alþingi Flokkur fólksins hefur þegar náð að fá samþykkt þrjú mikilvæg mál. Nú eiga heldri borgarar sinn hagsmunafulltrúa sem þau geta leitað til. Hagsmunafulltrúa er ætlað að vekja athygli á réttinda- og hagsmunamálum aldraðra almennt, jafnt á opinberum vettvangi sem hjá einkaaðilum, leiðbeina öldruðum um réttindi sín og bregðast við, telji hann að brotið sé á þeim. Hagsmunafulltrúi sem hefur frumkvæði og eftirlit með persónulegum högum allra heldri borgara, sérstaklega með tilliti til þess að koma í veg fyrir félagslega einangrun, næringarskort og almennt bágan aðbúnað þeirra. Lögblindir fá nú styrk til að eignast leiðsöguhunda og afnumdar hafa verið skerðingar á lyfjakjaupum aldraða og styrkir veittir til kaupa á hjálpartækjum fyrir ellilífeyrisþega og öryrkja. Allt eru þetta mál sem hafa aukin lífsgæði í för með sér til handa þessum þjóðfélagshópum. Á Alþingi starfar nefnilega í umboði Flokks fólksins FÓLK sem hefur sýnt það og sannað að geta komið á umbótum; bjartsýni, þrautseigja og vilji er fyrir hendi til að knýja fram breytingar. Með þinni samstöðu og stuðningi getum við orðið fleiri þar sem munum halda áfram að berjast fyrir réttlátara þjóðfélagi fyrir alla með áherslu á þá sem minna mega sín. Við segjum fólkið fyrst svo allt hitt! Kær kveðja, Elín Fanndal, frambjóðandi í þriðja sæti fyrir Flokk fólksins á Suðurlandi. Viltu birta grein á Vísi? Sendu okkur póst. Senda grein Skoðun: Kosningar 2021 Flokkur fólksins Mest lesið Grein til stuðnings Söngskóla Sigurðar Demetz Sveinn Dúa Hjörleifsson,Eyrún Unnarsdóttir,Elmar GIlbertsson,Álfheiður Guðmundsdóttir,Kristján Jóhannesson Skoðun “Jákvæð viðbrögð” um veiðigjaldið? Heimir Örn Árnason Skoðun Opið bréf til Rósu Guðbjartsdóttur Margrét Kristín Blöndal Skoðun Skattgreiðendur látnir borga brúsann Hjörtur J. Guðmundsson Skoðun Halldór 21.06.2025 Halldór Veitingastaðir eru ekki kjarnorkuver Jóhann Páll Jóhannsson Skoðun Frábær fundur, frábært framtak, vanvirk stjórnsýsla, meðvirk stjórnvöld Ögmundur Jónasson Skoðun Að sækja gullið (okkar) grein 2 Þröstur Friðfinnsson Skoðun Friðum Eyjafjörð Jana Salóme Ingibjargar Jósepsdóttir Skoðun Kaldar kveðjur frá forsætisráðherrra til ferðaþjónustunnar Pétur Óskarsson Skoðun Skoðun Skoðun Grein til stuðnings Söngskóla Sigurðar Demetz Sveinn Dúa Hjörleifsson,Eyrún Unnarsdóttir,Elmar GIlbertsson,Álfheiður Guðmundsdóttir,Kristján Jóhannesson skrifar Skoðun “Jákvæð viðbrögð” um veiðigjaldið? Heimir Örn Árnason skrifar Skoðun Skattgreiðendur látnir borga brúsann Hjörtur J. Guðmundsson skrifar Skoðun Nokkur orð um Kúbudeiluna og viðskiptabannið Gylfi Páll Hersir skrifar Skoðun Ráðherrar með reiknivél og leyndarhyggju Kristinn Karl Brynjarsson skrifar Skoðun Gróf misbeiting illa fengins valds Örn Sigurðsson skrifar Skoðun Að sækja gullið (okkar) grein 2 Þröstur Friðfinnsson skrifar Skoðun Það verða aðrir þjóðhátíðardagar fyrir okkur en dagar Palestínumanna eru taldir Davíð Aron Routley skrifar Skoðun Pólítískt hugrekki Unnur Hrefna Jóhannsdóttir skrifar Skoðun Vísir að lægri orkureikningi Einar Vilmarsson skrifar Skoðun Frábær fundur, frábært framtak, vanvirk stjórnsýsla, meðvirk stjórnvöld Ögmundur Jónasson skrifar Skoðun Opið bréf til Rósu Guðbjartsdóttur Margrét Kristín Blöndal skrifar Skoðun Mikil réttarbót fyrir fatlað fólk mætir hindrunum Kolbrún Áslaugar Baldursdóttir skrifar Skoðun Verið brjáluð. Ég fer ekki neitt Ian McDonald skrifar Skoðun Hvernig eiga umsækjendur í opinbera sjóði að fylgja forsendum sem eru þversagnakenndar? Bogi Ragnarsson skrifar Skoðun Vönduð vinnubrögð? Heiðrún Lind Marteinsdóttir skrifar Skoðun Við viljum styðja ungmenni í að velja rétt fyrir sig og sína framtíð Þórdís Jóna Sigurðardóttir skrifar Skoðun Veitingastaðir eru ekki kjarnorkuver Jóhann Páll Jóhannsson skrifar Skoðun Nýr vegvísir Evrópusambandsins um jafnrétti kynjanna Clara Ganslandt skrifar Skoðun Frá stjórnun til tengsla – Endurmat á atferlismeðferð í ljósi tilfinningagreindar Kristín Magdalena Ágústsdóttir skrifar Skoðun Blaður 35 Gunnar Hólmsteinn Ársælsson skrifar Skoðun Kaldar kveðjur frá forsætisráðherrra til ferðaþjónustunnar Pétur Óskarsson skrifar Skoðun Nú hefst samræmt próf í stærðfræði Sigrún Ólöf Ingólfsdóttir skrifar Skoðun Rangfærslur Viðskiptaráðs Finnbjörn A. Hermannsson skrifar Skoðun Sanngirni í Kópavogsmódelinu Eydís Inga Valsdóttir skrifar Skoðun Ríkisstjórnarflokkarnir fylgja Landsvirkjun – gegn Þjórsárverum Svandís Svavarsdóttir,Álfheiður Ingadóttir skrifar Skoðun Skapandi framtíð – forvarnir og félagsstarf í Hafnarfirði Kristín Thoroddsen skrifar Skoðun Upplýsingar um mataræði barna og unglinga á landsvísu eru of gamlar – það er óásættanlegt Birna Þórisdóttir,Sigurbjörg Bjarnadóttir,Inga Þórsdóttir skrifar Skoðun Hvaða orka? Birgir Sverrisson skrifar Skoðun Það skiptir máli hvernig gervigreind er notuð í kennslu Hjörvar Ingi Haraldsson skrifar Sjá meira
Ágæti kjósandi! Mig langar að upplýsa þig um af hverju ég ákvað að bjóða mig fram í þriðja sæti fyrir Flokk fólksins á Suðurlandi. Mögulegt er að þú eigir samleið með mér í komandi kosningum af svipuðum ástæðum. Ég hef lengi, og hugsanlega rétt eins og þú, vonað að samfélag okkar fari nú að taka öflugar á málum láglaunafólks, öryrkja, aldraðra og í raun bara allra þeirra sem eiga um sárt að binda í okkar annars velmegnandi þjóðfélagi. Sjálf er ég komin af efnalitlu fólki,orðin 58 ára og er fyrst núna að sjá launin endast út mánuðinn með smá afgangi. Þeim árangri hef ég náð með því að vinna hörðum höndum frá 12 ára aldri, gjarnan tvöfalda vinnu. Ekki var í boði fyrir mig að ganga menntaveginn er grunnskóla lauk vegna fjárskorts fjölskyldunnar en það þótti svo sem ekkert tiltökumál í þá daga. En ég er heppin, ég hef haldið góðri heilsu og því getað unnið. Aðrir eru ekki eins lánsamir. Við hjónin fórum illa út úr efnahagshruninu 2008, eins og svo margir aðrir. Þess vegna, þó ekki sé allt í járnum nú eins og þá, sjáum við fram á að öllu óbreyttu, að skulda enn töluvert þegar við byrjum að nýta okkur ellilífeyri. Við erum ein þeirra sem sitja i fjötrum uppgreiðslugjalds hjá Íbúðalánasjóði. Við eigum ekki möguleika á að skuldbreyta lánum vegna þess að við getum ekki og höfum ekki geð í okkur að borga 4 milljónir til að fá láninu aflétt. Ellilífeyrir er skammarlega lágur og ef við höldum heilsu og viljum vinna með honum, skerðist hann. Þannig að möguleikar okkar á að geta ferðast og notið efri ára minnka umtalsvert nema að breytingar verði að veruleika. Raunveruleg loforð eða innantóm Flokkur fólksins mun strax hækka frítekjumark lífeyrisþega úr 25.000 kr. í 100.000 kr. vegna lífeyristekna og fella niður skerðingu á ellilífeyri vegna atvinnutekna. Þessu mikilvæga máli hafa núverandi stjórnarflokkar sýnt fullkomið áhugaleysi. Við þekkjum það flest sem orðin erum eldri en tvævetur að þeir hópar sem helst þurfa á breytingum að halda, fá jafnan mesta plássið fyrir kosningar eða öllu heldur mestan loforðaflauminn. Kosningabaráttan ber jú jafnan hástemmdar yfirlýsingar um hversu vel á nú að gera við þá einstaklinga sem alltof lengi hafa beðið þolinmóðir. Eftir kjördag líður þó ekki á löngu þar til kröfur þessa þjóðfélagsþegna um bætt kjör verða enn á ný að stórkostlegu vandamáli og aftur hefjast hástemmdar yfirlýsingar. Og einmitt nú um að kerfið riði bókstaflega til falls þegar þegnar með útborguð laun, sem rétt slaga um 100.000 kr. fram yfir atvinnuleysisbætur, óska eftir því að loforð um bætt kjör verði efnd. Púkinn á bitanum tútnar áfram út af innantómum og óefndum loforðum. Eitt af slagorðum yfirstandandi kosningabaráttu segir að Ísland sé „land tækifæranna.“ Ég get tekið heilshugar undir setninguna sem slíka en fyrir mér er hún þó eins og hver annar gjallandi. Hvar liggja tækifærin fyrir láglaunafólk sem nær aldrei eða illa endum saman? Fólk sem sér ekki leiðina út úr öngstrætinu? Öryrkjar og eldri borgarar sem fá ekki að vinna nema örorkubætur þeirra og lífeyrir sé skertur. Eigum við áfram að hunsa þetta fólk og segja að þau sem eru málsvarar þeirra haldi á lofti barlómi og bölsýni? Eða eigum við að reyna af festu og elju að koma kjörum þessara hópa í betra horf? Flokkur fólksins er með skýra stefnu í þessum efnum. Við viljum til að mynda nýtt, almannatryggingakerfi sem tryggir lágmarks framfærslu upp á kr. 350.000 á mánuði, skatta og skerðingalaust. Öryrkjar fái að reyna fyrir sér á vinnumarkaði í allt að tvö ár, án skerðingar á bótum. Við munum afnema með öllu himinhá uppgreiðslugjöld á húsnæðislánum frá Íbúðarlánasjóði. Við viljum gera efri ár að gæða árum, ekki kvíðaefni. Árangur Flokks fólksins á Alþingi Flokkur fólksins hefur þegar náð að fá samþykkt þrjú mikilvæg mál. Nú eiga heldri borgarar sinn hagsmunafulltrúa sem þau geta leitað til. Hagsmunafulltrúa er ætlað að vekja athygli á réttinda- og hagsmunamálum aldraðra almennt, jafnt á opinberum vettvangi sem hjá einkaaðilum, leiðbeina öldruðum um réttindi sín og bregðast við, telji hann að brotið sé á þeim. Hagsmunafulltrúi sem hefur frumkvæði og eftirlit með persónulegum högum allra heldri borgara, sérstaklega með tilliti til þess að koma í veg fyrir félagslega einangrun, næringarskort og almennt bágan aðbúnað þeirra. Lögblindir fá nú styrk til að eignast leiðsöguhunda og afnumdar hafa verið skerðingar á lyfjakjaupum aldraða og styrkir veittir til kaupa á hjálpartækjum fyrir ellilífeyrisþega og öryrkja. Allt eru þetta mál sem hafa aukin lífsgæði í för með sér til handa þessum þjóðfélagshópum. Á Alþingi starfar nefnilega í umboði Flokks fólksins FÓLK sem hefur sýnt það og sannað að geta komið á umbótum; bjartsýni, þrautseigja og vilji er fyrir hendi til að knýja fram breytingar. Með þinni samstöðu og stuðningi getum við orðið fleiri þar sem munum halda áfram að berjast fyrir réttlátara þjóðfélagi fyrir alla með áherslu á þá sem minna mega sín. Við segjum fólkið fyrst svo allt hitt! Kær kveðja, Elín Fanndal, frambjóðandi í þriðja sæti fyrir Flokk fólksins á Suðurlandi.
Grein til stuðnings Söngskóla Sigurðar Demetz Sveinn Dúa Hjörleifsson,Eyrún Unnarsdóttir,Elmar GIlbertsson,Álfheiður Guðmundsdóttir,Kristján Jóhannesson Skoðun
Frábær fundur, frábært framtak, vanvirk stjórnsýsla, meðvirk stjórnvöld Ögmundur Jónasson Skoðun
Skoðun Grein til stuðnings Söngskóla Sigurðar Demetz Sveinn Dúa Hjörleifsson,Eyrún Unnarsdóttir,Elmar GIlbertsson,Álfheiður Guðmundsdóttir,Kristján Jóhannesson skrifar
Skoðun Það verða aðrir þjóðhátíðardagar fyrir okkur en dagar Palestínumanna eru taldir Davíð Aron Routley skrifar
Skoðun Frábær fundur, frábært framtak, vanvirk stjórnsýsla, meðvirk stjórnvöld Ögmundur Jónasson skrifar
Skoðun Hvernig eiga umsækjendur í opinbera sjóði að fylgja forsendum sem eru þversagnakenndar? Bogi Ragnarsson skrifar
Skoðun Við viljum styðja ungmenni í að velja rétt fyrir sig og sína framtíð Þórdís Jóna Sigurðardóttir skrifar
Skoðun Frá stjórnun til tengsla – Endurmat á atferlismeðferð í ljósi tilfinningagreindar Kristín Magdalena Ágústsdóttir skrifar
Skoðun Ríkisstjórnarflokkarnir fylgja Landsvirkjun – gegn Þjórsárverum Svandís Svavarsdóttir,Álfheiður Ingadóttir skrifar
Skoðun Upplýsingar um mataræði barna og unglinga á landsvísu eru of gamlar – það er óásættanlegt Birna Þórisdóttir,Sigurbjörg Bjarnadóttir,Inga Þórsdóttir skrifar
Grein til stuðnings Söngskóla Sigurðar Demetz Sveinn Dúa Hjörleifsson,Eyrún Unnarsdóttir,Elmar GIlbertsson,Álfheiður Guðmundsdóttir,Kristján Jóhannesson Skoðun
Frábær fundur, frábært framtak, vanvirk stjórnsýsla, meðvirk stjórnvöld Ögmundur Jónasson Skoðun