Hákon, sem er átján ára, kom til FCK frá ÍA fyrir tveimur árum. Hann hefur leikið þrjá leiki fyrir aðallið FCK.
Ítalski íþróttafréttamaðurinn Rudy Galetti greinir frá því að fjölmörg félög í Evrópu fylgist grannt með Hákoni og nefnir Bologna sérstaklega til sögunnar í því samhengi. Hann segir að FCK gæti fengið tilboð í Hákon þegar félagaskiptaglugginn verður opnaður í byrjun næsta árs.
#Bologna are interested in an talent, Hakon Arnar #Haraldsson. Midfielder 2003 class, he is followed by clubs all over the : #Copenhagen - his current team - are preparing to receive many offers in the next transfer session. #Calciomercato #Transfers
— Rudy Galetti (@RudyGaletti) October 4, 2021
Hákon er núna með U-19 ára landsliðinu í undankeppni EM í Slóveníu. Hann kom Íslendingum á bragðið í 3-1 sigri á heimamönnum í fyrradag. Hákon lék með U-21 ára landsliðinu í síðustu landsleikjahrinu og skoraði meðal annars bæði mörk Íslands í 1-2 útisigri á Hvíta-Rússlandi. Hann hefur alls leikið 25 leiki fyrir yngri landslið Íslands og skorað sjö mörk.
Samherji Hákons hjá FCK, Andri Fannar Baldursson, lék með Bologna áður en hann fór til danska liðsins í haust.
Bologna er í 9. sæti ítölsku úrvalsdeildarinnar með ellefu stig eftir sjö umferðir.
